Kolose 3:4 - Mbeti ti Nzapa - Tënë so amu fini

⁴ Christ ayeke fini ti ala. Na lango so lo yeke si, fade ala nga, ala yeke si legeoko na lo ti duti na ya ti gonda ti lo.

Kolose 3:4 ပူးပေါင်းရင်းမြစ်များ

Abia (Psaumes) 17:15

Ti mbi, fade mbi yeke baa le ti mo, ngbanga ti so mbi yeke mbirimbiri. Tongana mbi zingo na lango, mbi yeke baa le ti mo, mbi yeke baa ni ngbii be ti mbi ade.

Abia (Psaumes) 73:24

mo yeke fa lege na mbi alingbi na ye so mo leke na be ti mo, na pekoni, fade mo yeke yamba mbi na gonda.

Matthieu 13:43

Me fade azo ti mbirimbiri ayeke za zango tongana lâ na ya ti Kodro-gbia ti yayu, lo so lo yeke Babâ ti ala. Zo so ayeke na mê ti mango ndo, ayeke nzoni lo ma tënë so!”

Nzoni Tënë so Luc asu na mbeti 17:30

Fade ye ni ayeke duti nga tongaso na lango so Molenge ti Zo ayeke si na le ti azo.

Jean 11:25

Jésus atene na lo: “Mbi yeke zingongo ti akuâ, mbi yeke fini. Zo so ama na be na mbi, ataa lo kui, fade lo yeke duti na fini.

Jean 14:3

Tongana mbi gue, mbi leke ndo na ala awe, fade mbi yeke kiri ti mu ala na tere ti mbi si ala nga, ala duti na ndo so mbi yeke duti daa.

Jean 14:6

Jésus akiri tënë na lo: “Mbi yeke lege ni, taa-tënë na fini. Zo oko alingbi ti gue na Babâ na mbeni lege nde pepe, gi na lege ti mbi.

Jean 17:24

Babâ, mo laa mo mu ala na mbi. Mbi ye titene ala duti na mbi na ndo so mbi yeke daa si ala baa gonda so mo gonda na mbi, ngbanga ti so mo ye mbi kozo si dunia abaa gigi.

Jean 20:31

Me ti ambeni ye ti kpene so a su tënë ni na mbeti so, a su ni titene ala ma na be so, Jésus ayeke *Mesii, Molenge ti Nzapa. Tongana ala ma na be, fade ala yeke duti na fini na lege ti lo.

Awatokua 3:15

Ala fâ Makonzi so ayeke mu fini na zo, me Nzapa azingo lo na kuâ; e wani, e baa ni na le ti e.

Rome 8:18

Mbi baa mbi tene, apasi so e yeke baa laso so, a lingbi ti haka ni na gonda ti Nzapa pepe, gonda so lo yeke fa ni na le ti e gbanda so.

Rome 8:19

Aye so kue Nzapa asara ayeke na nzara mingi ti ku ti baa amolenge ti Nzapa so lo yeke fa ande ala polele.

1 Korente 1:7

Nilaa, mbeni matabisi ti Yingo oko atia ala pepe, ala so ayeke ku singo ti Jésus Christ, *Kota Gbia ti e.

1 Korente 15:43

Tere so a lu ni, ayeke tere so zo ayeke na nzara ti baa ni pepe; tere so a zingo ni na kuâ, ayeke tere so a yeke gonda ni; tere so a lu ni, ayeke tere so awoko; tere so a zingo ni na kuâ ayeke tere so ayeke na ngangu.

2 Korente 4:17

Pasi so e yeke baa fadeso ayeke gi ndali ti kete ngoi. Pasi ni ayeke leke e ndali ti kota gonda so ayeke ngba lakue lakue si ayeke kota ahon ndoni.

Galasii 2:20

Nilaa, mbi laa mbi yeke na fini mbeni pepe, me Christ laa ayeke na fini na ya ti mbi. Na dutingo ti mbi ti zo, mbi yeke duti fadeso na fini gi na lege ti mabe so mbi yeke na ni na Molenge ti Nzapa, lo ye mbi si lo ka tere ti lo na kuâ ndali ti mbi.

Filipe 3:21

Lo laa lo yeke mu tere ti e so ayeke tere ti pasi ti sara ni alingbi na tere ti lo ti gonda. Lo yeke sara tongaso na lege ti ngangu so lo yeke na ni ti sara si aye kue aduti na gbe ti komandema ti lo.

