Nzoni Tënë so Luc asu na mbeti 10:2 - Mbeti ti Nzapa - Tënë so amu fini

² Lo tene na ala: “Kobe ti yaka ni ayeke mingi, me azo ti kua ni ayeke mingi pepe. Ayeke nzoni ala hunda na wa ti yaka ni ti tokua azo ti kua ti fâ ale ti kobe ti yaka ti lo.

Nzoni Tënë so Luc asu na mbeti 10:2 ပူးပေါင်းရင်းမြစ်များ

1 Agbia 18:22

Élie akiri atene: “Gi mbi oko, wayanga ti KOTA GBIA laa mbi ngba so. Awayanga ti nzapa Baal ayeke ngbangbo osio na baleoku!

Abia (Psaumes) 68:11

Na ndo so laa azo ti mo asara kodro daa; mo Nzapa so mo yeke nzoni mingi laa, mo leke ni ndali ti azo ti mawa.

Jérémie 3:15

Fade mbi yeke mu na ala azo ti li ni so be ti mbi aye. Na lege ti nzoni hingango ndo na ndara, fade azo ni ayeke bata ala nzoni.

Zakarii 11:17

Mawa na wabatango-taba so lo hinga ndo pepe, lo so lo do ataba ti lo, lo zia ala so! Ayeke nzoni a de maboko ti lo si a koro le ti lo ti mbage ti koli na ya ti bira! Ayeke nzoni maboko ti lo ahole biani biani, le ti lo ti mbage ti koli amingo biani biani!

Zakarii 11:5

Azo so ayeke vo ataba ni, ala yeke fâ go ti ala, me ala baa ti ala atene, tënë ayeke na li ti ala pepe. Ala so ayeke ka ataba ni ayeke tene: ‘E mu singila na KOTA GBIA. Baa, e ga azo ti mosoro awe!’ Me taa awabatango-taba ni ayeke baa mawa ti ataba ni oko pepe.

Wungo ti azo 11:17

Mbi yeke zu ti tene tënë na mo. Mbi yeke zi mbeni yingo so mbi mu na mo so kete ti kangbi na ala si ala lingbi ti mu maboko na mo, tongaso si gi mo oko laa mo yeke yo azo ni so pepe.

Wungo ti azo 11:29

Moïse akiri tënë na lo: “Mo sara mbanda ndali ti mbi? Tongana KOTA GBIA akangbi yingo ti lo na azo ti Israel kue titene ala ga awayanga-Nzapa, ka ayeke nzoni mingi!”

Matthieu 20:1

“Tënë ti *Kodro-gbia ti yayu ayeke tongana tënë ti mbeni wa ti da so asigigi na kota ndaperere ti gi azo, ti mu ala na kua ti yaka ti *vinye ti lo.

Marc 13:34

Ye ni ayeke duti ande tongana mbeni zo so ague na mbeni kodro nde. Lo zia da ti lo na maboko ti azo ti kua ti lo. Lo mu na zo oko oko kua ti sarango ni si lo mu yanga na wabatango-yanga ti da ni titene le ti lo akpengba, lo lango pepe.

Marc 16:15

Na pekoni, lo tene na ala: “Ala gue na ndö ti dunia kue, ala fa Nzoni Tënë na azo kue.

Marc 16:20

Adisiple ague ti fa Nzoni Tënë na ndo kue. Kota Gbia ayeke sara aye ti kpene na lege ti ala ti fa na azo so tënë ti Nzapa ayeke taa-tënë.]

Nzoni Tënë so Luc asu na mbeti 9:1

Jésus abongbi adisiple baleoko na use si lo mu na ala ngangu na komandema ti tumba na asioni yingo kue nga ti kai na akobela.

Awatokua 11:19

Na peko ti kuâ ti Étienne, a yeke sara ngangu na azo ti Jésus si ala kangbi kirikiri. Ambeni ague na Fenisii, ambeni na Shipre, ambeni na Antioshe; me ala yeke fa tënë gi na azuife.

Awatokua 13:2

Mbeni lâ, so ala bongbi ti voro *Kota Gbia si ala ke kobe ti sambela, Yingo-Vuru atene na ala: “Ala zia Barnabas na Saul nde ndali ti mbi titene ala sara kua so mbi iri ala ndali ni.”

Awatokua 13:4

Tongaso Yingo-Vuru atokua Barnabas na Saul si ala gue na Selesii. Kâ, ala mu mangboko ti gue na zoa ti Shipre.

Awatokua 20:28

Ala sara hange na lege ti dutingo ti ala, ala bata nzoni ataba so Yingo-Vuru azia na maboko ti ala. Ala bata nzoni azo ti Eglize so Nzapa asoro ala na lege ti mene ti molenge ti lo.

Awatokua 22:21

Kota Gbia atene na mbi: ‘Mo gue, ngbanga ti so mbi yeke tokua ande mo yongoro na mbage ti azo ti amara nde!’ ”

Awatokua 8:4

Azo ti Jésus so akangbi kirikiri ague na ando nde nde si ala yeke fa Nzoni Tënë.

