Nzoni Tënë so Luc asu na mbeti 12:20 - Mbeti ti Nzapa - Tënë so amu fini

²⁰ Me Nzapa atene na lo: ‘Mo buba zo! Gi na bi so mo yeke kui. Me aye so mo bongbi ni kue so, zo wa laa ayeke wara ni, zo wa?’ ”

Nzoni Tënë so Luc asu na mbeti 12:20 ပူးပေါင်းရင်းမြစ်များ

Esther 5:11

Lo to nda ti fa na ala gba ti mosoro so lo yeke na ni, gba ti amolenge so lo yeke na ni; lo fa nga na ala lege so gbia amu nengo mingi na lo; lege so lo zia lo ti ga makonzi na ndö ti akota zo nga na ndö ti azo ti kua ti gbia kue.

Mbeti ti Job 27:8

Nyen laa sioni zo azia be ti lo ti ku tongana Nzapa azi fini ti lo?

Abia (Psaumes) 39:6

Baa, mo mu na mbi lango ti fini so ayeke nduru tongana ya ti maboko ti mbi. Na le ti mo, fini ti mbi ayeke ye oko pepe. Biani, ataa zo angba ngangu, lo yeke gi pupu senge. Luti kete

Abia (Psaumes) 49:10

Zo ayeke ngba ande na fini lakue? Lo yeke li ande na du ti kuâ pepe?

Abia (Psaumes) 73:19

Gi hio tongaso, ye kue abuba awe! Ti ala ahunzi awe, mbeto afâ ala awe!

Abia (Psaumes) 78:30

Me nzara ti ala ni ade ti hunzi pepe, kobe ni angba na yanga ti ala

Amato 10:2

Amosoro so zo awara na lege ti sioni ayeke sara nzoni na lo pepe; me sarango ye ti mbirimbiri ayeke zi zo na ya ti kuâ.

Amato 11:4

Na lango ti fango ngbanga, mosoro ayeke sara ye oko ndali ti zo pepe; me sarango ye ti mbirimbiri laa ayeke zi zo na ya ti kuâ.

Amato 13:7

Ambeni zo asara tere ti ala tongana azo ti mosoro, andaa ala yeke na ye oko pepe. Ambeni zo asara tere ti ala tongana awayere, me ala yeke na ye mingi.

Amato 27:1

Pika kate ti mo ndali ti ye ti kekereke pepe, ngbanga ti so ye so ayeke si laso, mo de ti hinga ni pepe.

Amato 28:8

Mbeni zo aye ti ga zo ti mosoro; lo yeke sara boon ti nginza na azo titene azo ni azia gba ti nginza na ndö ni si akiri na ni na lo. Me fade mosoro ni so ayeke gue na maboko ti zo so ayeke baa mawa ti awayere.

Ésaïe 56:12

Ala tene: “Ala ga, e gue, e gi vin, e nyon ngangu samba alingbi na e. Kekereke, e yeke kiri ti sara gi tongaso: samba angba mingi.”

Jérémie 17:11

Zo so awara mosoro na legeni pepe, lo yeke tongana dodoro so alango na ndö ti para so lo laa lo du ni pepe; so zo ni angba ti te gigi, mosoro ti lo ahon si na ndani, lo ga zo so li ti lo ayeke daa pepe.”

Amos 6:13

Ala yeke sara ngia, ngbanga ti so ala so benda na Lo-Dabar, gbata so ayeke ye oko pepe so. Na pekoni, ala yeke tene: “Ndali ti ngangu ti e laa e mu gbata ti Karnaim, ngangu gbata so!”

Nahum 1:10

Awato ti ala ni ayeke tongana gba ti akeke ti ki so ali ya ti tere kirikiri; awato ni anyon samba ahon ndö ti ala awe. Fade ala yeke gbi kue tongana holengo pere.

Nzoni Tënë so Luc asu na mbeti 11:40

Ala so li ti ala ayeke daa pepe so! Nzapa so aleke tere, lo nga laa lo leke ye so ayeke na ya ni pepe?

1 Tesalonike 5:3

Na ndembe so azo ayeke tene ande, atene: “E yeke na siriri, mbeni ye ti sarango e ayeke daa pepe!”, gi na ndembe so laa kota kpale ayeke ti na ndö ti ala fafade tongana songo ya ti mama ti ngo so aga nduru ti du. Fade ala yeke wara lege ti sigigi na ya ni pepe.

1 Timothée 6:17

Mo mu yanga na azo ti mosoro ti dunia so titene ala pika kate ti ala pepe. Amosoro so ayeke ninga pepe, ala zia be ti ala na ndö ni pepe, me ala zia be ti ala na ndö ti Nzapa. Lo laa lo yeke mu na e anzoni ye ahon ndoni si e wara lege ti duti nzoni.

1 Timothée 6:7

Biani, e ga na dunia so maboko senge, e yeke kiri nga maboko senge.

Jacques 4:14

Ala hinga ye so ayeke si na gigi ti ala ti kekereke? Ala yeke gi tongana guru so asigigi na le ti ngu si kete na pekoni ahon.