Nzoni Tënë so Luc asu na mbeti 10:19 - Mbeti ti Nzapa - Tënë so amu fini

¹⁹ Ala ma! Mbi mu na ala ngangu ti do angbo na akparakongo na gere ti ala; mbi mu nga na ala ngangu ti hon ndö ti wato. Mbeni ye ti sarango sioni na ala ayeke daa pepe.

Nzoni Tënë so Luc asu na mbeti 10:19 ပူးပေါင်းရင်းမြစ်များ

2 Mbai 10:11

Babâ ti mbi azia lani nengo kungba na ndö ti go ti ala. Ti mbi, fade mbi yeke zia na ndö ti go ti ala kungba so akiri ane ahon ndoni. Babâ ti mbi apika ala lani na zaza. Ti mbi, fade mbi yeke pika ala na fimbo so wen ayeke na yanga ni.’ ”

Abia (Psaumes) 91:13

Mo yeke tambula na ndö ti bamara nga na ndö ti sioni ngbo, mo yeke do sioni nyama nga na angbo na gbe ti gere ti mo.

Ésaïe 11:8

Molenge so angba ti nyon me ayeke sara ngia na yanga ti du ti ngbo; kete molenge ayeke yoro maboko ti lo na ya ti du ti longo.

Ezekiel 2:6

“Ti mo, molenge ti zo, sara mbeto ti ala pepe, sara mbeto ti tënë ti yanga ti ala pepe. Azo ni ayeke dekite na mo mingi; ye ni ayeke duti, mo baa mo tene, mo yeke na popo ti aki wala mo duti na ndö ti akparakongo. Me mo sara mbeto ti tënë ti yanga ti ala pepe, tere ti mo ado na le ti ala pepe. Biani, ala yeke azo ti mara ti ngangu li.

Marc 16:18

ala yeke gbu angbo na maboko ti ala wala ala yeke nyon sioni yoro, me sioni ye oko ayeke si na ala pepe; ala yeke zia maboko ti ala na ndö ti azo ti kobela si kobela ti azo ni ayeke kai.”

Nzoni Tënë so Luc asu na mbeti 11:12

Wala tongana lo hunda na lo para-kondo, lo yeke mu na lo kparakongo?

Awatokua 28:5

Paul ayingi maboko ti lo si ngbo ni ati na le ti wâ ni, me mbeni ye oko asara lo pepe.

Rome 16:20

Nzapa so ayeke mu siriri na zo aga nduru ti nika Satan na gbe ti gere ti ala awe. Ayeke nzoni Kota Gbia ti e Jésus asara nzoni be na ala!

Aye so Nzapa afa 11:5

Tongana mbeni zo aye ti sara sioni na ala, wâ ayeke sigigi na yanga ti ala si ayeke gbi awato ti ala ni. Zo so kue aye ti sara sioni na ala, alingbi lo kui gi tongaso.