Nzoni Tënë so Luc asu na mbeti 13:34 - Mbeti ti Nzapa - Tënë so amu fini

³⁴ “Jérusalem! Jérusalem! Mo so mo yeke fâ awayanga-Nzapa si mo yeke bo na têne azo so Nzapa atokua ala na mo! Lege mingi, mbi ye fade ti bongbi azo ti mo na gbe ti mbi tongana ti so mama ti kondo ayeke bongbi amolenge ti lo na gbe ti maboko ti lo, me mo yeda pepe!

Nzoni Tënë so Luc asu na mbeti 13:34 ပူးပေါင်းရင်းမြစ်များ

Néhémie 9:26

Me akotara ti e asara ngangu li na mo, ala tomboka na tere ti mo, ala bi atënë ti ndia ti mo na peko ti ala; ala fâ awayanga ti mo so ayeke mu wango na ala titene ala kiri na mbage ti mo. Na sarango ye tongaso, ala zonga mo mingi.

Néhémie 9:30

Mo kanga be ti mo na ala na ya ti ngu mingi. Na lege ti yingo ti mo, mo mu wango na ala na lege ti awayanga ti mo; me ala ma awayanga ti mo ni pepe. Tongaso mo zia ala na maboko ti azo ti amara nde.

Abia (Psaumes) 149:2

Ayeke nzoni azo ti Israel aduti na ngia ndali ti lo so lo sara ala! Ayeke nzoni azo ti *Sion adodo na ngia ndali lo, lo yeke gbia ti ala!

Abia (Psaumes) 17:8

Bata mbi tongana mboma ti le ti mo, honde mbi na gbe ti maboko ti mo tongana ti so ndeke ayeke bata amolenge ti lo na gbe ti *kpangi ti lo.

Abia (Psaumes) 36:7

Mbirimbiri ti mo ayeke kota mingi ahon akota hoto; fango ngbanga ti mo alinda mingi tongana kota ngu-ingo. KOTA GBIA, mo yeke soo azo na anyama.

Abia (Psaumes) 57:1

Bia so ayeke ndali ti makonzi-bia. A he ni na go ti bia so iri ni: “Mo buba ye pepe.” Sambela ti ya ti be ti David. Lo he ni na ndembe so Saul atumba peko ti lo si lo kpe, lo honde tere ti lo na ya ti du ti têne.

Abia (Psaumes) 81:13

Tongaso, mbi zia ala ti ngba na kpengbango be ti ala, ala sara ye so ala leke na be ti ala ti sarango ni!

Abia (Psaumes) 91:4

Lo yeke bata mo na gbe ti maboko ti lo, mo yeke honde tere ti mo na gbe ti maboko ti lo tongana ti so molenge ti ndeke ayeke honde tere ti lo na gbe ti maboko ti mama ti lo. Batango tënë ti yanga ti lo so lo yeke bata ayeke tongana vala na kazaka ti wen so ayeke bata mo.

Ésaïe 30:15

Biani, Kota Gbia NZAPA ti Israel, lo so lo yeke nde si lo yeke nzoni kue, tënë so lo tene ayeke so: Ala lingbi ti soo kuâ gi tongana ala kiri na mbi si ala duti kpoo. Ala yeke wara ngangu gi tongana ala duti kpoo si ala zia be ti ala na ndö ti mbi. Me ala ye pepe.

Ésaïe 50:2

Mbi ga, mbi wara zo oko pepe, ngbanga ti nyen? Mbi iri ndo, zo oko ayeda pepe, ngbanga ti nyen? Maboko ti mbi ayeke nduru mingi titene mbi zi ala? Ngangu laa atia mbi titene mbi soo ala? Gi so mbi suku, kota ngu-ingo ahole; mbi sara si *abale aga kuru sese. Ndali ti so ngu ayeke daa pepe, asusu ayeke kui nzara ti ngu si ala yeke fun.

Jérémie 2:30

Mbi pika ala gbaa; li ti ala aga daa oko pepe. Ala wani afâ awayanga-Nzapa ti ala na yongoro zeme tongana ti so bamara ayeke suru ya ti nyama.

Jérémie 26:23

Ala gue, agbu Uria kâ na Ezipte si aga na lo na gbia Yoakim. Yoakim afâ lo; a mu kuâ ti lo si a bi na ya ti du so ayeke ndali ti azo kue.

Jérémie 35:14

Ando Yonadab, molenge ti Rekab, amu yanga na amolenge ti lo titene ala nyon vin pepe. Nilaa amolenge ni ama yanga ti kotara ti ala si ala ke ti nyon vin ngbii asi laso. Me ti mbi KOTA GBIA, mbi mu ngoi ti mbi kue ti tene tënë na ala, azo ti Juda, me ala ma mbi pepe.

Jérémie 35:17

Jérémie akiri atene: “Ndani laa, tënë so KOTA GBIA so ayeke na ndö ti dunia kue, Nzapa ti Israel atene ayeke so: Ala azo ti Juda na ala, azo ti Jérusalem, akpale so kue mbi tene tënë ni so, mbi yeke sara titene aga na ndö ti ala. Biani, mbi tene tënë na ala, me ala ma mbi pepe; mbi iri ala, me ala ke ti yeda.”

