Nzoni Tënë so Luc asu na mbeti 1:68 - Mbeti ti Nzapa - Tënë so amu fini

⁶⁸ “E gonda *Kota Gbia, Nzapa ti Israel, ngbanga ti so lo ga ti baa azo ti lo, ti zi ala na gbe ti ngbaa.

Nzoni Tënë so Luc asu na mbeti 1:68 ပူးပေါင်းရင်းမြစ်များ

Tongo nda ti aye 14:20

E gonda Nzapa so ayeke na yayu kâ na ndö ti aye kue, lo so lo sara titene awato ti mo ati na maboko ti mo so.” Abram amu na lo *dime ti aye so kue lo yeke na ni.

Tongo nda ti aye 24:27

lo tene: “Mbi mu singila na KOTA GBIA, Nzapa ti wa ti mbi Abraham, ndali ti so lo zia wa ti mbi pepe, lo ngba lakue ti sara nzoni, ti bata tënë ti lo na wa ti mbi. KOTA GBIA afa lege na mbi ngbii, mbi si na da ti a-ita ti wa ti mbi.”

Tongo nda ti aye 9:26

Na pekoni, lo tene: “E gonda KOTA GBIA, Nzapa ti Sem. Fade Kanaan aga ngbaa ti Sem.

1 Agbia 1:48

si lo tene: ‘Mbi mu singila na KOTA GBIA, Nzapa ti Israel. Laso, lo mu mbeni zo titene lo duti na ndö ti mbata ti mbi ti gbia; lo sara si mbi baa lo na le ti mbi.’ ”

1 Agbia 8:15

Lo tene: “Mbi mu singila na *KOTA GBIA, Nzapa ti Israel! Zendo so lo mu lani na babâ ti mbi David, lo wani, lo sara ye alingbi na ni;

1 Mbai 29:10

David amu singila na *KOTA GBIA na dawa ti bongbi ti azo ni kue, lo tene: “Singila na KOTA GBIA, Nzapa ti kotara ti e Jacob, ngbene ye kpu na kpu, lakue lakue!

1 Mbai 29:20

Na pekoni, David atene na bongbi ti azo ni: “Ala mu singila na KOTA GBIA, Nzapa ti ala.” Tongaso, azo ni kue amu singila na KOTA GBIA, Nzapa ti akotara ti ala. Ala kuku akpo li ti ala na sese na dawa ti KOTA GBIA nga na dawa ti gbia.

Abia (Psaumes) 106:48

Singila na KOTA GBIA, Nzapa ti Israel, ngbene ye lakue lakue, kpu na kpu! Ayeke nzoni azo kue atene: “Amen! Aleluya!”

Abia (Psaumes) 111:9

KOTA GBIA atokua titene a zi azo ti lo na gbe ti ngbaa, lo na azo ti lo ni aga ambuki kpu na kpu. Iri ti lo ayeke nde si ayeke nzoni kue, ayeke zia mbeto na be ti zo.

Abia (Psaumes) 130:8

Lo laa lo yeke soo azo ti Israel ti zi asioni ti ala kue.

Abia (Psaumes) 41:13

Mo gbu mbi awe, mbi ngba na nduzu, mo mu na mbi nzoni tere awe; mo sara si mbi ngba na dawa ti mo kpu na kpu.

Sigingo 4:31

Azo ti Israel ayeda na tënë ni si ala hinga atene, KOTA GBIA ayeke ga ti mu maboko na ala, ngbanga ti so lo baa lege so ala baa pasi. Tongaso, ala kuku akpo li ti ala na sese ti voro lo.

Nzoni Tënë so Luc asu na mbeti 1:71

Na lege ti songo so lo soo e, lo zi e na maboko ti awato ti e nga na maboko ti ala so be ti ala ake e.

Nzoni Tënë so Luc asu na mbeti 19:44

Awato ti mo ni ayeke nika mo na azo ti mo kue; mbeni têne oko ayeke ngba na ndö ti mba ti lo pepe, ngbanga ti so lango so Nzapa aga ti baa mo asi awe, me mo hinga ni pepe!”

Nzoni Tënë so Luc asu na mbeti 2:38

Gi na ndembe ni so, lo ga lo mu singila na Nzapa si lo tene tënë ti molenge ni na azo so kue ayeke ku lango so fade Nzapa ayeke zi Jérusalem na gbe ti ngbaa.

Nzoni Tënë so Luc asu na mbeti 24:21

Ti e, e zia be ti e ti ku e tene, lo laa lo yeke zi ande Israel na gbe ti ngbaa. Me na ndö ni kue, aye ni asi asara fadeso lango ota awe.

Nzoni Tënë so Luc asu na mbeti 7:16

Mbeto agbu azo ni kue si ala yeke gonda Nzapa, atene: “Mbeni kota wayanga-Nzapa aga na popo ti e awe! Nzapa aga ti baa azo ti lo!”

Efeze 1:3

E gonda Nzapa, Babâ ti *Kota Gbia ti e Jésus Christ! Lo mu na e anzoni ye ti Yingo so kue ayeke na yayu, na lege ti gango so e ga oko na Christ.

Efeze 1:7

Na lege ti gango so e ga oko na Christ, a zi e na ya ti sioni na lege ti mene ti lo; a zi nga asiokpari na li ti e na lege ti nzoni be ti lo so ahon ndoni.

Ahebro 9:12

So Christ ali na ya ti da ti bongo ni, lo li fani oko biani biani na ndo so ayeke nde si ayeke nzoni kue ahon atanga ni. So lo li, lo ya mene ti angasa wala mene ti akete bagara pepe, me lo ya mene ti lo wani si lo zi e biani biani na ya ti asiokpari awe.

1 Pierre 1:3

E gonda Nzapa, Babâ ti *Kota Gbia ti e Jésus Christ! Lo baa mawa ti e mingi si lo sara titene a kiri a du e mbeni na lege ti zingongo so lo zingo Jésus Christ na kuâ. Tongaso, e zia be ti e ti ku ye so ayeke sara titene zo aduti na fini.

1 Samuel 25:32

David atene na Abigail: “Mbi mu singila na KOTA GBIA, Nzapa ti Israel so atokua mo laso ti wara mbi so.