Nzoni Tënë so Luc asu na mbeti 12:31 - Mbeti ti Nzapa - Tënë so amu fini

³¹ Ala gi *Kodro-gbia ti Nzapa kozoni si fade a yeke mu na ala aye so kue na ndö ni.”

Nzoni Tënë so Luc asu na mbeti 12:31 ပူးပေါင်းရင်းမြစ်များ

Abia (Psaumes) 34:9

Ala tara KOTA GBIA, fade ala baa so lo yeke nzoni. Ti lo nzoni, zo so akpe na KOTA GBIA ti bata tere ti lo!

Abia (Psaumes) 37:19

Na ngoi ti ye ti vundu, fade kamene ayeke gbu le ti ala pepe. Na ngoi ti kota nzara, fade ala yeke te kobe, ya ti ala asi.

Abia (Psaumes) 37:25

Mbi yeke ando maseka, fadeso mbi ga mbakoro awe; laoko, mbi de ti baa mbeni zo ti mbirimbiri so Nzapa ake lo pepe, wala *ahale ti lo airi kobe pepe.

Abia (Psaumes) 37:3

Mo zia be ti mo na ndö ti *KOTA GBIA, mo sara nzoni ye si fade mo duti na ya ti kodro ni, fade sioni ye asi na mo pepe.

Abia (Psaumes) 84:11

Dutingo lango oko na ya ti gbagba ti kota da ti mo ayeke nzoni ahon dutingo lango saki oko na mbeni ndo nde. Ti mbi, mbi ye ti duti gi na yanga ti da ti Nzapa ahon ti sara kodro na da ti azo ti sioni.

Ésaïe 33:16

Zo tongaso ayeke duti na nduzu kâ. Ndo ti batango tere ti lo ayeke atêne so ayeke tongana ngangu gbagba. A yeke mu na lo kobe ti tengo ni, ngu ti nyongo ni ayeke tia lo pepe.

Matthieu 6:33

Ala gi lege ti *Kodro-gbia ti Nzapa kozoni, ala sara nga ye so ayeke mbirimbiri na le ti lo; fade lo yeke mu na ala tanga ti aye kue na ndö ni.

Nzoni Tënë so Luc asu na mbeti 10:42

Taa nzoni ye ayeke gi oko. Marie laa asoro ti lo taa nzoni ye ni: fade mbeni zo ti zi ni na maboko ti lo ayeke daa pepe.”

Nzoni Tënë so Luc asu na mbeti 12:30

Biani, azo ti dunia so ahinga Nzapa pepe laa ayeke gi aye so lakue. Me ti ala, Babâ ti ala ahinga atene, ayeke nzoni ala wara aye ni so ndali ti fini ti ala.

Jean 6:27

Ayeke nzoni ala sara kua ndali ti kobe so ayeke buba pepe, me ndali ti kobe so ayeke ngba si ayeke mu na zo fini so angba lakue lakue. *Molenge ti Zo laa ayeke mu ande na ala kobe ni so, ngbanga ti so Babâ, lo so lo yeke Nzapa wani laa amu na lo ngangu ni.”

Rome 8:31

Tongaso, fade e yeke tene nyen na ndö ti tënë so? Tongana Nzapa ayeke na e, zo wa laa alingbi ti ke e?

1 Timothée 4:8

Tarango tere na lege ti angia ti wanguru ayeke sara nzoni na zo gi kete; me gbungo tënë ti Nzapa ngangu ayeke sara nzoni na zo na ya ti aye kue. Biani, ndali ti zo so, zendo ti duti na fini laso nga na ngoi so ayeke ga gbanda ayeke daa.

Ahebro 13:5

Na lege ti sarango ye ti ala, alingbi nzara ti nginza ahon ndö ti ala pepe, me ala zia be ti ala gi na ye so ala yeke na ni, ngbanga ti so Nzapa wani atene: “Fade mbi yeke do mo ti zia mo pepe, mbi yeke zia mo oko pepe.”