Kolose 4:6 - Mbeti ti Nzapa - Tënë so amu fini

⁶ Ayeke nzoni atënë ti yanga ti ala anzere nzerengo, asara nzoni na zo; ala hinga ti kiri tënë na zo na legeni.

Kolose 4:6 ပူးပေါင်းရင်းမြစ်များ

1 Mbai 16:24

Ala tene tënë ti gonda ti lo na amara nde, ala tene tënë ti akota ye so lo sara na popo ti azo kue.

Abia (Psaumes) 105:2

Ala he bia na lo, ala pika mozoko na lo; ala tene tënë ti aye ti kpene so kue lo sara!

Abia (Psaumes) 119:13

Mbi diko na yanga ti mbi atënë ti ngbanga so kue mo fâ.

Abia (Psaumes) 119:46

Na dawa ti agbia, mbi yeke tene tënë ti aye so mo hunda; kamene ayeke sara mbi pepe.

Abia (Psaumes) 45:2

Be ti mbi asi singo na anzoni tënë ti tenengo ni; mbi yeke he nzoni bia ti mbi na gbia. Ayeke nzoni yanga ti mbi ayapu na bia ni tongana keke ti mbeti ti zo so ahinga ti su mbeti nzoni.

Abia (Psaumes) 66:16

Ala so kue ayeke kpe mbeto ti Nzapa, ala ga, ama; fade mbi yeke fa na ala ye so lo sara ndali ti mbi.

Amato 10:21

Atënë ti zo ti mbirimbiri ayeke sara nzoni na gba ti azo; me azo ti buba ayeke kui, ngbanga ti so li ti ala ayeke daa pepe.

Amato 15:4

Tënë so ayeke mu ngangu na be ti zo ayeke tongana keke so ayeke mu fini na zo; tënë ti handa asara si be ti zo afun.

Amato 15:7

Atënë ti zo ti ndara ayeke mu lege na zo ti hinga ye; me gbungo-li ti zo ti buba ayeke mbeni ye nde!

Zo ti bongbingo azo 10:12

Tënë ti yanga ti zo ti ndara anzere na be ti azo; me tënë ti yanga ti zo ti buba afâ lo.

Ezekiel 43:24

Mo yeke ga na ala na dawa ti mbi, KOTA GBIA; awayango-sandaga ayeke tuku ingo kete kete na ndö ni si ala gbi ni kue na wâ na mbi, KOTA GBIA.

Awayango-sandaga 2:13

“Asandaga so kue ala yeke mu ni, fade ala yeke zia ingo daa. Ala girisa ti zia ingo daa laoko pepe, ngbanga ti so ingo ni ayeke tongana mbuki so ayeke na popo ti ala na Nzapa. Nilaa, na ya ti asandaga ti ala kue, fade ala yeke zia ingo daa.

Matthieu 5:13

“Ala laa ayeke ingo ti sese so. Me tongana nzerengo ti ingo ahon awe, fade zo ayeke sara tongana nyen ti kiri na ni daa? Mbeni ye ti sara na ni ayeke daa pepe; alingbi gi titene a tuku ni na gigi si azo ado ni na gere ti ala.

Marc 9:50

“Ingo ayeke nzoni ye; me tongana nzerengo ti ingo ni ahon awe, fade zo ayeke sara tongana nyen ti kiri na ni daa? Ayeke nzoni ala yeke na ingo na ya ti fini ti ala si ala duti na siriri na amba ti ala.”

Nzoni Tënë so Luc asu na mbeti 4:22

Ala kue ayeke gonda lo; li ti ala kue akpe ndali ti tënë ti nzoni be so ayeke sigigi na yanga ti lo. Ala hunda ndo, atene: “Molenge ti Joseph so laa pepe?”

Efeze 4:29

Alingbi sioni tënë oko asigigi na yanga ti ala pepe. Me tongana lege ayeke daa, ala tene gi nzoni tënë so alingbi ti mu lege na amba ti ala ti kpengba si asara nzoni na azo so ayeke ma ala.

Ndia ti fani use ni 11:19

Fade ala yeke fa ni na amolenge ti ala. Ala yeke tene tënë ni na amolenge ni na ndembe so ala duti na yanga ti da ti ala nga na ndembe so ala yeke tambula na lege, na ndembe so ala gue ti lango nga na ndembe so ala zingo na lango.

Kolose 3:16

Ayeke nzoni tënë ti Christ so anzoni ye asi singo daa aduti na ya ti fini ti ala. Ala fa ye si ala mu wango na amba ti ala na popo ti ala na lege ti ndara kue. Ala he abia na Nzapa na be ti ala kue ti mu singila na lo, ala he abia ti Mbeti ti Nzapa, abia ti vorongo Nzapa na abia so Yingo ayeke mu na ala.

1 Pierre 3:15

Na be ti ala, ala ne Christ, *Kota Gbia ti ala. Ala duti lakue nduru ti kiri tënë na azo so ayeke hunda na ala tënë na ndö ti ye so ala zia be ti ala ti ku.