Nzoni Tënë so Luc asu na mbeti 1:55 - Mbeti ti Nzapa - Tënë so amu fini

⁵⁵ so lo sara na Abraham na *ahale ti lo lakue lakue. Lo sara ye ni alingbi na zendo so ando lo mu na akotara ti e.”

Nzoni Tënë so Luc asu na mbeti 1:55 ပူးပေါင်းရင်းမြစ်များ

Tongo nda ti aye 12:3

Fade mbi yeke sara tufa na ndö ti azo so ayeke sara tufa na ndö ti mo. Mbi yeke deba zo so ayeke deba mo. Na lege ti mo, a yeke sara tufa na ndö ti azo ti asewa ti dunia kue.”

Tongo nda ti aye 17:19

Nzapa atene na lo: “Tënë ni laa pepe! Fade wali ti mo Sara ayeke du na mo mbeni molenge-koli. Mo yeke di iri ti molenge ni Isaac. Mbi yeke leke mbuki ti mbi na lo; mbuki ni ayeke ngba kpu na kpu ndali ti ahale ti lo na peko ti lo.

Tongo nda ti aye 17:7

Mbi yeke sara titene mbuki so ayeke na popo ti mbi na mo so angba ngbii asi na amolenge ti mo nga na ahale ti mo, na lege ti molongo ti dungo ti ala oko oko. Mbuki ni ayeke ngba kpu na kpu si na lege ni, mbi yeke duti Nzapa ti mo nga na Nzapa ti ahale ti mo so ayeke ga na peko ti mo.

Tongo nda ti aye 22:18

A yeke sara tufa na ndö ti azo ti amara ti ndö ti sese kue na lege ti ahale ti mo, ngbanga ti so mo ma yanga ti mbi.”

Tongo nda ti aye 26:4

Mbi yeke sara titene ahale ti mo awu mingi tongana atongoro ti le ti nduzu; mbi yeke mu asese so kue na ala. Fade a yeke sara tufa na ndö ti amara ti ndö ti sese kue na lege ti ahale ti mo.

Tongo nda ti aye 28:14

Fade ahale ti mo ayeke wu mingi tongana fuku ti sese. Ala yeke mu ndö ti sese ni kue, na mbage ti Do, na mbage ti To, na mbage ti Banga, nga na mbage ti Mbongo. Fade a yeke sara tufa na ndö ti amara ti dunia kue na lege ti mo, na ahale ti mo.

Nzoni Tënë so Luc asu na mbeti 1:54

Lo ga, lo mu maboko na azo ti Israel so ayeke azo ti kua ti lo; lo dabe ti lo na nzoni be ti lo

Nzoni Tënë so Luc asu na mbeti 1:56

Marie angba na ndo ti Élisabeth nduru na nze ota si na pekoni, lo kiri na ndo ti lo.