Nzoni Tënë so Luc asu na mbeti 1:53 - Mbeti ti Nzapa - Tënë so amu fini

⁵³ Lo mu anzoni ye mingi na azo so nzara asara ala si lo tumba azo ti mosoro, maboko ti ala senge.

Nzoni Tënë so Luc asu na mbeti 1:53 ပူးပေါင်းရင်းမြစ်များ

Abia (Psaumes) 146:7

Azo so asara ngangu na ala, lo yeke fâ ngbanga ti ala na legeni. Lo yeke mu kobe na azo so nzara asara ala, KOTA GBIA ayeke zi azo ti kanga.

Abia (Psaumes) 34:10

Ala azo so KOTA GBIA azia ala nde ndali ti lo, ala kpe mbeto ti lo! Biani, azo so ayeke kpe mbeto ti lo, ye ayeke tia ala pepe.

Ezekiel 34:29

Mbi yeke mu na ala yaka so azo ama sango ni ndali ti nzoni lengo ti lo. Na ya ti kodro ni, fade azo ayeke kiri ti kui nzara pepe; amara nde ayeke kiri ti zia kamene na le ti ala pepe.

Matthieu 5:6

Ti ala nzoni, ala so nzara ti sarango ye ti mbirimbiri ayeke sara ala tongana ti so nzara ti kobe na ti ngu ayeke sara zo, ngbanga ti so Nzapa ayeke mu ande na ala ye so be ti ala aye!

Nzoni Tënë so Luc asu na mbeti 1:54

Lo ga, lo mu maboko na azo ti Israel so ayeke azo ti kua ti lo; lo dabe ti lo na nzoni be ti lo

Nzoni Tënë so Luc asu na mbeti 6:21

Ti ala nzoni, ala so nzara ayeke sara ala fadeso, ngbanga ti so fade ya ti ala ayeke si! Ti ala nzoni, ala so ayeke toto fadeso, ngbanga ti so fade ala yeke he ngia!

Nzoni Tënë so Luc asu na mbeti 6:24

Me mawa na ala, azo ti mosoro, ngbanga ti so ala wara ye ti dengo be ti ala awe!

Jean 6:35

Jésus atene na ala: “Mbi laa mbi yeke mapa so ayeke mu fini na zo. Zo so aga na mbi, fade nzara ti kobe ayeke sara lo laoko pepe; zo so ama na be na mbi, fade nzara ti ngu ayeke sara lo laoko pepe.

1 Korente 1:26

A-ita, ala yeke azo so Nzapa airi ala, ala dabe ti ala na ndö ti ala wani: na lege ti bango ndo ti zo, azo ti ndara ayeke mingi na popo ti ala pepe, azo ti ngangu ayeke mingi pepe, azo so a du ala na ya ti anzoni sewa ayeke nga mingi pepe.

1 Korente 4:8

Ka so ala wara aye so kue ala ye ni awe so! Ka so ala ga azo ti mosoro awe so! Ala ga agbia awe si e ngba ti e asenge zo so ma? Ti be ti mbi, mbi ye titene ala ga agbia biani si e na ala kue, e le-gbia!

1 Samuel 2:5

Azo so ayeke te ye lani ya ti ala asi so, ala kiri ayeke gi kua ndali ti kobe ti yanga ti ala. Me azo so lani nzara ahon ndö ti ala, ala yeke wu tere ti ala fadeso. Wali so ya ti lo akanga lani, lo du fadeso amolenge mbarambara. Me wali so adu lani gba ti amolenge, lo yeke kiri ti du fadeso pepe.