Nzoni Tënë so Luc asu na mbeti 11:15 - Mbeti ti Nzapa - Tënë so amu fini

¹⁵ Me ambeni atene: “Na ngangu ti Beelzebul, makonzi ti asioni yingo laa lo yeke tumba asioni yingo so!”

Nzoni Tënë so Luc asu na mbeti 11:15 ပူးပေါင်းရင်းမြစ်များ

Matthieu 10:25

Ayeke nzoni disiple aga tongana wafango-ye na lo si zo ti kua aga nga tongana makonzi ti lo. Tongana azo airi wa ti da Beelzebul, fade ala yeke di sioni iri mingi na li ti azo ti da ti lo.

Matthieu 12:22

Tongaso, azo amu mbeni koli so sioni yingo ayeke na ya ti lo aga na lo na Jésus; lo yeke waziba si lo yeke nga buburu. Jésus akai kobela ti lo; lo to nda ti tene tënë si lo baa ndo.

Matthieu 4:24

Sango ti Jésus amu ya ti sese ti Sirii kue. Nilaa azo aga na lo azo so tere ti ala aso, ala so ayeke na akobela nde nde si ala yeke na siriri pepe: ala so ayeke na asioni yingo, ala so ayeke na kobela ti makako nga na ala so mbage ti tere ti ala abuba. Jésus akai kobela na tere ti ala kue.

Matthieu 9:34

Me *afarizien atene: “Makonzi ti asioni yingo laa ayeke mu na lo ngangu ti tumba ayingo so!”

Jean 10:20

Ambeni zo mingi na popo ti ala atene: “Sioni yingo ayeke na ya ti lo! Li ti lo aga kirikiri awe! Ala yeke ma lo ngbanga ti nyen?”

Jean 7:20

Azo ni kue akiri tënë na lo, atene: “Sioni yingo ayeke na ya ti mo! Zo wa laa ayeke gi lege ti fâ mo?”

Jean 8:48

Azuife akiri tënë na Jésus, atene: “Tënë so e tene so ayeke taa-tënë: ‘Mo yeke zo ti Samarii si sioni yingo ayeke na ya ti mo!’ ”

Jean 8:52

Azuife akiri tënë na lo, atene: “Fadeso e hinga biani so, mo yeke na sioni yingo na ya ti mo! Abraham akui, awayanga-Nzapa nga akui, me ti mo, mo tene: ‘Zo so asara ye alingbi na atënë ti mo, fade lo yeke kui laoko pepe.’