Kolose 3:24 - Mbeti ti Nzapa - Tënë so amu fini

²⁴ Ayeke nzoni ala hinga atene, Kota Gbia ayeke futa ande ala; so ti tene ala yeke wara anzoni ye so Kota Gbia ayeke bata ni ndali ti azo ti lo. Taa Gbia so ala yeke sara kua na lo ayeke Christ.

Kolose 3:24 ပူးပေါင်းရင်းမြစ်များ

Tongo nda ti aye 15:1

Na peko ti aye so, tënë ti KOTA GBIA asi na Abram na lege ti mbeni ye tongana bango-li si atene na lo: “Sara mbeto pepe, Abram. Mbi laa mbi yeke *vala ti mo. Ye so mo yeke wara ande na peko ti ye so mo sara ayeke kota mingi.”

Amato 11:18

Futa so zo ti sioni awara ayeke senge ye; me zo so asara ye ti mbirimbiri, lo yeke wara nzoni ye na peko ni biani.

Matthieu 10:41

Zo so ayamba wayanga-Nzapa ndali ti so lo yeke wayanga-Nzapa, fade lo yeke wara nzoni ye so wayanga-Nzapa ayeke wara; zo so ayamba zo ti mbirimbiri ndali ti so lo yeke mbirimbiri, fade lo yeke wara nzoni ye so zo ti mbirimbiri ayeke wara.

Matthieu 5:12

Ayeke nzoni be ti ala anzere, ala duti na ngia, ngbanga ti so futa ti ala ayeke ande kota na yayu. Biani, gi tongaso laa azo asara ando ngangu na awayanga-Nzapa so ayeke kozoni na ala.”

Matthieu 5:46

Tongana ala ye gi azo so aye ala, nzoni ye ti nyen laa ala yeke wara na pekoni? Azo ti rongo nginza ti lapo ayeke sara nga gi tongaso pepe?

Matthieu 6:16

“Tongana ala yeke ke kobe ti sambela, ala duti na vundu pepe tongana ti azo so tënë ti yanga ti ala ayeke nde na sarango ye ti ala: azo ni ayeke sara le ti ala kirikiri ti fa na azo atene, ala yeke ke kobe ti sambela. Mbi tene na ala taa-tënë: azo ni awara ti ala futa ni awe.

Matthieu 6:5

“Tongana ala yeke sambela, ala sara tongana azo so tënë ti yanga ti ala ayeke nde na sarango ye ti ala so pepe: azo ni aye ti luti na nduzu ti sambela na ya ti ada ti sambelango Nzapa nga na asangbi-lege titene azo abaa ala. Mbi tene na ala taa-tënë: azo ni awara futa ti ala awe.

Nzoni Tënë so Luc asu na mbeti 14:14

Fade mo yeke duti na ngia, ngbanga ti so ala yeke na ye ti kiri na ni na mo pepe. Me Nzapa ayeke kiri ni ande na mo na ngoi so azo ti mbirimbiri ayeke zingo na kuâ.”

Nzoni Tënë so Luc asu na mbeti 6:35

Me ala ye awato ti ala, ala sara nzoni na azo! Ala sara boon na azo, me ala ku ti wara mbeni ye na peko ni pepe. Tongaso si ala yeke wara ande kota ye ti nzoni na pekoni si ala yeke duti amolenge ti Nzapa so ayeke na yayu kâ na ndö ti aye kue. Nzapa ayeke sara nzoni na azo so ahinga ti mu singila pepe nga na azo ti sioni.

Jean 12:26

Zo so aye ti sara kua na mbi, alingbi lo mu peko ti mbi si ndo so mbi yeke daa, lo nga lo yeke daa. Fade Babâ ti mbi ayeke ne zo so ayeke sara kua na mbi.”

Awatokua 20:32

“Fadeso, mbi zia ala na maboko ti Nzapa, mbi zia nga ala titene tënë ti nzoni be ti lo abata ala. Nzapa ayeke na ngangu ti kpengba ala, ti mu na ala anzoni ye so kue lo bata ni ndali ti azo ti lo.

Rome 1:1

Mbi Paul, zo ti kua ti Jésus Christ, mbi yeke *watokua so Nzapa airi mbi si lo zia mbi nde titene mbi fa Nzoni Tënë ti lo na azo.

Rome 14:18

Zo so ayeke sara kua na Christ tongaso, lo yeke nzoni na le ti Nzapa si azo ayeda na tënë ti lo.

