Nzoni Tënë so Luc asu na mbeti 1:64 - Mbeti ti Nzapa - Tënë so amu fini

⁶⁴ Gi na pekoni, yanga ti Zakarii azi, lo to nda ti tene tënë si lo gonda Nzapa.

Nzoni Tënë so Luc asu na mbeti 1:64 ပူးပေါင်းရင်းမြစ်များ

Abia (Psaumes) 51:15

Fade mbi yeke fa lege ti mo na azo so ake ndia ti mo si azo ti sarango siokpari ayeke kiri na mbage ti mo.

Sigingo 4:11

KOTA GBIA akiri tënë na lo, atene: “Zo wa laa asara yanga ti zo, zo wa? Zo wa laa asara si zo aga buburu, wala mê ti zo akanga, zo wa? Zo wa laa asara si zo abaa ndo, wala le ti zo akanga, zo wa? Ayeke mbi KOTA GBIA pepe?

Ésaïe 12:1

Na lango ni so, fade mo yeke tene: “*KOTA GBIA, mbi mu na mo singila, ngbanga ti so mo sara lani ngonzo na tere ti mbi, me ngonzo ni ade awe, mo de be ti mbi awe.

Jérémie 1:9

Na pekoni, KOTA GBIA ayoro maboko ti lo, lo ndu yanga ti mbi si lo tene: “Baa, mbi zia tënë ti mbi na yanga ti mo.

Ezekiel 29:21

“Na lango ni so, mbi yeke kiri ti mu ngangu na azo ti Israel. Ti mo Ezekiel, mbi yeke mu na mo ngangu ti sara tënë na ala. Tongaso, fade ala yeke hinga atene, mbi laa mbi yeke KOTA GBIA.”

Ezekiel 3:27

Mbeni lâ, tongana mbi yeke na mbeni tënë ti tene na ala na lege ti mo, fade mbi yeke zi yanga ti mo si mo tene na ala, mo tene: ‘Tënë so Kota Gbia NZAPA atene ayeke so.’ Zo so aye ti ma, ayeke nzoni lo ma; zo so ake ti ma, ayeke nzoni lo ke ti ma! Biani, ala yeke azo ti mara ti ngangu li.”

Ezekiel 33:22

Na lakui, kozoni si zo so asi, maboko ti KOTA GBIA ayeke na ndö ti mbi. Na ndade ni, na ndaperere, tongana zo ni asi, andaa Nzapa azi yanga ti mbi awe, mbi yeke buburu mbeni pepe.

Matthieu 9:33

So Jésus atumba sioni yingo ni awe, buburu ni ato nda ti tene tënë. Be ti gba ti azo ni ado si ala tene: “Ade e baa mara ti ye tongaso na kodro ti Israel laoko pepe!”

Nzoni Tënë so Luc asu na mbeti 1:20

Me mo yeda na tënë ti mbi pepe; tënë ti mbi so ayeke ga ande taa-tënë tongana ndembe ni alingbi. Tongaso, fade mo yeke ga buburu, mo yeke tene tënë pepe, ngbii asi na ndembe so aye ni kue ayeke si.”