Nzoni Tënë so Luc asu na mbeti 1:15 - Mbeti ti Nzapa - Tënë so amu fini

¹⁵ Biani, fade lo yeke ga kota na le ti Kota Gbia; lo yeke nyon vin wala samba pepe; Yingo-Vuru ayeke si lo gi na ya ti mama ti lo.

Nzoni Tënë so Luc asu na mbeti 1:15 ပူးပေါင်းရင်းမြစ်များ

Tongo nda ti aye 12:2

Mbi yeke sara titene mbeni kota mara abaa gigi na lege ti mo. Mbi yeke sara tufa na ndö ti mo si mbi yeke sara nga titene iri ti mo awu. Mo yeke ga zo so na lege ti lo, a yeke sara tufa na ndö ti azo.

Tongo nda ti aye 48:19

Babâ ti lo ni ake si atene: “Mbi hinga, molenge ti mbi! Mbi hinga! Fade ahale ti Manase ayeke ga kota mara. Lo nga lo yeke ga kota zo. Me ngambe ti lo ayeke ga kota ahon lo. Fade ahale ti ngambe ni ayeke ga amara mingi mingi.”

1 Mbai 17:8

Na ndo so kue mo gue daa, mbi yeke fade na mo, mbi fâ awato ti mo kue na dawa ti mo. Fade mbi yeke sara titene iri ti mo awu tongana ti akota zo ti sese so.

1 Mbai 29:12

Mosoro na gonda alondo na mo; mo laa mo yeke na komandema na ndö ti aye kue. Ngangu na komandema ayeke na maboko ti mo; mo yeke na ngangu ti zia zo na kota ndo nga ti kpengba zo.

Abia (Psaumes) 22:9

Ala tene: “Lo zia be ti lo na ndö ti *KOTA GBIA! Ka KOTA GBIA ni azi lo e baa ma! So KOTA GBIA aye lo mingi so, ka lo zi lo na ya ti ye ti sioni ma!”

Jérémie 1:5

“Kozo titene mbi sara mo na ya ti mama ti mo, mbi hinga mo. Kozo titene mo sigigi na ya ti mama ti mo, mbi zia mo nde ndali ti mbi. Mbi zia mo nde titene mo duti zo ti tenengo peko ti atënë ti yanga ti mbi na amara nde.”

Jérémie 35:6

Me ala kiri tënë: “E yeke nyon vin pepe, ngbanga ti so kotara ti e Yonadab, molenge ti Rekab amu yanga na e, atene: ‘Fade ala yeke nyon vin oko pepe, ataa ala, ataa amolenge ti ala.

Awayango-sandaga 10:9

“Mo na amolenge ti mo, tongana ala ye ti gue na ya ti da ti bongo so KOTA GBIA na azo ti lo ayeke wara tere daa, ala nyon vin pepe, wala ngangu samba pepe. Tongaso pepe, fade ala yeke kui. Ndia so ayeke ngba ngu na ngu ndali ti *ahale ti ala ti angoi kue.

Zakarii 9:15

Fade KOTA GBIA so ayeke na ndö ti dunia kue ayeke bata azo ti lo. Azo ti lo ni ayeke kinda awato ti ala tongana ti so zo ayeke zia têne na ya ti *mvingi ti bi ni; ala yeke nyon mene ti awato ti ala tongana ti so zo ayeke nyon vin; mene ni ayeke si ya ti ala tongana mene ti anyama so a tuku na ya ti kopo si a yeke fi na ndö ti adidi osio ti gbalaka.

Nzoni Tënë so Luc asu na mbeti 1:14

Molenge ni ayeke zia ngia mingi na be ti mo, tere ti mo ayeke nzere si be ti azo mingi ayeke nzere ndali ti dungo lo.

Nzoni Tënë so Luc asu na mbeti 7:28

Mbi tene na ala: na popo ti azo so awali adu ala, mbeni oko so ayeke kota ahon Jean-Baptiste ayeke daa pepe; me ndangba zo ti ya ti *Kodro-gbia ti Nzapa ayeke kota ahon lo.”

Nzoni Tënë so Luc asu na mbeti 7:33

Jean-Baptiste aga, lo ke ti te kobe si lo ke nga ti nyon vin, me ala tene: ‘Sioni yingo ayeke na ya ti lo!’

Jean 5:35

Jean ayeke lani tongana lamba so aza si ndo avuru. Ala azo, ala yeda ti sara ngia kete na gbe ti wâ ni.

Awatokua 2:4

Ala kue asi na Yingo-Vuru si ala to nda ti tene tënë na ayanga nde nde tongana ti so Yingo amu na ala lege ti tenengo ni.

Galasii 1:15

So mbi de na ya ti mama ti mbi, Nzapa azia mbi nde, lo iri mbi na lege ti nzoni be ti lo. Na ndembe so Nzapa aye

Efeze 5:18

Ala nyon samba ahon ndö ti ala pepe: nyongo samba ahon ndoni ayeke buba gigi ti ala; me ala zia lege na Yingo-Vuru ti si ala singo.

Josué 3:7

KOTA GBIA atene na Josué: “Ti londo na lango ti laso, mbi yeke sara titene mo ga kota na le ti azo ti Israel kue; tongaso, fade ala yeke hinga atene, mbi yeke na mo tongana ti so mbi yeke ando na Moïse so.

Josué 4:14

Na lango ni so, KOTA GBIA asara si Josué aga kota na le ti azo ti Israel kue. Na lango so kue lo ngba na fini, ala ne lo tongana ti so ala ne ando Moïse.