Nzoni Tënë so Luc asu na mbeti 10:7 - Mbeti ti Nzapa - Tënë so amu fini

⁷ Ayeke nzoni ala duti na ya ti da ni, ala te kobe, ala nyon ye so fade azo ni ayeke mu na ala, ngbanga ti so zo ti kua alingbi na futa ti lo. Ala tambula na yanga ti da oko oko pepe.

Nzoni Tënë so Luc asu na mbeti 10:7 ပူးပေါင်းရင်းမြစ်များ

Wungo ti azo 18:31

Ala lingbi ti te aye ni, ala na asewa ti ala na ndo so kue be ti ala aye. So ayeke futa ti ala ndali ti akua ti da ti bongo so mbi na azo ti mbi, e yeke wara tere daa laa.

Marc 6:10

Lo kiri lo tene na ala: “Tongana ala si na ya ti mbeni kodro, ala duti gi na ya ti da so wa ni ayamba ala daa, ngbii asi na ngoi so ala ye ti londo ti gue.

Nzoni Tënë so Luc asu na mbeti 10:6

Tongana mbeni zo ti siriri ayeke na ya ni, fade siriri ti ala aduti na ndö ti lo; tongaso pepe, fade siriri ni akiri na ala.

Nzoni Tënë so Luc asu na mbeti 9:4

Da so kue a yeke yamba ala na ya ni, ala ngba daa ngbii asi na lango ti guengo ti ala.

Awatokua 16:15

Na peko ti so lo na azo ti da ti lo awara bateme, lo iri e, lo tene: “Tongana ala baa so mbi ma na be na Kota Gbia biani, ala ga, alango na ya ti da ti mbi.” Lo voro e ngbii si e yeda.

Awatokua 16:34

Tongaso lo mu Paul na Silas, lo gue na ala na da ti lo si lo mu na ala kobe ti te. Be ti lo na azo ti sewa ti lo kue asi na ngia, ngbanga ti so ala ma na be na Nzapa.

Awatokua 16:40

Paul na Silas asigigi na da ti kanga si ala gue na da ti Lydie. Ala baa a-ita, azo ti Christ ti mu na ala wango so alingbi ti mu ngangu na be ti ala; na pekoni, ala zia ala, amu lege ague.

Galasii 6:6

Zo so mba ti lo ayeke fa na lo nda ti tënë ti Nzapa, alingbi lo mu mbage ti aye ti lo na zo so ayeke fa ye na lo.

Ndia ti fani use ni 12:12

Kâ na ya ti da ti KOTA GBIA Nzapa ti ala, fade be ti ala ayeke si singo na ngia, ala na amolenge ti ala ti koli na ti wali, na azo ti kua ti ala ti koli na ti wali nga na azo ti mara ti Lévi so ayeke duti na ya ti agbata ti ala. Biani, azo ti mara ti Lévi awara sese pepe ti ga ti ala tongana ti so ala, atanga ti azo ti mara ti Israel, awara ni.

Ndia ti fani use ni 18:8

Ti lo kobe ni ayeke duti legeoko na ti ala si nginza so lo yeke wara na peko ti kango akungba ti asewa ti lo ayeke ga na ndö ni.

1 Timothée 5:13

Gi so oko pepe: ala yeke duti gi senge senge tongaso si ala mu gi kua ti fonongo na ya ti ada oko oko; na ndö ni, ala kiri ayeke diko atënë mingi mingi si ala yeke yoro yanga ti ala na ya ti tënë ti azo, ala yeke tene atënë ti kirikiri mingi.

2 Timothée 2:6

Zo so abaa pasi na fango yaka, alingbi lo laa lo wara ale ti kobe ti yaka ni kozoni.