Nzoni Tënë so Luc asu na mbeti 10:34 - Mbeti ti Nzapa - Tënë so amu fini

³⁴ Lo ga nduru na tere ti lo, lo tuku mafuta na vin na le ti aka ni si lo kanga ni. Lo mu lo, lo zia lo na ndö ti lele ti lo wani, lo gue na lo na ya ti mbeni da so azo ayeke futa ti lango daa si lo bata lo nzoni.

Nzoni Tënë so Luc asu na mbeti 10:34 ပူးပေါင်းရင်းမြစ်များ

Tongo nda ti aye 42:27

So ala si na ndo so azo ti lege ayeke lango daa, mbeni oko na popo ti ala azi yanga ti sake ti lo titene lo mu kobe na lele ti lo. Lo baa so nginza ti lo laa a kanga ni gi na yanga ti sake ni.

Abia (Psaumes) 147:3

Azo so be ti ala afâ ka, lo laa lo yeke kai ni, lo yeke kanga ka ti ala.

Sigingo 4:24

So lo yeke na lege ti guengo ni, na bi, na ndo so lo luti daa ti wu tere ti lo, KOTA GBIA aga nduru na lo si agi lege ti fâ lo.

Marc 14:8

Lo sara ye so lo lingbi ti sara: lo tuku yombo na tere ti mbi kozoni ti ku na lango ti lungo kuâ ti mbi.

Nzoni Tënë so Luc asu na mbeti 10:33

Me mbeni zo ti Samarii so ayeke gue na mbeni kodro yongoro asi na tere ti koli so. Lo baa koli ni si mawa ti lo agbu be ti lo.

Nzoni Tënë so Luc asu na mbeti 10:35

Na ndade ni, na hongo ti lo, lo sigigi na ale ti nginza use, lo mu na wa ti da ni si lo tene na lo: ‘Bata lo nzoni. Tongana mo zia mbeni nginza ti mo na ndö ti so ti vo na ye na lo, na kiringo ti mbi, fade mbi yeke kiri ni na mo.’ ”

Nzoni Tënë so Luc asu na mbeti 2:7

Lo du kozo molenge ti lo ti koli. Lo kanga lo na bongo si lo zia lo na ya ti mbeni sanduku so anyama ayeke te ka kobe daa, ngbanga ti so ala wara ndo ti lango daa pepe na ya ti da ti agene.

Rome 12:20

Mbeti ni akiri atene: “Tongana nzara asara wato ti mo, mu na lo kobe lo te; tongana nzara ti ngu asara lo, mu na lo ngu, lo nyon. Tongana mo sara tongaso, ye ni ayeke tongana le ti wâ laa mo yeke zia na li ti lo.”

1 Tesalonike 5:15

Ala sara hange si mbeni zo akiri peko ti sioni na mba ti lo pepe, me ala gi lakue ti sara nzoni na popo ti ala nga na azo kue.