Kolose 4:17 - Mbeti ti Nzapa - Tënë so amu fini

¹⁷ Ti hunzi na tënë ti mbi, ala tene na Arshipe: “Sara hange na kua so Kota Gbia amu na mo! Mo sara ni nzoni.”

Kolose 4:17 ပူးပေါင်းရင်းမြစ်များ

2 Mbai 29:11

Amolenge ti mbi, fadeso ala kiri asara mbana pepe, ngbanga ti so ala laa KOTA GBIA asoro ala titene ala luti na dawa ti lo ti sara kua na lo, ti ga azo ti kua ti lo nga ti zö dukani na lo.”

Awayango-sandaga 10:3

Moïse atene na Aaron: “KOTA GBIA atene lani tongaso: ‘Azo so ayeke ga nduru na mbi, mbi ye si ala hinga atene, mbi yeke nde si mbi yeke nzoni kue; mbi ye si ala gonda mbi na le ti azo kue.’ ” Aaron aduti gi kpoo, lo zi yanga oko pepe.

Wungo ti azo 18:5

Mo na amolenge ti mo, ala laa ayeke sara kua na ndo so ayeke nde si ayeke nzoni kue nga na kua ti gbalaka ni. Tongaso si ngonzo ti mbi akiri ati na ndö ti azo ti Israel pepe.

Matthieu 25:17

Lo so lo wara ale ti lôro ngbangbo use so asara nga legeoko tongaso si lo wara ambeni le ti lôro ngbangbo use na ndö ni.

Awatokua 1:17

Judas ayeke lani na popo ti e si a mu na lo mbage ti kua so e yeke sara so titene lo sara.

Awatokua 14:23

Paul na Barnabas asoro *akangba si azia ala na li ti *a-Eglize ni oko oko kue. Na peko ti so ala ke kobe si ala sambela, ala zia akangba ni na maboko ti *Kota Gbia, lo so ala ma na be na lo.

Awatokua 20:28

Ala sara hange na lege ti dutingo ti ala, ala bata nzoni ataba so Yingo-Vuru azia na maboko ti ala. Ala bata nzoni azo ti Eglize so Nzapa asoro ala na lege ti mene ti molenge ti lo.

Efeze 4:11

Lo laa lo mu amatabisi na azo; lo mu lege na ambeni ti ga *awatokua, wala awayanga-Nzapa, wala azo ti fango Nzoni Tënë, wala azo ti batango azo ti *Eglize wala awafango-ye.

1 Timothée 4:14

Matabisi so Nzapa amu na mo, mo sara mbana na ni pepe. Mo wara matabisi ni lani na peko ti tënë ti yanga ti Nzapa na ngoi so bongbi ti *akangba azia maboko ti ala na ndö ti mo.

1 Timothée 4:16

Mo baa lege ti dutingo ti mo wani nzoni, mo baa nga lege ti fango ye ti mo nzoni; mo ngba daa lakue. Biani, tongana mo sara tongaso, fade mo yeke soo tere ti mo wani na kuâ si mo yeke soo nga azo so kue ayeke ma mo.

1 Timothée 4:6

Tongana mo fa atënë so kue na a-ita, azo ti Christ, fade mo yeke ga nzoni zo ti kua ti Jésus Christ. So afa atene, mo yeke kpengba na lege ti atënë ti mabe nga na lege ti nzoni fango ye so mo yeda ti mu peko ni.

1 Timothée 6:20

Timothée, mo bata ye so Nzapa azia na maboko ti mo so nzoni. Mo kpe lege ti asenge senge tënë so asongo na mabe pepe, mo kpe nga lege ti atënë ti mvene ti azo so abaa ti ala atene, ala hinga aye ti nda ti gigi so.

2 Timothée 1:6

Ndani laa, mbi dabe ti mo: mo sara si matabisi so Nzapa amu na mo angba lakue ti mai, matabisi so mo wara ando na ndembe so mbi zia maboko na ndö ti mo.

2 Timothée 2:2

Ye so mo ma na yanga ti mbi na le ti azo mingi, mo zia na maboko ti azo so alingbi ti bata ni mbirimbiri, ala so alingbi ti kiri ti fa ni na ambeni zo.

Philémon 1:2

E tokua nga mbeti so na ita ti e ti wali Apia, lo na Arshipe, mba ti e so abongbi na e ti tiri bira; e tokua nga mbeti so na azo ti *Eglize so ayeke bongbi na da ti mo.