Nzoni Tënë so Luc asu na mbeti 1:17 - Mbeti ti Nzapa - Tënë so amu fini

¹⁷ Lo yeke tambula na dawa ti Nzapa, yingo ti wayanga-Nzapa Élie, na ngangu ti lo, ayeke duti na ndö ti lo si lo yeke leke songo na popo ti ababâ na amolenge ti ala. Lo yeke kiri ti leke be ti azo ti ngangu li si tënë ti be ti ala aga tongana ti azo ti mbirimbiri. Lo yeke sara tongaso ti leke azo so aleke tere ti ala ti ku Kota Gbia.”

Nzoni Tënë so Luc asu na mbeti 1:17 ပူးပေါင်းရင်းမြစ်များ

1 Agbia 17:1

Élie, zo ti kete kodro ti Tishebe, na sese ti Galaad atene na gbia Akab, atene: “*KOTA GBIA, Nzapa ti Israel ayeke na fini! Lo so mbi yeke sara na lo, mbi tene na mo: ‘Na ya ti angu so ayeke ga, ngu-Nzapa ayeke pika oko pepe, ataa ngu ti pere ayeke duti daa pepe, gi tongana mbi mu yanga si!’ ”

1 Agbia 18:18

Élie akiri tënë: “Mbi laa mbi ga na kpale na ndö ti Israel pepe; me mo na azo ti sewa ti mo. Biani, ala ke ti sara ye alingbi na andia ti *KOTA GBIA si ala gue ti voro anzapa *Baal.

1 Agbia 21:20

Élie ague, atene peko ti tënë ni na Akab si Akab atene na Élie: “Ae, wato ti mbi, mo kiri mo wara mbi awe!” Élie akiri tënë: “Taa-tënë, mbi kiri mbi wara mo, ngbanga ti so mo ka tere ti mo ti sara ye so ayeke sioni na le ti KOTA GBIA.

2 Agbia 1:16

Élie atene na gbia: “Tënë so KOTA GBIA atene ayeke so: ‘So mo tokua azo ti hunda Baal-Zebub, nzapa ti gbata ti Ekron so, ti mo, mo baa mo tene, Nzapa ayeke na Israel pepe titene azo ahunda lo? Ndali ti ye so mo sara so, gbogbo so mo lango daa so, fade mo yeke londo na ndö ni pepe. Mo yeke kui biani!’ ”

1 Mbai 29:18

KOTA GBIA, Nzapa ti akotara ti e Abraham, Isaac na Jacob, sara titene be ti azo ti mo so ala leke ti mu ye na mo angba gi tongaso si be ti ala angba lakue na mbage ti mo.

2 Mbai 29:36

Tere ti Ezekias na azo ti kodro kue anzere ndali ti ye so Nzapa asara ndali ti ala, ngbanga ti so a sara ye ni kue hio mingi.

Abia (Psaumes) 10:17

KOTA GBIA, mo ma ye so azo so asara tere ti ala kete aye; mo mu ngangu na be ti ala, mo zi mê ti mo, mo ma ala.

Abia (Psaumes) 111:10

Kpengo mbeto ti KOTA GBIA ayeke tongo nda ti dutingo na ndara. Azo so kue akpe mbeto ti lo ayeke azo ti hingango ndo. Gonda ti lo angba kpu na kpu.

Abia (Psaumes) 78:8

fade ala yeke sara ye tongana ti akotara ti ala pepe, akotara ti ala so ayeke ando azo ti ngangu li, azo ti kengo yanga, azo ti be use use, azo so abata yingo ti ala na Nzapa pepe.

Ésaïe 29:24

Azo so lani li ti ala aga kirikiri, fade ala yeke ga azo ti hingango ndo; azo so lani ayeke ke tënë mingi, ala yeke yeda titene a fa ye na ala.”

Amos 4:12

“Ndani laa Israel, baa lege so mbi yeke sara ande na mo laa! Ndali ti so mbi yeke sara ye tongaso na mo, Israel, leke tere ti mo ti tengbi na Nzapa ti mo!”

Matthieu 11:14

Tongana ala ye ti ma tënë ti mbi, mbi tene na ala: Jean laa ayeke biani Élie so a tene ando tënë ti gango ti lo so.

