Nzoni Tënë so Luc asu na mbeti 1:48 - Mbeti ti Nzapa - Tënë so amu fini

⁴⁸ ngbanga ti so lo baa mbi na nzoni le, mbi so mbi yeke senge zo ti kua ti lo. Biani, ti londo na azo ti fadeso ti gue na ni, fade azo ti angoi kue ayeke tene tënë ti mbi nzoni,

Nzoni Tënë so Luc asu na mbeti 1:48 ပူးပေါင်းရင်းမြစ်များ

Tongo nda ti aye 30:13

Lea atene: “So ngia na mbi! Fadeso awali alingbi ti tene: mbi yeke na ngia.” Lo di iri ti molenge ni Aser.

2 Samuel 7:8

Ti fadeso, mo tene na David, zo ti kua ti mbi, mo tene: Tënë so KOTA GBIA so ayeke na ndö ti dunia kue atene ayeke so: ‘Mbi laa mbi mu mo na ya ti ngonda, na peko ti ataba na angasa titene mo ga kota zo na ndö ti azo ti mbi, azo ti Israel.

Abia (Psaumes) 102:17

Na ndembe so KOTA GBIA ayeke kiri ti leke gbata ti Sion, azo ayeke baa lo na ya ti gonda ti lo.

Abia (Psaumes) 136:23

So ye ahon ndö ti e, lo dabe ti lo na e. – Biani, nzoni be ti lo angba kpu na kpu!

Abia (Psaumes) 138:6

Ataa so KOTA GBIA ayeke na nduzu kâ, lo yeke baa azo so asara tere ti ala kete, lo hinga zo ti baba, ataa so lo ngba yongoro kâ.

Abia (Psaumes) 72:17

Ayeke nzoni iri ti gbia ni angba lakue lakue, ague na nduzu na ngoi so kue lâ angba ti su. Ayeke nzoni azo asara tufa na ndö ti amba ti ala na iri ti lo si azo ti amara kue atene: “Ti lo nzoni!”

Ésaïe 66:2

Aye so kue, maboko ti mbi laa asara ni si abaa gigi, so tënë ti yanga ti mbi KOTA GBIA laa. Me zo ti mawa so be ti lo awoko, lo so lo ma tënë ti mbi si tere ti lo ayeke do, zo tongaso laa mbi yeke baa lo na nzoni le.

Malashii 3:12

Fade amara kue ayeke tene na ala: Ti ala nzoni, ngbanga ti so kodro ti ala ayeke ga kodro so aye ti nzoni mingi ayeke daa. Tënë so KOTA GBIA so ayeke na ndö ti dunia kue atene laa.”

Nzoni Tënë so Luc asu na mbeti 1:28

Ange ni asi na ndo so lo yeke daa si atene na lo: “Mbi bara mo-oo! Nzapa asara nzoni be na mo. *Kota Gbia ayeke na mo.”

Nzoni Tënë so Luc asu na mbeti 1:42

Lo dekongo ngangu, lo tene: “Nzapa asara tufa na ndö ti mo ahon awali kue, lo sara tufa na ndö ti Molenge so ayeke na ya ti mo!

Nzoni Tënë so Luc asu na mbeti 1:45

Ti mo nzoni, ngbanga ti so mo ma na be so ye ni ayeke si ande gi tongana ti so Kota Gbia atene tënë ni na mo!”

Nzoni Tënë so Luc asu na mbeti 1:49

ngbanga ti so Nzapa so ngangu ti lo ahon angangu kue, asara akota ye na mbi; iri ti lo ayeke nde si ayeke nzoni kue.

Nzoni Tënë so Luc asu na mbeti 11:27

So Jésus angba ti tene tënë so, mbeni wali na popo ti gba ti azo adekongo, atene: “Ti lo nzoni, wali so amu lani ngo ti mo si amu me na mo ti nyon ni so!”

1 Samuel 1:11

Lo mu zendo, lo tene: “KOTA GBIA, mo so mo yeke na ndö ti dunia kue, baa mawa ti mbi, zo ti gbe ti mo. Dabe ti mo na mbi, mo girisa mbi pepe. Mu na mbi molenge-koli, fade mbi kiri mbi mu lo na mo, KOTA GBIA titene lo sara kua na mo na lango ti fini ti lo kue. Fade a yeke kio kua ti li ti lo oko pepe.”

1 Samuel 2:8

Zo so ayeke na ngangu pepe si ayeke lango na ya ti fuku ti sese, KOTA GBIA laa ayeke mu lo na nduzu. Zo ti mawa so ayeke lango na ya ti azende, KOTA GBIA ayeke mu lo ti zia lo na popo ti akota zo. Lo yeke mu azo ti mawa ti zia ala na kota ndo. Agere ti sese ayeke ti KOTA GBIA; lo laa lo leke sese ni na ndö ni.