Nzoni Tënë so Luc asu na mbeti 12:19 - Mbeti ti Nzapa - Tënë so amu fini

¹⁹ Tongaso, fade mbi yeke tene na mbi wani, mbi tene: Baa, mo yeke na aye mingi so alingbi na mo ndali ti ngu mingi; mo wu tere ti mo, mo te, mo nyon, mo sara ngia!’

Nzoni Tënë so Luc asu na mbeti 12:19 ပူးပေါင်းရင်းမြစ်များ

Mbeti ti Job 14:1

Zo so wali adu lo, lango ti lo ayeke nduru; gingo be ti lo ahon ndoni.

Abia (Psaumes) 49:18

ngbanga ti so na lango ti kuâ ti lo, lo yeke gue na ye oko pepe, anzoni ye ti lo ayeke mu nga peko ti lo oko pepe.

Abia (Psaumes) 62:10

Biani, akete zo ayeke gi pupu senge; akota zo ayeke tene gi mvene senge. Tongana a zia ala kue na ndö ti kilo, fade nengo ti pupu ayeke hon nengo ti ala.

Amato 10:2

Amosoro so zo awara na lege ti sioni ayeke sara nzoni na lo pepe; me sarango ye ti mbirimbiri ayeke zi zo na ya ti kuâ.

Amato 14:24

Mosoro ayeke nzoni ye so azo ti ndara ayeke wara; me ye ti buba ti azo ti buba ayeke gi ye ti buba.

Amato 18:11

Ti zo ti mosoro, mosoro ti lo ayeke tongana ngangu gbagba ti batango lo. Na ya ti gbungo-li ti lo, lo baa lo tene, mosoro ni ayeke tongana ngangu gbagba na tere ti lo.

Amato 23:5

Gi so le ti mo ayeke ti na ndö ti mosoro ni tongaso, lo hon ti lo awe. Biani, nginza aleke *akpangi ti lo wani so lo yeke huru na ni na le ti nduzu ti hon tongana *ngoalo.

Amato 27:1

Pika kate ti mo ndali ti ye ti kekereke pepe, ngbanga ti so ye so ayeke si laso, mo de ti hinga ni pepe.

Zo ti bongbingo azo 11:9

Maseka-koli, na ngoi so mo de maseka, mo sara ngia biani. Ayeke nzoni be ti mo aduti na ngia na ngoi ti maseka ti mo. Sara ye so be ti mo aye; sara ye so le ti mo abaa. Me ayeke nzoni mo hinga, mo tene, Nzapa ayeke iri ande mo na ngbanga ndali ti aye oko oko so mo sara.

Zo ti bongbingo azo 2:24

Ye ti nzoni ndali ti zo ayeke daa pepe, gi tengo ye na nyongo ye, dutingo na ngia na peko ti kua so lo sara. Mbi baa so ye so kue alondo nga na Nzapa.

Ésaïe 22:13

Andaa ala yeke dodo, ala yeke sara ngia: ala fâ abagara, ala fâ ataba, ala te nyama, ala nyon vin. Ala tene: “E te, e nyon, ngbanga ti so kekereke, e yeke kui.”

Ésaïe 5:11

Mawa na ala, azo so alondo na kota ndaperere ti mu loro na peko ti angangu samba! Ti londo na ndaperere ngbii asi na lakui, samba ni angba ti sara ala.

Ésaïe 5:8

Mawa na ala, azo so amu mbeni da ti tengbi na da ti ala, ala mu mbeni yaka ti tengbi na yaka ti ala! Ala sara tongaso ngbii, ala mu sese ni kue si ala duti gi ala oko na ya ti kodro ni.

Ésaïe 56:12

Ala tene: “Ala ga, e gue, e gi vin, e nyon ngangu samba alingbi na e. Kekereke, e yeke kiri ti sara gi tongaso: samba angba mingi.”

Osée 12:8

KOTA GBIA atene: “Efraim, mo yeke tongana azo ti Kanaan; mo gbu na maboko ti mo mbeni kilo ti handango na azo; mo ye sarango ye ti nzi.

Amos 6:13

Ala yeke sara ngia, ngbanga ti so ala so benda na Lo-Dabar, gbata so ayeke ye oko pepe so. Na pekoni, ala yeke tene: “Ndali ti ngangu ti e laa e mu gbata ti Karnaim, ngangu gbata so!”

