Nzoni Tënë so Luc asu na mbeti 1:75 - Mbeti ti Nzapa - Tënë so amu fini

⁷⁵ tongaso si ala lingbi ti mu be ti ala na mbi, ti sara ye ti mbirimbiri na le ti mbi, na lango ti fini ti ala kue.’

Nzoni Tënë so Luc asu na mbeti 1:75 ပူးပေါင်းရင်းမြစ်များ

Ésaïe 43:21

Azo so mbi leke ala ndali ti mbi, ala yeke he bia ti sepela na mbi.”

Zakarii 8:19

Tënë so KOTA GBIA so ayeke na ndö ti dunia kue atene ayeke so: “Alango ti kengo kobe so ala azo ti Juda, ala yeke ke na ya ti osio nze ni, oku nze ni, mbarambara nze ni nga na nze baleoko ni ti ngu oko oko, fade alango ni so ayeke kiri ti ga alango ti matanga, alango ti ngia na ti kota ngia nga na ti nzoni matanga. “Me ayeke nzoni ala ye taa-tënë nga na siriri.”

Matthieu 1:21

Lo yeke du ande molenge-koli so fade mo yeke di iri ti lo Jésus, ngbanga ti so lo laa lo yeke soo azo ti lo na ya ti asiokpari ti ala.”

Nzoni Tënë so Luc asu na mbeti 1:74

‘Mbi yeke zi ala na maboko ti awato ti ala titene ala voro mbi na mbeto pepe,

Efeze 1:4

Kozo si dunia abaa gigi, Nzapa asoro e titene e ga azo ti lo na lege ti gango so e ga oko na Christ, tongaso si e ga azo so ayeke nde si ayeke nzoni kue, azo so na le ti lo, tënë ayeke na li ti ala pepe. Na lege ti ndoye ti lo,

Efeze 2:10

Taa-tënë, Nzapa laa asara e; na gango so e ga oko na Jésus Christ, Nzapa aleke e titene e mu tere ti e kue ti sara anzoni ye so lo leke kozoni titene e sara.

Efeze 4:24

Tongana ti so zo ayeke yu fini bongo, ala ga afini zo so a sara ala tongana ti so be ti Nzapa aye; lo ye titene taa-tënë asara si ala ga mbirimbiri, ala ga nde si ala ga nzoni kue.

Ndia ti fani use ni 6:2

Tongaso, fade ala yeke kpe mbeto ti KOTA GBIA Nzapa ti ala na lango ti fini ti ala kue, ala yeke sara ye alingbi na aye so kue ndia ti lo afa nga na atënë ti ndia ti lo so kue mbi fa na ala, na *ahale ti ala, tongaso si gigi ti ala ague, ayo.

1 Tesalonike 4:1

Ti hunzi na ni, a-ita, e fa na ala lani lege ti dutingo so ala lingbi ti duti na ni si anzere na be ti Nzapa. Biani, ala duti tongaso awe. Me fadeso, e yeke hunda na ala si e voro ala na iri ti *Kota Gbia Jésus titene lege ti dutingo ti ala akiri aga nzoni ahon ti kozoni.

1 Tesalonike 4:7

Biani, Nzapa airi e ti duti na ya ti ye ti potopoto pepe, me lo iri e ti ga azo so ayeke nde si ayeke nzoni kue.

2 Tesalonike 2:13

Ti e, alingbi e ngba ti mu singila lakue na Nzapa ndali ti ala, a-ita, ala so *Kota Gbia aye ala. Biani, ti londo na ndembe so dunia abaa gigi, Nzapa asoro ala titene ala soo kuâ na lege ti Yingo-Vuru so azia ala nde ndali ti Nzapa, ala soo nga kuâ na lege so ala ma na be na taa-tënë.

2 Timothée 1:9

Nzapa asoo e na kuâ, lo iri e ti ga azo so lo zia e nde ndali ti lo si e yeke nzoni kue. Mbeni ye ti nzoni so e sara titene lo soo e si lo iri e ndali ni ayeke daa pepe, me lo sara ni ndali ti so lo leke na be ti lo wani awe na lege ti nzoni be ti lo. Kozoni titene aye kue abaa gigi, Nzapa aleke na be ti lo ti sara nzoni be na e na lege ti Jésus Christ.