Nzoni Tënë so Luc asu na mbeti 10:13 - Mbeti ti Nzapa - Tënë so amu fini

¹³ “Mawa na mo, gbata ti Korazen! Mawa na mo, gbata ti Betsaida! Tongana aye ti kpene so asi na ndo ti ala so asi ando na sese ti Tir na ti Sidon, ka azo ni ayu bongo ti mua, ala duti na ya ti mburu ti wâ aninga awe ti fa atene, ala zia ngbene lege ti sarango ye ti ala awe!

Nzoni Tënë so Luc asu na mbeti 10:13 ပူးပေါင်းရင်းမြစ်များ

Mbeti ti Job 42:6

Ndani laa, be ti mbi aso ndali ti tënë so lani mbi tene. Mbi hinga so tënë ni ayeke na legeni pepe; mbi duti na ya ti fuku ti sese, na ya ti mburu ti wâ.

Ésaïe 61:3

Ala yeke na mua ndali ti *Sion, me Nzapa atokua mbi ti zia na li ti ala ye ti pendere na plase ti mburu ti wâ; ti kpaka na tere ti ala mafuta so afa ngia ti ala, me afa mua pepe; ti yu na ala bongo ti matanga na plase ti be so awoko. Tongaso, a yeke haka ala na akeke so afa mbirimbiri ti Nzapa, a yeke haka ala na yaka so afa gonda ti KOTA GBIA.

Ezekiel 26:1

Na ngu baleoko na oko ni, na kozo lango ti nze ni so a gbu azo, a gue na ala na kodro wande, tënë ti *KOTA GBIA asi na mbi, atene:

Daniel 9:3

Mbi yo le ti mbi na nduzu ti baa ndo na mbage ti KOTA GBIA ti sambela lo, ti voro tere ti mbi na lo. Mbi ke kobe, mbi yu bongo ti mua si mbi tuku mburu ti wâ na li ti mbi.

Amos 1:9

Tënë so KOTA GBIA atene ayeke so: “Mbi yeke na tënë na azo ti Tir ndali ti asioni ye ota, wala osio so ala sara: ala gbu azo ti akete kodro si ala ka ala kue kue kue na azo ti mara ti Edom. Ala buba lege ti *mbuki ti ala na a-ita ti ala, azo ti Israel awe. Ndani laa, ngbanga so mbi fâ na li ti ala, mbi yeke kiri na ndö ni oko pepe.

1 Timothée 4:2

Ala yeke girisa lege ndali ti azo ti tenengo mvene so tënë ti yanga ti ala ayeke nde na sarango ye ti ala, be ti ala ayeke na nzoroko ti sioni ye so a su ni na wen so a yoro na ya ti wâ si abe.

Aye so Nzapa afa 11:3

Azo ti mbi use so ayeke tene taa-tënë na ndö ti mbi, ala so ayeke yu bongo ti mua so, fade mbi yeke mu lege na ala ti tene peko ti tënë ti yanga ti mbi na azo na ya ti lango saki oko ngbangbo use na baleomene.”