Habakuk 1:16

Ndani laa, ala yeke mu *sandaga na gbanda ti ala, ala yeke zö dukani na ngbengbe ti ala, ngbanga ti so, ndali ti gbanda ni na ngbengbe ni si ala wara gba ti susu na nzoni kobe ti tengo ni.

Nzoni Tënë so Luc asu na mbeti 12:18

Na pekoni, lo kiri lo tene: ‘Ye so mbi yeke sara ande ayeke so: fade mbi yeke kungbi agogoro ti mbi si mbi yeke leke ambeni kota ni so ahon ti so. Na pekoni, mbi yeke bongbi akobe ti mbi na aye ti mbi kue na ya ni.

Nzoni Tënë so Luc asu na mbeti 16:19

“Ando, mbeni zo ti mosoro ayeke daa so lo yeke yu gi apendere bongo ti nginza. Lo yeke duti nzoni si lakue na da ti lo, gi matanga na matanga.

Nzoni Tënë so Luc asu na mbeti 21:34

“Ala sara hange! Ala zia be ti ala kue na nyongo samba ahon ndoni na tengo kobe ahon ndoni pepe, ala gi be ti ala na ndö ti gigi ti ala pepe. Tongana ala sara hange pepe, lango ni so ayeke wara ala

1 Korente 15:32

Tongana mbi zia be ti mbi gi na ndö ti tënë ti azo, nda ti tiri so mbi tiri na azo so ayeke tongana asioni nyama ti ngonda na gbata ti Efeze so ayeke nyen? Tongana akuâ ayeke zingo pepe, tongana ti so ambeni zo ayeke tene: “E te, e nyon, ngbanga ti so kekereke, e yeke kui ti e kuingo.”

Filipe 3:19

Lege ti kuâ laa ala yeke gue daa so. Nzapa ti ala ayeke gi ya ti ala, ye so ayeke zia kamene na le ti azo ni so, ala yeke wara ti ala gonda daa. Ala zia be ti ala kue gi na ndö ti aye ti dunia so.

1 Timothée 5:6

Me wali-mua so be ti lo ayeke na ndö ti anzerengo ye ti dunia so, lo kui awe, ataa so lo ngba na fini.

1 Timothée 6:17

Mo mu yanga na azo ti mosoro ti dunia so titene ala pika kate ti ala pepe. Amosoro so ayeke ninga pepe, ala zia be ti ala na ndö ni pepe, me ala zia be ti ala na ndö ti Nzapa. Lo laa lo yeke mu na e anzoni ye ahon ndoni si e wara lege ti duti nzoni.

2 Timothée 3:4

Ala yeke azo ti kango amba ti ala, azo ti ngonzo, azo so baba ahon ndö ti ala; ala ye aye so anzere na ala ahon Nzapa;

Jacques 5:5

Na sese so, ala duti na ya ti mosoro mingi si ala duti gi na ngia. Ala te ye, ala kono kirikiri tongana abagara so aku lango ti fango ala.

1 Pierre 4:3

Ando, ala mu ngoi mingi ti sarango na aye tongana ti azo so ahinga Nzapa pepe. Ala yeke sara aye ti ndumba, ala yeke sara nzara ti aye ti amba ti ala, ala yeke angbaa ti samba, ala yeke sara matanga ti te, ti nyon butuma, ala yeke voro anzapa nde, ye so akpa titene zo asara ni pepe.

Aye so Nzapa afa 18:7

Ala sara pasi na lo, ala bi lo na ya ti aye ti vundu alingbi gi na gondango tere ti lo nga na kota nzara ti warango ye ti lo. Ala sara na lo aye ni so ndali ti so lo yeke tene na be ti lo, lo tene: ‘Mbi yeke gbia-wali, mbi so mbi duti ge so! Mbi yeke wali-mua pepe si mbi yeke sara mua laoko pepe.’

1 Samuel 30:16

Tongaso zo ti Ezipte so ague na David na ndo so azo ti Amalek ayeke daa. Azo ti Amalek amu ya ti kodro kue, ala yeke te, ala yeke nyon, ala yeke sara matanga na gba ti aye so ala gbu na peko ti bira na kodro ti azo ti Filistii nga na kodro ti Juda.