Jérémie 6:16

Tënë so KOTA GBIA atene ayeke so: Lege so ala ngba ti gue daa so, ala luti kete si: ala baa ndo, ala hunda ndo na ndö ti lege so azo amu ando so: ‘Nzoni lege ayeke na ndo wa?’ Ayeke nzoni ala mu lege ni so, tongaso si fade ala duti na siriri. Me ala kiri tënë: ‘E ye ti mu lege so pepe!’

Abia ti demango tere 1:16

Ndali ti aye ti kpale so, mbi yeke toto. Ngu ti le ti mbi ayeke yuru, ayeke yuru. Zo ti de be ti mbi, zo so ayeke kiri ngangu na mbi so, lo hon yongoro na tere ti mbi awe. Amolenge ti mbi ti koli akiri angba zo pepe, awato ahon ndö ti e na ngangu awe!

Abia ti demango tere 4:13

Me akpale so ati na ya ti kodro ni, ngbanga ti so awayanga-Nzapa asara siokpari, awayango-sandaga asara sioni mingi: ala tuku mene ti azo ti mbirimbiri ti gbata ni. Nilaa, akpale so ati na ya ti kodro ni.

Osée 11:2

Me na pekoni, so mbi yeke iri ala, ala yeke hon gi hongo yongoro na tere ti mbi. Ala mu *sandaga na anzapa *Baal, ala zö dukani na ayanda.

Osée 11:7

Azo ti mbi aleke be ti ala ti ke mbi biani biani; a iri ala titene ala londo na nduzu, me zo oko na popo ti ala alondo pepe.

Joël 2:23

Ala azo so ayeke lango na *Sion, ala dodo na ngia, ala duti na ngia ndali ti KOTA GBIA, Nzapa ti ala. Na peko ti buru, lo yeke tokua na ala ngu-Nzapa ti zi ala na ya ti kpale, lo yeke tokua na ala ngu-Nzapa alingbi na angoi ni tongana ti kozoni.

Zakarii 1:4

Ala sara ye tongana ti akotara ti ala pepe. Ando, akozo wayanga-Nzapa afa tënë ti mbi na akotara ti ala ni, atene: Tënë so KOTA GBIA so ayeke na ndö ti dunia kue atene ayeke so: ‘Ala zia ngbene lege ti sarango ye ti ala, ala zia asioni sarango ye ti ala.’ Me ala ma pepe, ala ma yanga ti mbi pepe; so tënë ti yanga ti KOTA GBIA laa.

Matthieu 22:3

Lo tokua azo ti kua ti lo ti iri azo so lo tisa ala na matanga ni, me azo ni aye ti ga pepe.

Matthieu 22:6

Ambeni agbu azo ti kua ti gbia ni, apika ala si afâ ala.

Nzoni Tënë so Luc asu na mbeti 15:28

Tongaso ngonzo agbu kozo molenge ni si lo ke ti li na da. Babâ ti lo asigigi, avoro lo titene lo li.

Nzoni Tënë so Luc asu na mbeti 19:44

Awato ti mo ni ayeke nika mo na azo ti mo kue; mbeni têne oko ayeke ngba na ndö ti mba ti lo pepe, ngbanga ti so lango so Nzapa aga ti baa mo asi awe, me mo hinga ni pepe!”

Nzoni Tënë so Luc asu na mbeti 23:28

Jésus abaa ndo na mbage ti ala si lo tene na ala: “Awali ti Jérusalem, ala toto ndali ti mbi pepe! Me ala toto ndali ti ala wani na amolenge ti ala,

Awatokua 7:52

Wayanga-Nzapa wa laa akotara ti ala azia ti sara ngangu na lo? Akotara ti ala afâ azo so atene kozoni tënë ti gango ti Zo ti mbirimbiri. Fadeso, ala laa aka Zo ti mbirimbiri ni si ala fâ lo!

Awatokua 7:59

So ala yeke bo Étienne na têne, lo sambela, lo tene: “*Kota Gbia Jésus, mu yingo ti mbi!”

Awatokua 8:1

Saul ayeda na tënë ti fango Étienne. Na lango ni so, azo ato nda ti sara ngangu mingi na azo ti *Eglize so ayeke na Jérusalem. Azo ti Jésus kue akangbi na ndö ti sese ti Judée na ti Samarii, gi *awatokua laa angba na Jérusalem.

Ndia ti fani use ni 32:29

Tongana ala yeke fade azo ti ndara, ka ala hinga nda ti ye so, ka ala ku ti baa ye so ayeke si na ala gbanda.

Ndia ti fani use ni 5:29

Tongana ala leke fade be ti ala biani ti kpe mbeto ti mbi tongaso lakue si ala sara ye alingbi na atënë ti yanga ti mbi, ka ayeke nzoni mingi! Ka ala, na *ahale ti ala ayeke duti nzoni kpu na kpu!

Aye so Nzapa afa 11:8

Fade kuâ ti ala ayeke ngba na ndö ti kota balabala ti ya ti kota gbata ni, gbata so azo afâ Kota Gbia ti ala na ndö ti keke ti kroa daa so. Azo airi kota gbata ni na lege ti *mato atene, “Sodome” wala “Ezipte.”

Ruth 2:12

Mbi sambela titene anzoni ye so mo sara so, KOTA GBIA akiri peko ni na mo. Ayeke nzoni KOTA GBIA, Nzapa ti Israel, so mo ga ti duti na gbe ti lo akiri peko ni kue na mo.”