Nzoni Tënë so Luc asu na mbeti 10:16 - Mbeti ti Nzapa - Tënë so amu fini

¹⁶ Jésus akiri atene na adisiple ti lo: “Zo so ama tënë ti ala, andaa lo ma tënë ti mbi; zo so ake ala, andaa lo ke mbi; zo so ake mbi, andaa lo ke lo so atokua mbi.”

Nzoni Tënë so Luc asu na mbeti 10:16 ပူးပေါင်းရင်းမြစ်များ

Sigingo 16:7

Kekereke na ndaperere, fade ala yeke baa gonda ti KOTA GBIA, ngbanga ti so KOTA GBIA ama kasango ndo so ala kasa lo so. E, e yeke ti e zo wa si ala yeke kasa e so?”

Sigingo 16:8

Moïse akiri atene: “Fade ala yeke hinga atene KOTA GBIA laa, na ndembe so lo yeke mu na ala nyama na lakui titene ala te si na ndaperere, lo yeke mu na ala mapa titene ala te ya ti ala asi. Biani, lo ma kasango so ala kasa lo so. E, e yeke ti e zo wa? Ala yeke kasa e pepe, me KOTA GBIA laa ala yeke kasa lo.”

Malashii 1:6

Tënë so KOTA GBIA so ayeke na ndö ti dunia kue atene na ala, awayango-sandaga ayeke so: “Molenge-koli ayeke ne babâ ti lo, zo ti kua ayeke ne makonzi ti lo. Tongana mbi yeke Babâ ti ala, nengo mbi ni ayeke na ndo wa? Tongana mbi yeke Makonzi ti ala, kpengo mbeto ti mbi ni ayeke na ndo wa? Ti ala awayango-sandaga, ala yeke baa mbi tongana mbumbuse zo. Ala hunda mbi, atene: ‘E baa mo tongana mbumbuse zo tongana nyen?’

Wungo ti azo 14:11

*KOTA GBIA atene na Moïse: “Azo so ayeke ngba ti ke mbi ngbii asi lawa? Ala yeke ke ti zia be ti ala na ndö ti mbi ngbii asi lawa, ataa aye ti kpene so kue mbi sara na popo ti ala?

Wungo ti azo 14:2

Ala kasa Moïse na Aaron, atene: “Tongana e kui lani na kodro ti Ezipte, ka ayeke nzoni! Tongana e kui na ya ti benyama so, ka ayeke nzoni!

Wungo ti azo 16:11

Tongaso, mo na azo so amu peko ti mo, ala kasa gi Aaron pepe, me KOTA GBIA laa ala ma tere ti ke lo.”

Matthieu 10:40

“Zo so ayamba ala, andaa lo yamba mbi; zo so ayamba mbi, andaa lo yamba lo so atokua mbi

Matthieu 18:5

Zo so ayamba mbeni kete molenge tongana lo so na iri ti mbi, andaa mbi wani laa lo yamba mbi.”

Marc 9:37

“Zo so ayamba oko ti akete molenge so na iri ti mbi, andaa mbi laa lo yamba mbi. Zo so ayamba mbi, andaa mbi oko laa lo yamba mbi pepe, me lo so atokua mbi.”

Nzoni Tënë so Luc asu na mbeti 9:48

lo tene na ala: “Zo so ayamba kete molenge so na iri ti mbi, andaa mbi laa lo yamba mbi; zo so ayamba mbi, andaa lo yamba nga lo so atokua mbi. Zo so ayeke kete kete na popo ti ala, andaa lo laa lo yeke kota ahon ala kue.”

Jean 12:44

Jésus atene na kota go, atene: “Zo so ama na be na mbi, lo ma na be gi na mbi pepe, me lo ma na be nga na lo so atokua mbi.

Jean 12:48

Zo so ake mbi si lo ke nga atënë ti mbi, mbeni ye ti fango ngbanga na li ti lo ayeke daa: atënë so mbi tene laa ayeke fâ ngbanga na li ti lo na lango ti ndani.

Jean 13:20

Biani, mbi tene na ala taa-tënë: zo so ayamba mbeni zo so mbi tokua lo, andaa mbi wani laa lo yamba mbi; zo so ayamba mbi, andaa lo yamba lo so atokua mbi.”

Awatokua 5:4

Kozo titene mo ka yaka so, yaka ni ayeke fade ti mo. So mo ka ni so, nginza ni ayeke ti mo. Ngbanga ti nyen laa mo leke na be ti mo ti sara mara ti ye tongaso? Mo tene mvene na zo pepe, me na Nzapa!”

Galasii 4:14

Ataa so songo tere ti mbi ni aga na ala pasi mingi, ala zere mbi pepe, ala ke nga mbi pepe. Me ala yamba mbi, mo baa mo tene, mbi yeke mbeni *ange ti Nzapa wala Jésus Christ.

1 Tesalonike 4:8

Ndani laa, zo so ake ti sara ye alingbi na atënë so, zo laa lo ke lo pepe, me lo ke Nzapa so ayeke mu Yingo-Vuru ti lo na ala.