Nzoni Tënë so Luc asu na mbeti 13:32 - Mbeti ti Nzapa - Tënë so amu fini

³² Lo kiri tënë na ala, lo tene: “Ala gue, atene na zo ti mayere, zo ti gbungo kondo so, atene: ‘Mbi yeke tumba asioni yingo, mbi yeke kai akobela ti azo laso na kekereke; na lango ota ni, fade mbi yeke hunzi kua ti mbi.’

Nzoni Tënë so Luc asu na mbeti 13:32 ပူးပေါင်းရင်းမြစ်များ

B. ti abia 2:15

Ala gbu na e anyama ti gbungo kondo, akete nyama ti gbungo kondo so ayeke buba ayaka ti vinye so. Andaa ngoi so ayaka ti vinye ti e amu kongo laa.

Ezekiel 13:4

Azo ti Israel, awayanga-nzapa ti ala aga tongana anzagua na ndo so ada atuku kue na sese!

Sofonii 3:3

Amakonzi ti lo ayeke tongana abamara so ayeke toto; awafango-ngbanga ti lo ayeke tongana ambo ti ngonda so ate kobe ti ala ti lakui kue si na ndaperere, ala yeke na ye oko ti tengo ni pepe.

Marc 6:14

Gbia Herode ama tënë ti Jésus, ngbanga ti so iri ti lo awu amu ndo kue. Ambeni zo atene: “Jean-Baptiste azingo na kuâ awe! Ndani laa, lo yeke na ngangu ti sara na aye ti kpene so.”

Jean 10:32

Lo hunda ala, lo tene: “Na dawa ti ala, mbi sara anzoni ye mingi so alondo na Babâ. Ti so wa laa ala ye ti bo mbi na têne ngbanga ni so?”

Jean 19:30

Jésus anyon kpingo vin ni si na pekoni, lo tene: “Ye kue ahunzi awe!” Lo ba li ti lo na sese si lo kui.

Ahebro 2:10

Nzapa asara ye kue, ye kue ayeke ndali ti lo. Lo ye ti mu azo mingi ti li na ala na ya ti gonda ti lo. Biani, alingbi fade lo sara titene Jésus aga nzoni kue na lege ti pasi so lo baa. Andaa Jésus ayeke mu lege na azo titene ala soo kuâ.

Ahebro 5:9

So lo sara aye so kue lo lingbi fade ti sara awe, Jésus aga zo ti songo azo so kue ayeke ma yanga ti lo si lo yeke sara titene ala duti na fini lakue lakue.

Ahebro 7:28

Azo so Ndia ti Moïse amu na ala lege ti ga akota wayango-sandaga, ala yeke azo so alingbi kue pepe; me na peko ti Ndia ni, Nzapa adeba yanga ti lo si lo mu Molenge ti lo ti ga kota wayango-sandaga so alingbi kue kpu na kpu.