Nzoni Tënë so Luc asu na mbeti 1:36 - Mbeti ti Nzapa - Tënë so amu fini

³⁶ Baa, Élisabeth so ayeke zo ti sewa ti mo, lo so a iri lo ando wali ti dungo ni pepe so, lo mu ngo; ngo ti lo asara fadeso nze omene awe. Lo yeke du ande molenge-koli na mbakoro ti lo.

Nzoni Tënë so Luc asu na mbeti 1:36 ပူးပေါင်းရင်းမြစ်များ

Tongo nda ti aye 11:30

Sarai ayeke na molenge pepe, ngbanga ti so lo yeke wali ti dungo ni pepe.

Tongo nda ti aye 16:1

Sarai, wali ti Abram adu molenge na lo pepe. Me mbeni wali ti kodro ti Ezipte ayeke sara kua na Sarai, iri ti lo Agar.

Tongo nda ti aye 18:11

Abraham na Sara aga mbakoro awe; ngu ti ala ahon mingi si Sara ayeke baa ya ti lo mbeni pepe.

Tongo nda ti aye 21:2

Sara amu ngo si lo du molenge-koli na Abraham na ndembe so Abraham aga mbakoro awe. Sara adu molenge ni gi na ngoi so Nzapa afa na lo.

2 Agbia 4:17

Wali ni amu ngo si na ngu ti peko, gi na mara ti ngoi so, lo du molenge-koli alingbi na tënë so Élisée atene lani na lo.

Zo ti bongbingo azo 3:2

Ngoi ti dungo ayeke daa, ngoi ti kuâ ayeke daa; ngoi ti lungo ye ayeke daa, ngoi ti gbotongo ye so a lu ayeke daa.

Nzoni Tënë so Luc asu na mbeti 1:35

Ange ni akiri tënë na lo, atene: “Fade Yingo-Vuru ayeke ga na ndö ti mo si ngangu ti Nzapa, lo so lo yeke na yayu kâ na ndö ti aye kue ayeke duti na ndö ti mo tongana gbe ti de. Ndani laa molenge so mo yeke du lo ayeke ga zo so ayeke nde si ayeke nzoni kue; azo ayeke iri lo Molenge ti Nzapa.

Nzoni Tënë so Luc asu na mbeti 1:37

So ti fa atene, ye ti hon ngangu ti Nzapa ayeke daa pepe.”

Nzoni Tënë so Luc asu na mbeti 1:5

Na ngoi so ando Herode ayeke gbia ti Judée, mbeni wayango-sandaga ayeke daa, iri ti lo Zakarii. Lo yeke mbeni zo ti ya ti bongbi ti awayango-sandaga ti sewa ti Abia; iri ti wali ti lo ayeke Élisabeth; lo nga lo yeke mbeni *hale ti Aaron.

Ahebro 11:11

Na lege ti mabe, Sara awara nga lege ti du molenge, ataa so ngu ti lo ahon mingi. Lo hinga biani lo tene, tongana Nzapa amu zendo, lo yeke bata tënë ti yanga ti lo.