Nzoni Tënë so Luc asu na mbeti 13:35 - Mbeti ti Nzapa - Tënë so amu fini

³⁵ Fade ya ti da ti ala ayeke ngba senge senge! Mbi tene na ala so, fade ala yeke kiri ti baa mbi pepe ngbii asi na ngoi so ala yeke tene ande, atene: ‘Ayeke nzoni Nzapa asara tufa na ndö ti lo so aga na iri ti *Kota Gbia!’ ”

Nzoni Tënë so Luc asu na mbeti 13:35 ပူးပေါင်းရင်းမြစ်များ

Abia (Psaumes) 118:26

– Ayeke nzoni KOTA GBIA asara tufa na ndö ti lo so aga na iri ti KOTA GBIA! E so e yeke na ya ti kota da ti KOTA GBIA so, e sara tufa na ndö ti ala.

Abia (Psaumes) 69:25

Tuku sioni ngonzo ti mo na ndö ti ala, ayeke nzoni ngonzo ti mo ti wâ ati na ndö ti ala.

Ésaïe 52:7

So ayeke nzoni ye mingi ti baa zo so aga na nzoni tënë na li ti ahoto! Lo yeke fa tënë ti siriri, tënë ti nzoni dutingo ti zo nga na tënë ti songo zo na kuâ. Lo yeke tene na Jérusalem: “Nzapa ti mo ayeke le-gbia!”

Jérémie 22:5

Me tongana ala, azo ti Juda, ala ma tënë so pepe – mbi KOTA GBIA, mbi deba na iri ti mbi wani – fade yangbo so ayeke ga ndo ti gba ti atêne; so tënë ti yanga ti KOTA GBIA laa.”

Jérémie 35:17

Jérémie akiri atene: “Ndani laa, tënë so KOTA GBIA so ayeke na ndö ti dunia kue, Nzapa ti Israel atene ayeke so: Ala azo ti Juda na ala, azo ti Jérusalem, akpale so kue mbi tene tënë ni so, mbi yeke sara titene aga na ndö ti ala. Biani, mbi tene tënë na ala, me ala ma mbi pepe; mbi iri ala, me ala ke ti yeda.”

Mishe 3:12

Ndani laa, ndali ti ala, fade Sion ayeke ga tongana yaka so a de ni awe, Jérusalem ayeke ti kue na sese si hoto so kota da ti Nzapa ayeke daa, ndö ni ayeke ga ngonda.

Zakarii 12:10

Mbi yeke sara titene yingo ti sarango ye ti nzoni na yingo ti sambelango mbi aga na ndö ti *ahale ti David nga na ndö ti azo ti gbata ti Jérusalem. Fade ala yeke baa ndo na mbage ti mbi, lo so ala kpo lo so. Ala yeke toto kuâ ti lo tongana ti so a yeke toto kuâ ti oko molenge-koli. Ala yeke toto lo ngangu mingi tongana ti so a yeke toto kuâ ti kozo molenge.

Zakarii 14:2

Fade KOTA GBIA ayeke bongbi amara kue ti tiri bira na Jérusalem; azo ayeke mu gbata ni, ala yeke nzi aye ti ya ti ada, ala yeke gbu awali na ngangu ti lango na ala; ala yeke gbu ndambo ti azo ti gbata ni ti gue na ala na kodro wande, me tanga ti azo ayeke ngba na ya ti gbata ni.

Matthieu 21:9

Azo so ayeke tambula na dawa ti Jésus na ala so ayeke tambula na peko ti lo ayeke dekongo, atene: “E gonda Molenge ti David! Ayeke nzoni Nzapa asara tufa na ndö ti lo so aga na iri ti Kota Gbia! E gonda Nzapa so ayeke na yayu kâ na ndö ti aye kue!”

Matthieu 23:37

“Jérusalem! Jérusalem! Mo so mo yeke fâ awayanga-Nzapa; azo so Nzapa atokua ala na mo, mo bo ala na têne ti fâ ala. Lege mingi, mbi ye fade ti bongbi azo ti mo na gbe ti mbi tongana ti so mama ti kondo ayeke bongbi amolenge ti lo na gbe ti maboko ti lo, me mo yeda pepe!

Nzoni Tënë so Luc asu na mbeti 19:41

Jésus asi nduru na Jérusalem, lo baa gbata ni si lo toto ndali ni.

Nzoni Tënë so Luc asu na mbeti 21:24

Fade a yeke fâ azo ni na yongoro zeme, a yeke gbu ala ti gue na ala na ya ti akodro kue. Amara kue ayeke buba gbata ti Jérusalem kue ngbii ngoi ti ala ahunzi si.”

Jean 12:13

Tongaso ala mu amaboko ti akeke ti mburu si ala gue ti wara lo na lege. Ala dekongo, atene: “E gonda Nzapa! Ayeke nzoni Nzapa asara tufa na ndö ti lo so aga na iri ti *Kota Gbia; lo yeke gbia ti Israel!”