Nzoni Tënë so Luc asu na mbeti 11:49 - Mbeti ti Nzapa - Tënë so amu fini

⁴⁹ Ndani laa, Nzapa atene na lege ti ndara ti lo, lo tene: ‘Fade mbi yeke tokua na ala awayanga-Nzapa na *awatokua. Ala yeke fâ ambeni na popo ti ala si ala yeke sara ngangu na ambeni.’

Nzoni Tënë so Luc asu na mbeti 11:49 ပူးပေါင်းရင်းမြစ်များ

Jérémie 7:25

Ti londo na lango so akotara ti ala asigigi na sese ti Ezipte ngbii asi laso, mbi mu ngoi ti mbi ti tokua na ala azo ti kua ti mbi kue so ayeke awayanga-Nzapa. Na ya ti lango oko oko, mbi yeke tokua ala.

Matthieu 22:6

Ambeni agbu azo ti kua ti gbia ni, apika ala si afâ ala.

Nzoni Tënë so Luc asu na mbeti 11:48

So ti fa atene, ala yeda na ye so akotara ti ala asara ni. Akotara ti ala afâ awayanga-Nzapa si ti ala, ala yeke leke adu ti kuâ ti awayanga-Nzapa pendere!

Nzoni Tënë so Luc asu na mbeti 24:47

Na iri ti lo, fade azo ayeke fa Nzoni Tënë na amara kue, ti to nda ni na Jérusalem. Ala yeke tene na azo titene ala zia ngbene lege ti sarango ye ti ala, ala kiri na Nzapa si fade Nzapa azi siokpari na li ti ala.

Jean 16:2

Fade azo ayeke tumba ala na ya ti ada ti sambelango Nzapa. Na ndö ni, ngbonga ni ayeke ga so fade ambeni zo ayeke fâ ala si azo ni ayeke tene na be ti ala atene, kua ti Nzapa laa ala yeke sara so.

Awatokua 1:8

Me fade ala yeke wara ngangu na ndembe so Yingo-Vuru ayeke zu na ndö ti ala. Tongaso, ala yeke ga azo ti tenengo tënë ti ye so ala hinga na ndö ti mbi, na Jérusalem, na Judée kue, na Samarii, ngbii ala si na nda ti sese kue.”

Awatokua 11:27

Gi na ngoi ni so, ambeni wayanga-Nzapa alondo na Jérusalem aga na Antioshe.

Awatokua 22:20

Na ndembe so a fâ Étienne, zo so atene na azo peko ti ye so lo hinga na ndö ti mo, mbi nga, mbi yeke lani daa. Mbi yeda na fango lo ni si mbi laa mbi bata bongo ti azo so afâ lo.’

Awatokua 7:57

Azo ni adekongo ngangu, ala kanga mê ti ala si ala kue atuku legeoko na ndö ti Étienne.

Awatokua 8:3

Andaa Saul angba ti lo lakue ti buba *Eglize. Lo yeke li na ya ti ada ti gbu akoli na awali si lo yeke bi ala na da ti kanga.

1 Korente 1:24

Me na le ti azo so Nzapa airi ala, ataa ala yeke azuife wala agreke, Christ laa ayeke ngangu nga na ndara ti Nzapa.

1 Korente 1:30

Me Nzapa asara si ala, a-ita, ala ga oko na Jésus Christ si lo sara titene Christ aga ndara ti e. Na lege ti Christ, Nzapa asara si e ga mbirimbiri na le ti lo, e ga azo so ayeke duti nde ndali ti so lo laa lo zi e na ya ti siokpari.

Efeze 4:11

Lo laa lo mu amatabisi na azo; lo mu lege na ambeni ti ga *awatokua, wala awayanga-Nzapa, wala azo ti fango Nzoni Tënë, wala azo ti batango azo ti *Eglize wala awafango-ye.

Kolose 2:3

Nzapa ahonde amosoro kue ti ndara na ti hingango ndo na ya ti Christ.

Aye so Nzapa afa 16:6

Biani, ndali ti so azo ni atuku ando mene ti azo ti mo na ti awayanga-Nzapa, mo mu na ala mene ti nyon. Ye so alingbi na ala laa.”

Aye so Nzapa afa 18:20

Ala so kue ayeke na yayu, ala duti na ngia ndali ti so Babilone ati awe! Ala azo ti Nzapa, *awatokua ti Nzapa, awayanga-Nzapa, ala duti na ngia ndali ti so Nzapa afâ ngbanga na li ti Babilone ndali ti ye so lo sara na ala!