1 Korente 12:28

Tongaso, lege so Nzapa azia azo na ya ti *Eglize laa: kozoni, lo zia *awatokua; use ni, lo zia awayanga-Nzapa; ota ni, lo zia awafango-ye; na pekoni, lo zia azo so lo mu na ala matabisi ti sarango aye ti kpene, ti kaingo kobela, ti mungo maboko na amba ti ala, ti dutingo na li ti amba ti ala, ti tenengo tënë na ayanga nde nde so ala hinga ni pepe.

1 Korente 15:10

Me ndali ti nzoni be ti Nzapa, mbi ga zo so ala yeke baa lo laso so; nzoni be so Nzapa asara na mbi, peko ni angba senge pepe. Mbi sara kua ahon atanga ti awatokua kue, andaa mbi laa mbi sara kua ni pepe, me Nzapa so ayeke na mbi laa asara kua ni na lege ti nzoni be ti lo.

2 Korente 6:1

So e na Nzapa e yeke sara kua oko so, e voro ala, e tene: “Nzoni be so Nzapa asara na ala, ala zia ni angba senge pepe.”

Filipe 2:21

Atanga ti azo ni kue ayeke gi gi nzoni ti ala wani; ala yeke gi nzoni ti Jésus Christ pepe.

Filipe 2:25

Me mbi baa so, ayeke nzoni titene mbi kiri mbi tokua na ala ita ti e Epafrodite, lo so lo yeke mba ti mbi zo ti kua; e na lo, e yeke tiri bira ndali ti Nzapa. Ala laa atokua lo titene lo mu maboko na mbi, ngbanga ti so aye atia mbi lani.

Filipe 2:30

ngbanga ti so angba kete lo kui ndali ti kua ti Christ. Lo ka tere ti lo titene lo ga lo sara na mbi ye so ala wani alingbi fade ti sara ndali ti mbi.

Kolose 1:29

Ndali ni, mbi yeke sara kua si mbi yeke tiri ti hunzi kua ni na ngangu so Christ amu na mbi, ngangu so asara si mbi kpengba na ya ti kua ni.

Kolose 4:12

Epafras so ayeke mbeni zo ti ala abara ala; lo yeke zo ti kua ti Jésus Christ, lo ngba ti tiri bira na lege ti sambela ndali ti ala. Lo yeke hunda na Nzapa titene ala luti ngangu, ala ga kangba na lege ti Yingo si ala yeke lakue nduru ti sara ye so kue be ti Nzapa aye.

1 Tesalonike 2:9

A-ita, ala dabe ti ala na akua so lani e sara nga na ngangu so ahunzi na e. Na ndembe so e fa Nzoni Tënë na ala, e sara kua bi na lâ titene e ga kungba na ndö ti mbeni zo na popo ti ala pepe.

1 Tesalonike 5:12

A-ita, e hunda na ala ti ne azo so ayeke mu tere ti ala kue ti sara kua na popo ti ala: azo so laa ayeke fa lege na ala na iri ti *Kota Gbia si ayeke mu wango na ala.

2 Tesalonike 3:1

Ti hunzi na ni, a-ita, ala sambela ndali ti e si tënë ti *Kota Gbia angba ti hon na ndo kue si azo agonda tënë ni tongana ti so azo ayeke gonda ni na ndo ti ala, a-ita.

1 Timothée 4:10

Biani, pasi so e yeke baa wala bira so e yeke tiri ayeke ndali ti so e zia be ti e ti ku Nzapa so ayeke na fini. Lo yeke Wasongo azo kue, mbirimbiri azo so ama na be.

2 Timothée 4:5

Ti mo, ayeke nzoni na ya ti ye kue, mo sara ye ahon ndoni pepe, me na legeni. Kanga be ti mo na ya ti pasi, sara kua ti fango Nzoni Tënë na azo, kua so Nzapa amu na mo ti sarango ni, mo sara ni kue.

Philémon 1:1

Mbi Paul, so mbi yeke na da ti kanga ndali ti Jésus Christ, mbi na ita ti e Timothée laa e tokua mbeti so na mo Philémon, mba ti e, zo ti kua so e ye mo mingi.

Ahebro 3:6

Ti Christ, lo sara kua ni na legeni tongana Molenge ti Nzapa, lo yeke na komandema na ndö ti da ti Babâ ti lo. E laa e yeke da ni tongana e ngba ti zia be ti e na ndö ti ye so e yeke ku ni si e gonda tere ti e daa.

Aye so Nzapa afa 2:1

“Su mbeti so, mo tokua na *ange so ayeke na li ti *Eglize ti gbata ti Efeze: “Baa, lo so lo gbu atongoro mbarambara na maboko ti lo ti koli si ayeke tambula na popo ti agere ti lamba mbarambara so a sara ni na lôro, atene: