Nzoni Tënë so Luc asu na mbeti 1:72 - Mbeti ti Nzapa - Tënë so amu fini

⁷² Lo sara nzoni be na akotara ti e ti dabe ti lo na *mbuki ti lo so ayeke nde si ayeke nzoni kue.

Nzoni Tënë so Luc asu na mbeti 1:72 ပူးပေါင်းရင်းမြစ်များ

Tongo nda ti aye 12:3

Fade mbi yeke sara tufa na ndö ti azo so ayeke sara tufa na ndö ti mo. Mbi yeke deba zo so ayeke deba mo. Na lege ti mo, a yeke sara tufa na ndö ti azo ti asewa ti dunia kue.”

Tongo nda ti aye 22:18

A yeke sara tufa na ndö ti azo ti amara ti ndö ti sese kue na lege ti ahale ti mo, ngbanga ti so mo ma yanga ti mbi.”

Tongo nda ti aye 26:4

Mbi yeke sara titene ahale ti mo awu mingi tongana atongoro ti le ti nduzu; mbi yeke mu asese so kue na ala. Fade a yeke sara tufa na ndö ti amara ti ndö ti sese kue na lege ti ahale ti mo.

Tongo nda ti aye 28:14

Fade ahale ti mo ayeke wu mingi tongana fuku ti sese. Ala yeke mu ndö ti sese ni kue, na mbage ti Do, na mbage ti To, na mbage ti Banga, nga na mbage ti Mbongo. Fade a yeke sara tufa na ndö ti amara ti dunia kue na lege ti mo, na ahale ti mo.

1 Mbai 16:16

mbuki so lo na Abraham asara, lo deba yanga ti lo na Isaac ti bata tënë ti yanga ti lo.

Abia (Psaumes) 105:42

Lo dabe ti lo na zendo ti lo so ayeke nde si ayeke nzoni kue, zendo so lo mu na Abraham, zo ti kua ti lo.

Abia (Psaumes) 106:45

lo dabe ti lo na tënë ti mbuki ti lo na ala; ndali ti kota nzoni be ti lo, lo zia lege ti ye so lo ye ti sara na ala.

Abia (Psaumes) 111:5

Lo mu kobe na azo so akpe mbeto ti lo; lo yeke dabe ti lo na *mbuki ti lo lakue.

Abia (Psaumes) 98:3

Lo dabe ti lo so lo bata tënë ti yanga ti lo si lo sara nzoni be na azo ti Israel. Na nda ti sese kue, azo abaa songo benda ti Nzapa ti e.

Ezekiel 16:60

Ti mbi, fade mbi yeke dabe ti mbi na mbuki ti mbi na mo na ndembe so mo de maseka. Mbi yeke sara mbuki ni na mo kpu na kpu.

Ezekiel 16:8

Mbeni lâ, mbi kiri mbi hon nduru na tere ti mo si mbi baa mo; andaa mo ga wali awe. Mbi gbara bongo ti mbi na ndö ti mo ti kanga na tere ti mo so ayeke ndumbu so. Mbi deba yanga ti mbi si mbi sara *mbuki na mo. Nilaa mo ga ti mbi. So tënë ti yanga ti Kota Gbia NZAPA laa.

Awayango-sandaga 26:42

fade mbi yeke dabe ti mbi na *mbuki so mbi sara na akotara ti ala: Jacob, Isaac na Abraham. Mbi yeke dabe ti mbi nga na zendo so mbi mu ndali ti kodro ti ala.

Mishe 7:20

Mo yeke bata tënë ti yanga ti mo na *ahale ti Jacob na ti Abraham. Ye so mo deba yanga ti mo ti sara na akotara ti e ngbene ye ando laa.

Rome 11:28

Azuife ake Nzoni Tënë awe, nilaa ala ga awato ti Nzapa; ye so asi ndali ti nzoni ti ala, azo ti amara nde. Me Nzapa asoro azuife titene ala ga azo ti lo, lo ye ala ndali ti akotara ti ala.

Rome 9:4

A-ita ti mbi ni ayeke azo ti Israel: Nzapa asara si ala ga amolenge ti lo, lo fa gonda ti lo na ala, lo leke *mbuki ndali ti ala, lo fa *Ndia ti lo na ala, lo fa lege ti vorongo lo na ala, lo mu azendo na ala,