Nzoni Tënë so Luc asu na mbeti 12:11 - Mbeti ti Nzapa - Tënë so amu fini

¹¹ Tongana a mu ala ti gue na ala na ngbanga na ya ti ada ti sambelango Nzapa, wala na gbe ti azo ti fango ngbanga, wala na gbe ti akota zo ti kodro, ala gi be ti ala pepe, atene: ‘Tënë ti nyen laa e yeke kiri ande na ni ti zi tënë na li ti e?’

Nzoni Tënë so Luc asu na mbeti 12:11 ပူးပေါင်းရင်းမြစ်များ

Sigingo 4:12

Fadeso, mo gue! Fade mbi yeke na mo tongana mo yeke tene tënë; mbi yeke fa na mo tënë so mo lingbi ti tene.”

Matthieu 23:34

Ndani laa, mbi yeke tokua na ala awayanga-Nzapa, azo ti ndara na awafango-ndia. Ala, afarizien na awafango-ndia, ala yeke fâ ande ambeni si ala yeke fâ ambeni na ndö ti keke ti kroa. Ala yeke pika ambeni na fimbo na ya ti ada ti sambelango Nzapa ti ala si ala yeke tumba peko ti ala na ya ti agbata oko oko kue.

Matthieu 6:25

“Ndani laa mbi tene na ala: ala gi be ti ala ndali ti fini ti ala pepe wala ndali ti tere ti ala pepe, atene: ‘Fade e yeke te nyen? Fade e yeke nyon nyen? Fade e yeke wara bongo na ndo wa ti yu?’ Fini ti zo ayeke kota ahon kobe pepe? Tere ti zo ayeke kota ahon bongo pepe?

Matthieu 6:27

Zo wa na popo ti ala, na lege ti gingo be ti lo, lo lingbi ti zia mbeni lango oko na ndö ti alango ti fini ti lo?

Matthieu 6:28

“Ngbanga ti nyen si ala yeke gi be ti ala ndali ti bongo? Ala baa lege so akongo ti ngonda ayeke kono na ni: ala yeke sara kua pepe, ala yeke leke nga bongo pepe.

Matthieu 6:31

Tongaso, ala gi be ti ala pepe, atene: ‘Fade e yeke te nyen? Fade e yeke nyon nyen? Fade e yeke wara bongo na ndo wa ti yu?’

Matthieu 6:34

Tongaso, ala gi be ti ala ndali ti aye ti kekereke pepe: pasi ti kekereke ayeke pasi ti kekereke. Lango oko oko ayeke ga na pasi ti lo wani.

Nzoni Tënë so Luc asu na mbeti 12:22

Na pekoni, Jésus atene na adisiple ti lo: “Ndani laa, mbi tene na ala: Ala gi be ti ala pepe ndali ti fini ti ala wala ndali ti tere ti ala, atene: ‘Fade e yeke te nyen? Fade e yeke wara bongo na ndo wa ti yu?’