1 Korente 11:23

Ti mbi, tënë so mbi ma na yanga ti Kota Gbia si mbi fa na ala ayeke so: na bi so ala ka lo, Kota Gbia Jésus amu mapa,

1 Korente 3:8

Zo so alu ye na zo so atuku ngu na ndö ni, ala kue ayeke gi legeoko. Fade Nzapa ayeke mu na zo oko oko futa ti lo alingbi na kua so lo sara.

1 Korente 7:22

Biani, zo so ayeke ngbaa si Kota Gbia airi lo, andaa Kota Gbia azi lo na gbe ti ngbaa ni awe. Zo so ayeke ngbaa pepe si Kota Gbia airi lo, lo ga ngbaa ti Christ awe.

Galasii 1:10

Mbi yeke gi lege fadeso titene azo agonda mbi? Oko pepe, mbi ye titene Nzapa laa agonda mbi. Mbi yeke gi ti ga nzoni na le ti azo? Tongana mbi yeke gi fade titene azo agonda mbi, andaa mbi yeke zo ti kua ti Christ pepe.

Efeze 6:6

Ala sara kua ni gi ndali ti le ti awa ti ala pepe, mo baa mo tene, ala yeke gi ti ga nzoni na le ti azo; me ala sara kua ni tongana angbaa ti Christ so amu be ti ala kue ti sara ye so be ti Nzapa aye.

Efeze 6:8

Ayeke nzoni ala hinga atene, tongana mbeni zo asara nzoni kua, fade Kota Gbia ayeke futa lo, ataa zo ni ayeke ngbaa wala lo yeke ngbaa pepe.

Kolose 2:18

A-ita, alingbi ala zia amara ti azo tongaso afâ ngbanga na li ti ala pepe. Ambeni zo ni aye ti sara tere ti ala lakue na le ti azo tongana akete zo si ala yeke voro *a-ange, ala zia be ti ala gi na ndö ti aye so ala baa na ya ti mbeni ye tongana bango-li. Hingango ndo ti ala ayeke senge gbungo-li ti azo, asara si ala baa tere ti ala kota ahon azo kue.

Ahebro 10:35

Tongaso, be ti ala so ala zia na ndö ti Nzapa, ala girisa ni pepe, fade ala yeke wara kota ye na peko ni.

Ahebro 11:6

Andaa, tongana zo ayeke na mabe pepe, lo lingbi ti ga nzoni na le ti Nzapa pepe, ngbanga ti so zo so aga nduru na Nzapa, alingbi lo hinga so, Nzapa ayeke daa biani si lo yeke mu anzoni ye na azo so ayeke gi lo.

Ahebro 9:15

Ndani laa, Christ ayeke zo ti lekengo songo na popo ti azo na Nzapa na lege ti mbeni fini mbuki. Azo so Nzapa airi ala alingbi ti wara anzoni ye so ayeke ngba ande lakue lakue, aye so Nzapa amu zendo ni. Azo ni so alingbi ti wara aye ni, ngbanga ti so Christ akui awe si na lege ti kuâ ti lo, azo so asara siokpari na ndembe so ala ngba na gbe ti kozo mbuki, lo lingbi ti zi ala na ya ti siokpari.

1 Pierre 1:4

E yeke ku nga ti wara aye so Nzapa ayeke mu na azo ti lo titene aga ti ala. Aye ni alingbi ti buba pepe, ye ti sioni alingbi ti si na tere ni pepe si pendere ni alingbi ti hon nga pepe. Nzapa ayeke bata aye ni ti ku na ala na yayu.

2 Pierre 1:1

Mbi Simon Pierre, zo ti kua nga na *watokua ti Jésus Christ, mbi tokua mbeti so na azo so awara gi oko mabe ti kota ngere tongana e. Ala wara ni na lege ti mbirimbiri ti Jésus Christ, lo so lo yeke Nzapa ti e na Wasongo e.

Jude 1:1

Mbi Jude, zo ti kua ti Jésus Christ, so mbi yeke nga ita ti Jacques, mbi tokua mbeti so na azo so Nzapa Babâ airi ala, azo so lo ye ala si Jésus Christ ayeke bata ala.

Ruth 2:12

Mbi sambela titene anzoni ye so mo sara so, KOTA GBIA akiri peko ni na mo. Ayeke nzoni KOTA GBIA, Nzapa ti Israel, so mo ga ti duti na gbe ti lo akiri peko ni kue na mo.”