Kolose 4:18 - Mbeti ti Nzapa - Tënë so amu fini

¹⁸ Mbi Paul, mbi wani laa, mbi su atënë so: mbi bara ala. Ala dabe ti ala so mbi yeke na da ti kanga! Ayeke nzoni Nzapa asara nzoni be na ala!

Kolose 4:18 ပူးပေါင်းရင်းမြစ်များ

Rome 16:20

Nzapa so ayeke mu siriri na zo aga nduru ti nika Satan na gbe ti gere ti ala awe. Ayeke nzoni Kota Gbia ti e Jésus asara nzoni be na ala!

Rome 16:22

Mbi Tersius, zo ti sungo mbeti so, mbi bara ala na iri ti Kota Gbia.

Rome 16:23

Gaius so ayamba mbi na da ti lo abara ala; azo ti *Eglize ayeke bongbi na da ti lo. Eraste, wabatango-nginza ti gbata ni, lo na Kartus, ita ti e, abara ala. [

1 Korente 16:21

Mbi Paul, mbi wani laa mbi su atënë so: mbi bara ala.

Filipe 1:7

So ayeke na legeni titene be ti mbi angba na ndö ti ala, ngbanga ti so tënë ti ala agbu be ti mbi mingi. Biani, ala kue awara nga aye so Nzapa amu na mbi na lege ti nzoni be ti lo, ataa fadeso mbi yeke na da ti kanga, wala na ngoi so mbi yeke lani na da ti kanga pepe si mbi yeke gbu koko ti Nzoni Tënë titene azo ama na be na ni na be ti ala kue.

Kolose 4:3

Ala sambela nga mingi ndali ti e, tongaso si Nzapa azi na e lege ti fa tënë ti lo, ti fa tënë ti Christ so angba na hondengo ni. Biani, ndali ti tënë so laa mbi yeke na da ti kanga.

2 Tesalonike 3:17

Mbi Paul, mbi wani, mbi su atënë so: mbi bara ala. Lege so mbi yeke su maboko na gbe ti ambeti ni oko oko kue laa; lege ti sungo mbeti ti mbi laa.

1 Timothée 6:21

Ambeni zo ayeda na atënë ni so si ala zia lege ti mabe. Ayeke nzoni Nzapa asara nzoni be na ala!

2 Timothée 1:8

Tongaso, ye so mo hinga na ndö ti *Kota Gbia ti e, ayeke nzoni mo sara kamene ti fa peko ni na azo pepe; mo sara nga kamene ti mbi pepe, mbi so mbi yeke na da ti kanga ndali ti lo so. Me mo baa pasi ndali ti Nzoni Tënë tongana ti so mbi yeke baa pasi so, mo zia be ti mo na ndö ti ngangu ti Nzapa.

2 Timothée 4:22

Ayeke nzoni *Kota Gbia aduti na mo! Ayeke nzoni Nzapa asara nzoni be na ala!

Tite 3:15

Azo so kue ayeke na tere ti mbi ge abara mo. Mo bara amba ti e so e na ala, e ye tere si ala ma na be tongana e so. Ayeke nzoni Nzapa asara nzoni be na ala kue!

Ahebro 13:25

Ayeke nzoni Nzapa asara nzoni be na ala kue!

Ahebro 13:3

Ala dabe ti ala na azo so ayeke na da ti kanga, ala baa tere ti ala tongana azo so ayeke nga na da ti kanga oko na azo ni. Ala dabe ti ala na azo so a yeke sara sioni na ala, ngbanga ti so ala nga, a-ita, ala yeke na tere tongana ti azo so a yeke sara sioni na ala so.