Nzoni Tënë so Luc asu na mbeti 12:17 - Mbeti ti Nzapa - Tënë so amu fini

¹⁷ Lo gbu li ti lo si lo tene na be ti lo, lo tene: ‘Fade mbi yeke sara tongana nyen? Ndo ti batango akobe ti yaka ti mbi ayeke daa pepe.’

Nzoni Tënë so Luc asu na mbeti 12:17 ပူးပေါင်းရင်းမြစ်များ

Zo ti bongbingo azo 11:2

Mo mu mbage ti aye ti mo na azo mbarambara wala miombe, ngbanga ti sioni ye so ayeke si na ndö ti sese so, mo hinga ni pepe.

Ésaïe 58:7

ti kangbi kobe ti mo na zo so nzara ayeke sara lo, ti mu ndo ti lango na azo ti mawa so da ti li ti ala ayeke daa pepe, ti mu bongo na azo so bongo atia ala; ayeke nga titene mo zia peko ti mo pepe na taa ita ti mo.”

Matthieu 16:7

Adisiple atene na popo ti ala: “Lo yeke tene tënë so, ngbanga ti so e mu mapa pepe.”

Matthieu 5:42

Tongana mbeni zo ahunda ye na mo, mu ni na lo. Tongana mbeni zo ahunda yongo na mo, gbanzi lo na ni pepe.”

Nzoni Tënë so Luc asu na mbeti 10:25

Mbeni wafango-ndia aye ti sara si Jésus ati na ya ti gbanda ti lo si lo hunda lo: “Wafango-ye, nyen laa mbi lingbi ti sara ti wara fini so angba lakue lakue?”

Nzoni Tënë so Luc asu na mbeti 11:41

Ala mu na azo ti mawa ye so ayeke na ya ti akopo na asembe ti ala. Tongaso si aye kue ayeke ga ande *nzoni ndali ti ala.

Nzoni Tënë so Luc asu na mbeti 12:16

Tongaso Jésus atene na ala mbeni toli, atene: “Ando, mbeni zo ti mosoro ayeke daa so akobe ti yaka ti lo ale mingi.

Nzoni Tënë so Luc asu na mbeti 12:18

Na pekoni, lo kiri lo tene: ‘Ye so mbi yeke sara ande ayeke so: fade mbi yeke kungbi agogoro ti mbi si mbi yeke leke ambeni kota ni so ahon ti so. Na pekoni, mbi yeke bongbi akobe ti mbi na aye ti mbi kue na ya ni.

Nzoni Tënë so Luc asu na mbeti 12:22

Na pekoni, Jésus atene na adisiple ti lo: “Ndani laa, mbi tene na ala: Ala gi be ti ala pepe ndali ti fini ti ala wala ndali ti tere ti ala, atene: ‘Fade e yeke te nyen? Fade e yeke wara bongo na ndo wa ti yu?’

Nzoni Tënë so Luc asu na mbeti 12:29

Ala nga, ala gi be ti ala pepe ndali ti ye ti tengo ni wala ye ti nyongo ni, ala zia be ti ala na nduzu pepe.

Nzoni Tënë so Luc asu na mbeti 12:33

Ala ka aye so ala yeke na ni, ala mu nginza ni na azo ti mawa. Ala gi ti wara abozo ti nginza so ayeke buba pepe; ala bata mosoro ti ala na yayu! Kâ, mosoro ni ayeke hunzi pepe: zo ti nzi alingbi ti si nduru na ni pepe, akangi alingbi nga ti te ni pepe.

Nzoni Tënë so Luc asu na mbeti 16:3

Ndombe ni atene na be ti lo: ‘So kota zo ti mbi aye ti zi mbi na kua so, fade mbi yeke sara tongana nyen? Mbi yeke na ngangu ti fango yaka pepe; kamene ti sarango gobo agbu mbi mingi.

Nzoni Tënë so Luc asu na mbeti 16:9

Jésus akiri atene: “Ti mbi, mbi tene na ala: nginza ayeke handa azo titene ala sara aye ti kirikiri. Ti ala, ayeke nzoni ala mu nginza ti gi ti wara na a-ita; tongana nginza ni ayeke mbeni pepe, fade a-ita ni ayeke yamba ala na ya ti ada so ayeke ngba kpu na kpu.

Nzoni Tënë so Luc asu na mbeti 18:22

So Jésus ama tënë so, lo tene na lo: “Mbeni ye oko angba na mo ti sarango ni: mo ka aye ti mo kue, mo kangbi nginza ni na awayere si fade mo yeke wara mosoro na yayu. Na pekoni, mo ga, mo mu peko ti mbi.”

Nzoni Tënë so Luc asu na mbeti 19:17

Gbia ni atene na lo: ‘So nzoni! Mo yeke nzoni zo ti kua! Kete ye so a mu na mo, mo sara kua na ni na legeni. Tongaso, mbi mu mo titene mo sara komandema na ndö ti agbata baleoko.’

Nzoni Tënë so Luc asu na mbeti 3:11

Lo kiri tënë na ala, lo tene: “Zo so ayeke na bongo use, ayeke nzoni lo mu mbeni oko na zo so ayeke na ni pepe. Zo so ayeke na ye ti tengo ni, ayeke nzoni lo mu mbeni na zo so ayeke na ni pepe.”

Awatokua 16:30

Na pekoni, lo mu ala, lo sigigi na ala si lo hunda ala, lo tene: “Akota zo, fade mbi yeke sara nyen titene mbi soo kuâ?”

Awatokua 2:37

So azo ni ama tënë so, tënë ni agbu be ti ala mingi si ala hunda Pierre na ambeni watokua ni, atene: “A-ita, nyen laa alingbi e sara?”

Rome 12:13

Ala mu maboko na azo ti Nzapa so ye atia ala, ala yamba agene nzoni.

1 Timothée 6:17

Mo mu yanga na azo ti mosoro ti dunia so titene ala pika kate ti ala pepe. Amosoro so ayeke ninga pepe, ala zia be ti ala na ndö ni pepe, me ala zia be ti ala na ndö ti Nzapa. Lo laa lo yeke mu na e anzoni ye ahon ndoni si e wara lege ti duti nzoni.

1 Jean 3:16

Ndoye ayeke nyen? Ye so e yeke hinga ndoye na ni ayeke so: Jésus Christ aka fini ti lo ndali ti e. Tongaso e nga, alingbi e ka fini ti e ndali ti a-ita ti e.