Nzoni Tënë so Luc asu na mbeti 11:48 - Mbeti ti Nzapa - Tënë so amu fini

⁴⁸ So ti fa atene, ala yeda na ye so akotara ti ala asara ni. Akotara ti ala afâ awayanga-Nzapa si ti ala, ala yeke leke adu ti kuâ ti awayanga-Nzapa pendere!

Nzoni Tënë so Luc asu na mbeti 11:48 ပူးပေါင်းရင်းမြစ်များ

2 Mbai 36:16

Me azo ti Juda ahe awatokua ti Nzapa, ala baa atënë ti Nzapa tongana buba ye, ala he awayanga-Nzapa na ngia ngbii ngonzo ti KOTA GBIA ti wâ alondo na tere ti azo ti lo, ngonzo so ala lingbi ti sigigi na ya ni pepe.

Mbeti ti Job 15:6

Tënë ti yanga ti mo wani laa afâ ngbanga na li ti mo, me mbi pepe; yanga ti mo ayeke bi tënë na li ti mo.

Abia (Psaumes) 64:8

Me Nzapa atokua ale ti kokora ti lo na ndö ti ala; gi hio tongaso, ale ti kokora ni akpo ala.

Ezekiel 18:19

“Ala yeke hunda ndo, atene: ‘Asioni so babâ ni asara so, ndali ti nyen si molenge ni ayo ngbanga ni pepe?’ Ayeke ndali ti so molenge ni asara ye na lege ti ndia nga na lege ti ye ti mbirimbiri. Lo bata atënë ti andia ti mbi kue, lo sara ye alingbi na ni. Ndali ni, fade lo yeke ngba na fini.

Matthieu 23:27

“Mawa na ala, awafango-ndia, ala na afarizien! Tënë ti yanga ti ala ayeke nde na sarango ye ti ala! Ala kpa gi adu ti kuâ so azo aleke ndö ni na mbamba. Ndö ni ayeke pendere, me na ya ni, abio na afungo ye nde nde asi singo daa.

Matthieu 23:31

So ti fa atene, ala wani ahinga atene, ala yeke *ahale ti azo so afâ ando awayanga-Nzapa so.

Nzoni Tënë so Luc asu na mbeti 11:47

Mawa na ala, ala so ayeke leke adu ti kuâ ti awayanga-Nzapa pendere! Andaa akotara ti ala wani laa afâ ando awayanga-Nzapa ni!

Nzoni Tënë so Luc asu na mbeti 11:49

Ndani laa, Nzapa atene na lege ti ndara ti lo, lo tene: ‘Fade mbi yeke tokua na ala awayanga-Nzapa na *awatokua. Ala yeke fâ ambeni na popo ti ala si ala yeke sara ngangu na ambeni.’

Rome 1:32

Ala hinga tënë ti fango ngbanga ti Nzapa nzoni: azo so asara aye tongaso, ala lingbi na kuâ. Ataa so kue, ala ngba ti sara aye ti sioni so si na ndö ni kue, ala yeke yeda na azo so ayeke sara ni.

Jacques 5:10

A-ita, tongana ayeke tënë ti pasi na kangango be na ya ti pasi, ala mu gi tapande ti awayanga-Nzapa so atene tënë na iri ti Kota Gbia ando so.

Josué 24:22

Josué atene na azo ni, atene: “Ala wani laa asoro ti sara kua na KOTA GBIA: tënë ti ala laa ayeke fâ ngbanga na li ti ala.” Azo ni akiri tënë: “E yeda!”