Nzoni Tënë so Luc asu na mbeti 1:8 - Mbeti ti Nzapa - Tënë so amu fini

⁸ Ngoi ti Zakarii ti sara kua ti yango sandaga na le ti Nzapa alingbi; so ayeke ngoi titene lo na azo ti bongbi ti lo asara kua.

Nzoni Tënë so Luc asu na mbeti 1:8 ပူးပေါင်းရင်းမြစ်များ

1 Mbai 24:19

Lege so a kangbi ala titene ala sara akua ti ala na ya ti kota da ti *KOTA GBIA laa. Ala yeke sara kua ni alingbi na peko ti yanga ti kotara ti ala Aaron, alingbi nga na yanga so KOTA GBIA, Nzapa ti Israel amu.

1 Mbai 24:2

Nadab na Abihu adu amolenge pepe; ala kui kozoni na babâ ti ala. Elazar na Itamar asara kua ti wayango-sandaga.

2 Mbai 11:14

Azo ti mara ti Lévi azia sese ti ala so ayeke na tere ti agbata ni nga na ambeni ye ti ala, ala gue na Juda nga na Jérusalem, ngbanga ti so Yeroboam na amolenge ti lo akanga lege na ala ti sara kua ti ala ti wayango-sandaga na *KOTA GBIA.

2 Mbai 31:19

Ambeni wayango-sandaga so ayeke *ahale ti Aaron aduti na ayaka so ayeke na tere ti agbata ti ala. Na ya ti gbata oko oko, a soro ambeni zo ti kangbi aye ni na akoli so kue angba na yaka si ala yeke na popo ti awayango-sandaga nga na azo ti mara ti Lévi so kue a su iri ti ala na mbeti.

2 Mbai 31:2

Ezekias azia na sese abongbi nde nde ti awayango-sandaga na ti azo ti mara ti Lévi. Na ya ti abongbi ni so, lo zia zo oko oko na yanga ti kua ti lo. Kua ti awayango-sandaga na ti azo ti mara ti Lévi ayeke ti ya *asandaga so a yeke gbi ni kue na wâ na asandaga ti beoko, kua ti hengo bia ti mungo singila na Nzapa na ti sepelango Nzapa na ya ti gbagba ti kota da ti *KOTA GBIA.

2 Mbai 8:14

Salomon asara ye alingbi na ye so babâ ti lo David amu yanga na lo ti sara: lo zia awayango-sandaga na yanga ti kua ti ala; lo zia nga azo ti mara ti Lévi na yanga ti kua ti ala titene ala yeke he bia ti sepela KOTA GBIA nga ti sara kua na ya ti lango oko oko na tere ti awayango-sandaga. Lo zia azo ti batango ayanga ti gbagba na lege ti bongbi ti ala oko oko titene ala bata ayanga ti gbagba oko oko kue. Yanga so David, zo ti Nzapa amu laa.

Esdras 6:18

A kangbi ya ti awayango-sandaga na azo ti mara ti Lévi si ala duti na ya ti abongbi nde nde, tongaso si ala lingbi ti sara kua ti Nzapa na Jérusalem, alingbi na tënë so a su na ya ti mbeti ti Moïse.

Sigingo 28:1

“Moïse, na popo ti azo ti Israel, mo mu ita ti mo Aaron na tere ti mo, lo na amolenge ti lo Nadab, Abihu, Elazar na Itamar titene ala sara kua na mbi tongana awayango-sandaga.

Sigingo 28:41

“Ti mo Moïse, mo yeke yu abongo ni so na Aaron, ita ti mo nga na amolenge ti lo. Mo yeke tuku mafuta na li ti ala si mo yeke zia ala ti sara kua na mbi. Na lege so laa mo yeke zia ala nde titene ala sara kua na mbi tongana awayango-sandaga.

Sigingo 29:1

“Lege so mo yeke zia Aaron na amolenge ti lo nde titene ala sara kua ti awayango-sandaga na mbi ayeke so: “Fade mo yeke mu koli-bagara oko na akoli-taba use so mbage ti tere ti ala abuba pepe;

Sigingo 29:44

Da ti bongo so mbi na azo ti mbi e yeke wara tere daa, na gbalaka ni, fade mbi yeke zia ni nde ndali ti mbi. Mbi yeke zia Aaron na amolenge ti lo nde titene ala sara kua ti mbi ti wayango-sandaga.

Sigingo 29:9

Mo yeke kanga kamba na ndö ti bongo ti Aaron na amolenge ti lo. Mo yeke zia kpoto na li ti ala ti fa atene, kua ti wayango-sandaga aga ti ala kpu na kpu. “Lege so mo yeke zia Aaron na amolenge ti lo ti to nda ti kua ti ala laa.

Sigingo 30:30

Mo yeke tuku mafuta so na li ti Aaron na amolenge ti lo si mo yeke zia ala nde titene ala sara kua na mbi tongana awayango-sandaga.

Wungo ti azo 18:7

Me mo, Aaron na amolenge ti mo, ala yeke sara kua ti ala ti wayango-sandaga na ndo so gbalaka ayeke daa nga na ndo so ayeke nde si ayeke nzoni kue ahon atanga ni; so ti tene na peko ti ridoo so akangbi ya ti da ni so. Mbi laa mbi mu na ala kua ni. Tongana mbeni senge zo aga nduru na ndo ni, fade a yeke fâ lo.”

Nzoni Tënë so Luc asu na mbeti 1:5

Na ngoi so ando Herode ayeke gbia ti Judée, mbeni wayango-sandaga ayeke daa, iri ti lo Zakarii. Lo yeke mbeni zo ti ya ti bongbi ti awayango-sandaga ti sewa ti Abia; iri ti wali ti lo ayeke Élisabeth; lo nga lo yeke mbeni *hale ti Aaron.

Nzoni Tënë so Luc asu na mbeti 1:7

Me ala yeke na molenge pepe, ngbanga ti so Élisabeth ayeke wali ti dungo ni pepe; ala use kue aga mbakoro awe.