Nzoni Tënë so Luc asu na mbeti 12:57 - Mbeti ti Nzapa - Tënë so amu fini

⁵⁷ “Ye so ayeke mbirimbiri ti sarango ni, ngbanga ti nyen laa ala wani aleke tënë ni na be ti ala pepe?

Nzoni Tënë so Luc asu na mbeti 12:57 ပူးပေါင်းရင်းမြစ်များ

Matthieu 21:21

Jésus akiri tënë na ala: “Mbi tene na ala taa-tënë: tongana ala yeke na mabe si ala dekite pepe, fade ala yeke sara ye so mbi sara na keke ti fige so. Ala lingbi nga ti tene na hoto so: ‘Londo na ndo so, mo ti na ya ti kota ngu-ingo’, fade ye ni ayeke si alingbi na ni.

Matthieu 21:32

Biani, Jean aga ando na mbage ti ala, lo fa na ala lege so ayeke lege ti sarango ye ti mbirimbiri, me ala yeda na tënë ti lo pepe. Me azo ti rongo nginza ti lapo na awali-ndumba ayeda na tënë ti lo. Ti ala, na peko ti ye so kue ala baa, ala ke ti zia sioni lege ti ala, ala yeda na tënë ti lo pepe.”

Nzoni Tënë so Luc asu na mbeti 21:30

Gi so afini kugbe ayeke sigigi daa, ala hinga atene, ngoi ti lungo ale ti kobe aga nduru awe.

Jean 7:24

Ala fâ ngbanga gi ndali ti le ti zo pepe, me ala fâ ngbanga so ayeke na legeni.”

Awatokua 2:40

Pierre atene ambeni tënë mingi, lo mu wango na ala titene tënë ni ali be ti ala si amu ngangu na be ti ala; lo tene: “Azo ti fadeso ayeke asioni zo; ayeke nzoni ala sigigi na popo ti ala si ala soo kuâ.”

1 Korente 11:13

Ala wani agbu li ti ala na ndö ti tënë so: tongana wali akanga ye na li ti lo pepe si lo sambela, so ayeke na legeni?

1 Korente 11:14

Tongana koli ayeke na yongoro kua ti li, lo bi tere ti lo na sese awe. Gigi laa ayeke fa na ala ye so pepe?

Ndia ti fani use ni 32:29

Tongana ala yeke fade azo ti ndara, ka ala hinga nda ti ye so, ka ala ku ti baa ye so ayeke si na ala gbanda.