Nzoni Tënë so Luc asu na mbeti 13:17 - Mbeti ti Nzapa - Tënë so amu fini

¹⁷ So Jésus atene tongaso, kamene agbu le ti awato ti lo kue; me ngia asi be ti gba ti azo ni ngbanga ti akota ye so lo yeke sara so.

Nzoni Tënë so Luc asu na mbeti 13:17 ပူးပေါင်းရင်းမြစ်များ

Abia (Psaumes) 109:29

Azo so ayeke bi tënë na li ti mbi so, ayeke nzoni nengo ti ala ati na sese si kamene aga tongana kota bongo so akanga tere ti ala.

Abia (Psaumes) 111:3

Aye so lo sara ayeke pendere mingi si ane mingi; batango tënë ti yanga ti lo so lo yeke bata angba kpu kpu.

Abia (Psaumes) 132:18

Mbi yeke sara si kamene ahon ndö ti awato ti lo si kpoto ti lo ti gbia ayeke za zango na li ti lo.”

Abia (Psaumes) 40:14

KOTA GBIA, mbi gbu gere ti mo, mo zi mbi maa! KOTA GBIA, ga hio mo mu maboko na mbi!

Sigingo 15:11

KOTA GBIA, na popo ti anzapa, lo so wa laa ayeke tongana mo? Zo wa laa alingbi na gonda, lo yeke nde si lo yeke nzoni kue tongana mo? Zo wa laa alingbi ti sara akota ye tongana mo? Zo wa laa alingbi ti sara aye ti kpene tongana mo?

Ésaïe 4:2

Na lango ni so, fade *KOTA GBIA ayeke sara titene mbeni kete keke asigigi pendere si aga ye ti gonda. Ye so kodro ni ayeke le ayeke ga ye ti nengo ndali ti azo ti Israel so angba na fini nga na ye ti mungo gonda na ala.

Ésaïe 45:24

Ala yeke tene tënë na ndö ti mbi, atene: “Gi na lege ti *KOTA GBIA oko si sarango ye ti mbirimbiri na ngangu ayeke daa.” Azo so kue atiri na mbi, fade ala yeke ga na mbage ti mbi, kamene ayeke hon ndö ti ala.

Ésaïe 66:5

Ala ma tënë ti *KOTA GBIA, ala so tere ti ala ayeke do na mbeto ndali ti tënë ti lo: Ambeni ita ti ala ake ala si atumba ala ndali ti mbi. A-ita ti ala ni ayeke he ala si ayeke tene: “Ayeke nzoni KOTA GBIA afa gonda ti lo si e lingbi ti baa ngia ti ala ni!” Me a-ita ti ala ni laa kamene ayeke gbu ande le ti ala.

Nzoni Tënë so Luc asu na mbeti 14:6

Me azo ni alingbi ti kiri tënë na lo pepe.

Nzoni Tënë so Luc asu na mbeti 18:43

Gi hio tongaso, le ti lo azi si lo mu peko ti Jésus, lo yeke gonda Nzapa. Azo so kue abaa ye ni ayeke gonda nga Nzapa.

Nzoni Tënë so Luc asu na mbeti 19:48

Me ala hinga ye so ala lingbi ti sara pepe, ngbanga ti so azo kue azia mê ti ala kue ti ma atënë so ayeke sigigi na yanga ti lo.

Nzoni Tënë so Luc asu na mbeti 20:40

Nilaa, nzara ti kiri ti hunda lo na mbeni tënë asigigi na ya ti ala kue.

Awatokua 4:21

Tongaso azo ti fango ngbanga ni akiri asuku na ala ngangu si na pekoni, ala zi ala. Ala baa so lege ti fâ ngbanga na li ti ala ayeke daa pepe, ngbanga ti so azo kue ayeke gonda Nzapa ndali ti ye so asi.

2 Timothée 3:9

Me fade ala yeke gue yongoro pepe, ngbanga ti so azo kue ayeke hinga buba ti ala tongana ti so azo ahinga ando buba ti Yanes na Yambres so.

Tite 2:8

Mo tene gi tënë so ayeke na legeni si zo alingbi ti kasa ni pepe, tongaso si wato agi tënë ti bi na li ti e gbaa si kamene agbu lo.

1 Pierre 3:16

Ala kiri tënë na azo ni na ngangu pepe, ala ne azo ni. Alingbi mbeni sioni ye oko aduti na be ti ala pepe. Tongaso, taa ye so azo ayeke bi tënë na li ti ala senge senge ndali ni, kamene ayeke gbu azo so atene sioni tënë na tere ti ala ndali ti nzoni dutingo ti ala oko na Christ.