1 Tesalonike 4:17

Na pekoni, e so e yeke ngba ande na fini, fade a yeke mu e na ala kue ti gue na e na ya ti ambinda titene e tengbi na Kota Gbia na nduzu kâ. Tongaso, e yeke duti na tere ti Kota Gbia lakue lakue.

1 Timothée 6:14

Mo bata lege ti tënë ti yanga ti mbi nzoni si zo awara mbeni ye ti sioni wala mbeni tënë na li ti mo pepe; mo bata ni ngbii *Kota Gbia ti e Jésus Christ akiri.

2 Timothée 1:1

Mbi Paul, so Nzapa ayeda ti mu mbi tongana *watokua ti Jésus Christ titene mbi fa tënë ti fini so Nzapa amu zendo ni na e si e wara ni na lege so e ga oko na Jésus Christ.

2 Timothée 4:8

Ti fadeso, Nzapa abata na mbi nzoni ye so a yeke mu na zo so aso benda. Lo leke nzoni ye ni ndali ti azo ti mbirimbiri, fade *Kota Gbia so ayeke wafango-ngbanga ti mbirimbiri ayeke mu ni na mbi na lango ti ndani; lo yeke mu nzoni ye ni gi na mbi oko pepe, me lo yeke mu ni nga na azo so kue aye tënë ti gango ti lo.

Tite 2:13

si e zia be ti e ti ku nzoni lango so fade e yeke baa kota Nzapa ti e na Wasongo e, Jésus Christ, na ya ti gonda ti lo.

Ahebro 9:28

Legeoko nga, Christ amu tere ti lo na sandaga fani oko titene lo zi siokpari ti azo mingi. Ti fani use ni, lo yeke kiri ti ga ti zi siokpari ti azo pepe, me ti soo azo so kue ayeke ku lo.

1 Pierre 1:13

Ndani laa, ala leke be ti ala ti sara kua, le ti ala akpengba si ala zia be ti ala kue ti ku anzoni ye so ala yeke wara ande na ndembe so Jésus Christ ayeke si.

1 Pierre 5:4

Tongana Makonzi ti azo ti batango azo ti Nzapa asi, fade ala yeke wara nzoni ye ti peko ni so ayeke na gonda si pendere ni ayeke hon oko pepe.

1 Jean 2:28

Tongaso, amolenge ti mbi, ala ngba ti duti oko na Christ, tongaso si na lango ti gango ti lo, be ti e ado pepe, e duti yongoro na lo pepe si kamene agbu e na lango ni so pepe.

1 Jean 3:2

A-ita ti mbi so mbi ye ala mingi, fadeso e yeke amolenge ti Nzapa, me dutingo ti e ti gbanda angba na hondengo ni. Me e hinga, e tene, tongana Christ asi ande, e yeke ga tongana lo, ngbanga ti so e yeke baa taa lo wani.

1 Jean 5:12

Zo so ayeke na Molenge ni, lo yeke na fini; zo so ayeke na Molenge ti Nzapa pepe, lo yeke na fini pepe.

Jude 1:24

Nzapa so alingbi ti bata ala si ala ti pepe, lo lingbi ti sara si ala ga nzoni kue, ala si na gbe ti gonda ti lo na ngia.

Aye so Nzapa afa 2:7

“Zo so ayeke na mê ti mango ndo, ayeke nzoni lo ma tënë so Yingo ayeke tene na a-Eglize! “Zo so aso benda, fade mbi yeke mu na lo lege ti te le ti keke so ayeke mu fini na zo si ayeke na ya ti *paradi ti Nzapa.”

Aye so Nzapa afa 22:1

Na pekoni, *ange ni afa na mbi kota *bale so ayeke mu fini na zo; zo ayeke baa ndo na ya ti bale ni kue. Ngu ni alondo na mbage ti mbata ti Gbia Nzapa na ti Molenge ti Taba si ayeke sigigi.

Aye so Nzapa afa 22:14

Ti ala nzoni, ala so asukula bongo ti ala avuru, tongaso si ala wara lege ti te lengo ti keke so ayeke mu fini na zo si ala wara nga lege ti li na ayanga ti gbagba ni ti gue na ya ti gbata ni.