Nzoni Tënë so Luc asu na mbeti 11:44 - Mbeti ti Nzapa - Tënë so amu fini

⁴⁴ Mawa na ala, ngbanga ti so ala yeke tongana adu ti kuâ so azo abaa ni pepe, ala hinga pepe si ala yeke tambula na ndö ni!”

Nzoni Tënë so Luc asu na mbeti 11:44 ပူးပေါင်းရင်းမြစ်များ

Abia (Psaumes) 5:9

KOTA GBIA, mo yeke mbirimbiri, fa na mbi lege ndali ti so awato ti mbi ayeke hara mbi; leke lege ti mo mbirimbiri na dawa ti mbi si mbi hon daa.

Ezekiel 39:15

Azo so ayeke hon na lege ayeke tambula na ya ti kodro ni mbage na mbage kue. Tongana mbeni oko awara abio ti zo, lo yeke bongbi atêne na tere ni titene a hinga na ni. Tongaso, azo so ayeke zi adu ti kuâ aga amu ni si alu ni na Popo-hoto ti Gba-ti-azo-ti-Gog.

Osée 9:8

Zo so ayeke sara sanziri ti azo ti Efraim ayeke mbi wayanga-Nzapa. Mbi yeke nduru na Nzapa ti mbi. Me azo ayeke zia kuku ti gbu na mbi na ndö ti alege so kue mbi yeke hon daa. Ataa na ya ti da ti Nzapa ti mbi, ala yeke sara ngangu na mbi.

Wungo ti azo 19:16

Tongana mbeni zo ayeke fono na ya ti ngonda si lo pika gere ti lo na kuâ ti mbeni zo so akui kuâ ti ngangu, wala senge kuâ, wala lo pika gere ti lo na abio ti kuâ wala na du ti kuâ, fade lo yeke ga *sioni na ya ti lango mbarambara.

Matthieu 13:32

Le ni ayeke kete ahon tanga ti ale ti kobe kue; me tongana asigigi si akono awe, ayeke ga kota ahon akugbe ti kasa kue; ayeke ga nga kota keke si andeke aga, asara da ti ala na ya ti amaboko ni.”

Awatokua 23:3

Tongaso Paul atene na lo: “Mo, so mo yeke tongana dere ti da so a sara mbamba daa so, fade Nzapa ayeke pika mo! Mo duti ti fâ ngbanga ti mbi na lege ti ndia, me mo zia ndia ni awe si mo mu yanga titene a pika mbi!”