Nzoni Tënë so Luc asu na mbeti 10:42 - Mbeti ti Nzapa - Tënë so amu fini

⁴² Taa nzoni ye ayeke gi oko. Marie laa asoro ti lo taa nzoni ye ni: fade mbeni zo ti zi ni na maboko ti lo ayeke daa pepe.”

Nzoni Tënë so Luc asu na mbeti 10:42 ပူးပေါင်းရင်းမြစ်များ

Abia (Psaumes) 119:111

Aye so mo hunda na mbi aga ye ti mbi biani biani; aye ni ayeke zia ngia na be ti mbi.

Abia (Psaumes) 119:173

Ayeke nzoni mo mu na mbi maboko, ngbanga ti so mbi soro andia ti mo.

Abia (Psaumes) 119:30

Mbi soro ti mu lege ti taa-tënë; mbi yeke sara ye alingbi na atënë ti fango ngbanga ti mo.

Abia (Psaumes) 142:5

Baa ndo na mbage ti maboko ti mbi ti koli si: zo oko ti hinga mbi ayeke daa pepe. Mbeni ndo titene mbi kpe daa ti bata tere ti mbi ayeke daa pepe, tënë ti fini ti mbi agbu be ti zo oko pepe.

Abia (Psaumes) 17:15

Ti mbi, fade mbi yeke baa le ti mo, ngbanga ti so mbi yeke mbirimbiri. Tongana mbi zingo na lango, mbi yeke baa le ti mo, mbi yeke baa ni ngbii be ti mbi ade.

Abia (Psaumes) 27:4

Mbi hunda gi ye oko na KOTA GBIA, ye so be ti mbi aye mingi ayeke so: mbi ye ti duti na ya ti kota da ti lo, mbi ye ti duti kâ na lango ti fini ti mbi kue ti ngba ti baa pendere ti lo lakue. Kâ, mbi yeke ku titene lo kiri tënë na mbi.

Abia (Psaumes) 73:25

Zo wa laa ayeke mu maboko na mbi na yayu, zo wa? Gi mo oko! Na ndö ti sese so, mbeni ye nde anzere na mbi pepe, gi mo oko.

Zo ti bongbingo azo 12:13

Atënë so kue e tene ge so, kota tënë ni ayeke so: kpe mbeto ti Nzapa, mo sara ye alingbi na andia ti lo, ngbanga ti so gi ye so zo alingbi ti sara ni laa.

Marc 8:36

Tongana zo awara aye ti dunia so kue si lo girisa fini ti lo, nzoni ye ti nyen laa lo yeke wara na peko ni?

Nzoni Tënë so Luc asu na mbeti 10:39

Lo yeke na mbeni ita ti lo ti wali so iri ti lo Marie. Marie aduti na sese na tere ti gere ti *Kota Gbia si lo yeke ma tënë so lo yeke tene.

Nzoni Tënë so Luc asu na mbeti 11:1

Mbeni lâ, Jésus ayeke sambela na mbeni ndo. So lo hunzi ti sambela awe, mbeni disiple ti lo oko atene na lo: “*Kota Gbia, fa na e lege ti sambela tongana ti so Jean afa na adisiple ti lo.”

Nzoni Tënë so Luc asu na mbeti 12:20

Me Nzapa atene na lo: ‘Mo buba zo! Gi na bi so mo yeke kui. Me aye so mo bongbi ni kue so, zo wa laa ayeke wara ni, zo wa?’ ”

Nzoni Tënë so Luc asu na mbeti 12:33

Ala ka aye so ala yeke na ni, ala mu nginza ni na azo ti mawa. Ala gi ti wara abozo ti nginza so ayeke buba pepe; ala bata mosoro ti ala na yayu! Kâ, mosoro ni ayeke hunzi pepe: zo ti nzi alingbi ti si nduru na ni pepe, akangi alingbi nga ti te ni pepe.

Nzoni Tënë so Luc asu na mbeti 16:2

Lo iri ndombe ni si lo tene na lo: ‘Tënë ti nyen laa mbi yeke ma na tere ti mo tongaso so? Fa na mbi peko ti aye so mo sara na aye ti mbi, ngbanga ti so mo yeke ngba ti bata aye ti mbi pepe.’

