Nzoni Tënë so Luc asu na mbeti 10:22 - Mbeti ti Nzapa - Tënë so amu fini

²² “Babâ ti mbi azia ye kue na maboko ti mbi. Zo oko ahinga Molenge ni pepe, gi Babâ oko; zo oko ahinga Babâ ni pepe, gi Molenge ni oko nga na azo so Molenge ni aye ti fa Babâ ni na ala titene ala hinga lo.”

Nzoni Tënë so Luc asu na mbeti 10:22 ပူးပေါင်းရင်းမြစ်များ

Matthieu 11:25

Na ndembe ni so, Jésus akiri atene: “Mbi gonda mo Babâ, mo so mo yeke *Kota Gbia ti yayu na ti sese, ndali ti so mo honde ye so na azo ti ndara nga na azo ti hingango ye si mo sigigi na nda ni na akete molenge.

Matthieu 11:27

“Babâ ti mbi azia ye kue na maboko ti mbi. Zo oko ahinga Molenge ni pepe, gi Babâ oko; zo oko ahinga Babâ ni pepe, gi Molenge ni oko nga na azo so Molenge ni aye ti fa Babâ ni na ala titene ala hinga lo.

Matthieu 28:18

Jésus aga nduru na tere ti ala si lo tene na ala: “A mu na mbi ngangu kue na yayu nga na sese.

Jean 1:18

Zo ade ti baa Nzapa laoko pepe; me gi oko Molenge ni so ayeke Nzapa si lo yeke nduru na tere ti Nzapa Babâ, lo laa lo fa Nzapa na azo titene ala hinga lo.

Jean 10:15

tongana ti so Babâ ahinga mbi si mbi hinga Babâ. Mbi yeke ka fini ti mbi ndali ti ataba ti mbi.

Jean 13:3

Jésus ahinga so Babâ azia aye kue na maboko ti lo. Lo hinga nga so lo londo na Nzapa, lo ga si lo yeke kiri ande na Nzapa.

Jean 17:10

Ye ti mbi kue ayeke ti mo si ye ti mo kue ayeke ti mbi, nilaa azo ayeke baa gonda ti mbi na lege ti ala.

Jean 17:2

Mo mu na lo ngangu ti sara komandema na ndö ti azo kue. Tongaso si lo mu fini so angba lakue lakue na azo so kue mo mu ala na lo.

Jean 17:26

Mbi sara si ala hinga mo, mbi ngba ti sara titene ala hinga mo, tongaso si yengo so mo ye na mbi angba na popo ti ala si mbi na ala, e yeke oko.”

Jean 17:5

Fadeso, Babâ, sara si mbi duti na gonda na ndo so mo yeke daa, gonda so mbi yeke na ni na tere ti mo kozoni si dunia so abaa gigi.

Jean 3:35

Babâ aye Molenge ni si lo zia ye kue na maboko ti lo.

1 Korente 15:24

Na peko ti so Christ akinda ngangu ti ayingo so kue ayeke na komandema awe, fade aye kue ayeke si na ndani si Christ ayeke kiri na mbata ti gbia ni na Nzapa Babâ.

2 Korente 4:6

Nzapa so atene ando, atene: “Ayeke nzoni lumiere aza na ya ti vukongo ndo”, lo wani laa lo za na be ti e titene le ti e azi si e hinga gonda ti lo so ayeke za na ndö ti le ti Christ.

Efeze 1:21

Kâ, Christ ayeke na ndö ti ayingo so ayeke na komandema, ala so ayeke na ngangu nga na ala so ayeke amakonzi. Lo yeke na ndö ti aye so kue e yeke ma iri ni na dunia ti laso nga na dunia so ayeke ga.

Ahebro 2:8

Mo zia ye kue na gbe ti lo.” So Nzapa azia ye kue na gbe ti lo, ye kue ayeke na gbe ti lo. Me na le ti e, e de ti baa so ye kue ayeke na gbe ti lo pepe.

1 Jean 5:20

E hinga so, Molenge ti Nzapa aga awe, lo mu na e lege ti hingango ndo si e hinga taa Nzapa. E na taa Nzapa, e ga oko na lege ti Molenge ti lo Jésus Christ. Lo laa lo yeke taa Nzapa, lo yeke fini so angba lakue lakue.

2 Jean 1:9

Zo so kue azia mbeni tënë nde na ndö ti tënë so Christ afa si lo ngba na lege ti tënë ni pepe, andaa lo ke Nzapa awe. Zo so angba na lege ti tënë so Christ afa, andaa lo yamba Babâ na Molenge ti lo awe.