Matthieu 14:4

Lo kanga lo, ngbanga ti so Jean atene lani na lo, atene: “*Ndia amu lege na mo pepe titene mo mu Herodiade ti ga wali ti mo!”

Matthieu 3:3

Jean ayeke zo so wayanga-Nzapa Ésaïe atene tënë ti lo ando, atene: “Mbeni zo ayeke dekongo na benyama kâ, atene: ‘Ala leke lege ti *Kota Gbia! Ala sara si lege ti lo aluti mbirimbiri!’ ”

Matthieu 3:4

Jean ayu bongo so a sara ni na kua ti tere ti *zambala, lo kanga kamba ti poro ti nyama na ya ti lo, kobe ti lo ti tengo ni ayeke angadi na mafuta ti awotoro ti ngonda.

Nzoni Tënë so Luc asu na mbeti 1:16

Lo yeke mu azo ti Israel mingi ti kiri na ala na Kota Gbia, Nzapa ti ala.

Nzoni Tënë so Luc asu na mbeti 1:76

Me ti mo, kete molenge, fade azo ayeke iri mo wayanga-Nzapa ti lo so lo yeke na yayu kâ na ndö ti aye kue, ngbanga ti so fade mo yeke tambula na dawa ti Kota Gbia ti leke lege ti lo.

Jean 1:13

Ala ga amolenge ti Nzapa na lege so Nzapa laa adu ala, me na lege ti dungo so zo adu na ni pepe wala na lege so be ti zo aye pepe.

Jean 1:34

Mbi Jean, mbi baa ye so, nilaa mbi tene na azo kue, mbi tene: koli so ayeke Molenge ti Nzapa.”

Jean 3:28

Ala yeke lani daa si mbi tene: ‘Mbi yeke *Mesii pepe, me a tokua mbi ti ga kozo ti lo.’

Awatokua 10:33

Nilaa mbi tokua azo hio ti iri mo si mo sara nzoni be, mo ga so. Fadeso, e kue, e yeke ge na dawa ti Nzapa, e yeke ku ti ma tënë so Kota Gbia amu yanga na mo ti tene na e.”

Rome 9:23

tongaso si lo fa kota gonda ti lo na azo so lo baa mawa ti ala; azo ni ayeke azo so lo leke ala kozoni ndali ti gonda ni.

Kolose 1:12

Na ngia na be, ala mu singila na Nzapa Babâ so asara si ala lingbi ti wara anzoni ye so lo leke ndali ti azo ti lo na ya ti lumiere.

2 Timothée 2:21

Zo so azia lege ti sarango aye ti sioni so mbi yeke tene tënë ni so, fade lo yeke ga tongana sembe so a bata ni ndali ti alango ti matanga, lo yeke ga tongana sembe so a zia ni nde titene wa ni asara na kua na ndembe so lo ye ti sara nzoni ye kue.

1 Pierre 2:9

Me ti ala, ala yeke azo ti mara so Nzapa asoro ala awe, awayango-sandaga ti Gbia, azo ti mara so ayeke nde si ayeke nzoni kue, azo so Nzapa amu ala ti ga azo ti lo wani titene ala fa tënë ti akota ye so lo sara. Lo iri ala ti sigigi na ya ti vukongo ndo si ala duti na ya ti lumiere ti lo so ayeke do be ti zo.

1 Jean 2:28

Tongaso, amolenge ti mbi, ala ngba ti duti oko na Christ, tongaso si na lango ti gango ti lo, be ti e ado pepe, e duti yongoro na lo pepe si kamene agbu e na lango ni so pepe.

Aye so Nzapa afa 20:4

Na pekoni, mbi baa ambata ti gbia. Azo so aduti na ndö ni, a mu na ala ngangu ti fâ ngbanga. Mbi baa nga yingo ti ala so azo afâ go ti ala ndali ti so ala sara ye alingbi gi na taa-tënë so Jésus afa nga na tënë ti Nzapa. Ala ke ti voro nyama ni wala limo so akpa nyama ni, ala yeke na nzoroko ti nyama ni na ndö ti le ti ala wala na ndö ti maboko ti ala pepe. Ala kiri na fini si ala na Christ abongbi ale-gbia na ya ti ngu saki oko.

1 Samuel 7:5

Samuel atene: “Ala bongbi azo ti Israel kue na Mispa. Fade mbi yeke sambela KOTA GBIA ndali ti ala.”