Nzoni Tënë so Luc asu na mbeti 16:25

Abraham atene na lo: ‘Molenge ti mbi, ayeke nzoni mo dabe ti mo so ando na ndö ti sese, mo baa nzoni si Lazare abaa ti lo sioni. Fadeso be ti lo ade awe, me ti mo, mo yeke baa pasi.

Nzoni Tënë so Luc asu na mbeti 18:22

So Jésus ama tënë so, lo tene na lo: “Mbeni ye oko angba na mo ti sarango ni: mo ka aye ti mo kue, mo kangbi nginza ni na awayere si fade mo yeke wara mosoro na yayu. Na pekoni, mo ga, mo mu peko ti mbi.”

Nzoni Tënë so Luc asu na mbeti 8:18

Ala sara hange na lege so ala yeke ma na tënë, ngbanga ti so zo so ayeke na ye, fade a kiri amu mbeni na ndö ni na lo; me zo so ayeke na ye pepe, ataa ye so lo baa lo tene, ni yeke na ni, fade a yeke zi na maboko ti lo.”

Jean 11:1

Mbeni koli so iri ti lo Lazare ayeke na kobela. Lo yeke lango na kete kodro ti Betanii, kodro ti Marie na ti ita ti lo Marthe.

Jean 11:19

Nilaa azuife mingi aga ti baa Marthe na Marie ti zi vundu na be ti ala na peko ti kuâ ti ita ti ala.

Jean 12:3

Na pekoni, Marie amu ngbenda ti yombo so a sara ni na ngu ti mbeni kete keke so iri ni nare ti nzoni ni, so ngere ni ayeke ngangu mingi. Lo tuku yombo ni na ndö ti gere ti Jésus si lo mbo ni na kua ti li ti lo. Fion ti yombo ni amu ya ti da ni kue.

Jean 17:3

Fini so angba lakue lakue ayeke titene azo ahinga mo, mo so mo yeke oko taa Nzapa si ala hinga nga Jésus Christ, lo so mo tokua lo.

Jean 4:14

me zo so ayeke nyon ande ngu so mbi yeke mu na lo, nzara ti ngu ayeke kiri ti sara lo pepe. Ngu so mbi yeke mu na lo ayeke ga li ti ngu so fini so angba lakue lakue ayeke sigigi daa.”

Jean 5:24

“Biani, mbi tene na ala taa-tënë: zo so ama tënë ti mbi si lo ma na be na lo so atokua mbi, lo yeke na fini so angba lakue lakue. A yeke fâ ngbanga na li ti lo pepe, me lo sigigi na ya ti kuâ awe si lo yeke na fini.

Jean 6:27

Ayeke nzoni ala sara kua ndali ti kobe so ayeke buba pepe, me ndali ti kobe so ayeke ngba si ayeke mu na zo fini so angba lakue lakue. *Molenge ti Zo laa ayeke mu ande na ala kobe ni so, ngbanga ti so Babâ, lo so lo yeke Nzapa wani laa amu na lo ngangu ni.”

1 Korente 13:3

Tongana mbi kangbi aye ti mbi kue na azo ti mawa, tongana mbi mu tere ti mbi titene azo agbi ni na wâ si mbi ye amba ti mbi pepe, mbi yeke wara ye oko na pekoni pepe.

Galasii 5:6

Biani, tongana zo aga oko na Jésus Christ, ataa zo ni afâ ganza wala lo fâ ganza pepe, so kota ye ni laa pepe! Kota ye ni ayeke titene zo aduti na mabe so ayeke sara titene lo ye amba ti lo.

Ndia ti fani use ni 30:19

Mbi tene na ala laso biani, yayu na sese ayeke ma mbi: mbi zia na dawa ti ala fini na kuâ, tufa na dengo ba. Alingbi ala soro fini si fade ala ngba na fini, ala na *ahale ti ala.

Josué 24:15

Tongana sarango kua ti KOTA GBIA anzere na ala pepe, ala soro laso anzapa so ala ye ti sara kua na ala: wala ala ye ti voro anzapa so akotara ti ala avoro ala ando na mbage ti ngu ti Efrate, wala ala ye ti voro anzapa ti mara ti Amori so ala ayeke na popo ti ala. Me ti mbi na azo ti da ti mbi, fade e yeke sara kua na KOTA GBIA.”

Josué 24:22

Josué atene na azo ni, atene: “Ala wani laa asoro ti sara kua na KOTA GBIA: tënë ti ala laa ayeke fâ ngbanga na li ti ala.” Azo ni akiri tënë: “E yeda!”