Nzoni Tënë so Luc asu na mbeti 12:7 - Mbeti ti Nzapa - Tënë so amu fini

⁷ Ataa kua ti li ti ala, azo ti mbi, Nzapa adiko ni kue awe. Ala sara mbeto ti zo oko pepe! Ala hon andeke so mingi!”

Nzoni Tënë so Luc asu na mbeti 12:7 ပူးပေါင်းရင်းမြစ်များ

2 Samuel 14:11

Wali ni atene: “Ayeke nzoni gbia adeba yanga ti lo na iri ti *KOTA GBIA, Nzapa ti lo titene zo so alingbi ti kiri peko ti fango molenge ti mbi na zo ti fango lo, alingbi lo kiri lo zia vundu na ndö ti vundu pepe na fango tanga ti molenge so angba na mbi!” Gbia ni atene: “KOTA GBIA ayeke na fini! Ataa kua ti li ti molenge ti mo oko ayeke ti pepe!”

Mbeti ti Job 35:11

Lo so lo yeke fa ye na e na lege ti anyama ti ngonda, lo yeke mu ndara na e na lege ti andeke ti nduzu.”

Abia (Psaumes) 8:6

Mo sara lo, angba kete lo lingbi na *a-ange; mo zia lo gbia si mo mu na lo gonda na nengo.

Matthieu 12:12

Zo ahon taba mingi! Tongaso, Ndia amu lege na zo ti sara nzoni na mba ti lo na lango ti wungo tere.”

Matthieu 6:26

Ala baa andeke ti nduzu si: ala yeke lu le ti kobe pepe, ala yeke ko le ti kobe ti bongbi ni na ya ti gogoro pepe; me Babâ ti ala so ayeke na yayu ayeke mu kobe na andeke so. Ala azo, ala hon andeke pepe?

Nzoni Tënë so Luc asu na mbeti 21:18

Me fade mbeni kua ti li ti ala oko ayeke girisa pepe.

Awatokua 27:34

Tongaso mbi hunda na ala ti te kobe; ala te ni si ala soo kuâ. Fade kua ti li oko ti mbeni zo na popo ti ala ayeke ti pepe.”

1 Samuel 14:45

Me aturugu atene na Saul: “Jonatan so asara si azo ti Israel aso benda so, fade lo yeke kui biani? Tongana e fâ lo, so ayeke sioni ye mingi. KOTA GBIA ayeke na fini! E yeke yeda titene kua ti li ti Jonatan oko ati na sese pepe, ngbanga ti so lo na Nzapa laa asara ye so laso!” Tongaso aturugu asoo Jonatan na ya ti kuâ.