Nzoni Tënë so Luc asu na mbeti 12:5 - Mbeti ti Nzapa - Tënë so amu fini

⁵ Me mbi ye ti fa na ala lo so ala lingbi ti kpe mbeto ti lo. Ayeke nzoni ala kpe mbeto ti Nzapa so, tongana lo fâ zo awe, lo yeke na ngangu ti bi zo ni na ndo so wâ ayeke gbi daa lakue. Biani, mbi tene na ala: lo laa ala lingbi ti kpe mbeto ti lo.

Nzoni Tënë so Luc asu na mbeti 12:5 ပူးပေါင်းရင်းမြစ်များ

Abia (Psaumes) 9:17

KOTA GBIA asara si azo ahinga lo, lo fâ ngbanga awe: lo gbu zo ti sioni na ya ti kuku ti zo ni wani. Kete mozoko. Luti kete

Amato 14:26

Zo so ayeke kpe mbeto ti KOTA GBIA, sioni ye oko ayeke si na lo pepe; KOTA GBIA ayeke ndo ti batango tere ti amolenge ti lo.

Jérémie 10:7

Mo so mo yeke gbia ti amara kue, zo wa laa alingbi ti kpe mbeto ti mo pepe? So laa alingbi titene azo asara na mo. Na popo ti azo ti ndara ti dunia so nga na ya ti akodro-gbia kue, mbeni zo tongana mo ayeke daa pepe.

Jérémie 41:18

titene ala kpe azo ti Babilone so ala sara mbeto ti ala. Biani, Ismael afâ lani Gedalia, molenge ti Ahikam, lo so gbia ti Babilone azia lo na li ti kodro ni.

Jérémie 5:22

Ala kpe mbeto ti mbi pepe? So tënë ti yanga ti KOTA GBIA laa. Tere ti ala ado na dawa ti mbi pepe? Mbi laa mbi zia mbutu ti sara si kota ngu-ingo angba na ndo so ayeke daa. So ayeke katikati so angba kpu na kpu; kota ngu-ingo ni ayeke hon ni pepe. Ataa *amapo ti ngu ni alondo tongana nyen, ngu ni alingbi ti hon ndö ni pepe.

Matthieu 10:28

Azo so ayeke fâ tere ti zo, ala sara mbeto ti ala pepe; azo ni alingbi ti fâ yingo ti zo pepe. Me ayeke nzoni ala kpe mbeto ti Nzapa so alingbi ti sara si tere ti zo na yingo ti lo kue abuba na ndo so wâ ayeke gbi daa lakue.

Matthieu 25:41

“Na pekoni, fade Gbia ni ayeke tene na azo so ayeke na mbage ti maboko ti lo ti wali: ‘Ala hon yongoro na tere ti mbi, ala so Nzapa adeba ala awe so! Ala gue na ya ti kota wâ so ayeke gbi lakue lakue, so a leke ni ndali ti Zabolo na *a-ange ti lo.

Matthieu 25:46

Fade asioni zo so ayeke gue na ngbanga so angba lakue lakue si azo ti mbirimbiri ayeke gue ti duti na fini so angba lakue lakue.”

Matthieu 5:22

Ti mbi, mbi tene na ala: zo so asara ngonzo na tere ti ita ti lo, fade a yeke gue na lo na ngbanga; zo so atene na ita ti lo: ‘Buba zo!’, fade a yeke gue na lo na gbe ti azo ti *Kota Bongbi ti Fango Ngbanga; zo so atene na ita ti lo: ‘Mo, zo ti gbogbolinda so!’, lo lingbi titene a bi lo na ndo so wâ ayeke gbi daa lakue.

Marc 13:23

Ti ala, ala sara hange! Mbi tene tënë ni na ala, ala ma awe!”

1 Tesalonike 4:6

Na ya ti tënë so, ayeke nzoni zo oko asara mbeni ye ti songo be wala ye ti kirikiri na mba ti lo pepe. E tene tënë so na ala awe, e gboto mê ti ala na ndö ni awe: azo so asara mara ti asioni ye tongaso, fade Kota Gbia ayeke zia peko ni angba senge pepe.

Ahebro 10:31

Titene zo ati na gbe ti ngbanga ti Nzapa so ayeke na fini, so ayeke ye ti ngangu mingi!

2 Pierre 2:4

Biani, *a-ange so asara siokpari ando so, Nzapa azia ala senge tongaso pepe, me lo bi ala na ya ti kota wâ, lo kanga ala na zingiri na ya ti vukongo ndo ti bata ala, ti ku na lango ti fango ngbanga.

Aye so Nzapa afa 14:7

Lo yeke dekongo, lo tene: “Ala kpe mbeto ti Nzapa! Ala gonda lo ndali ti so ndembe titene lo fâ ngbanga na li ti azo alingbi awe. Ala voro lo, lo so lo sara yayu, sese, akota ngu-ingo nga na ali ti ngu!”

Aye so Nzapa afa 15:4

Kota Gbia, zo wa laa ayeke kpe mbeto ti mo pepe? Zo wa laa ayeke gonda iri ti mo pepe? Biani, gi mo oko laa mo yeke nde si mo yeke nzoni kue. Fade amara kue ayeke ga ti kuku na gbe ti mo, ndali ti so ala kue abaa fadeso lege so mo yeke fâ na ngbanga ti mo awe.”

Aye so Nzapa afa 20:14

A mu kuâ nga na ndo ti akuâ, a bi ala na le ti kota wâ. Le ti kota wâ ni ayeke kuâ ti use ni.