Kolose 3:2 - Mbeti ti Nzapa - Tënë so amu fini

² Ala zia be ti ala na aye ti yayu, me na aye ti sese pepe.

Kolose 3:2 ပူးပေါင်းရင်းမြစ်များ

1 Mbai 22:19

Tongaso, ala mu be ti ala na fini ti ala kue ti gi KOTA GBIA Nzapa ti ala. Ala londo, ala sara da so a zia ni nde ndali ti KOTA GBIA Nzapa; fade ala yeke mu sanduku ti *mbuki ti KOTA GBIA na aye so a zia nde ndali ti Nzapa ti zia na ya ti da so ala sara ndali ti lo.”

1 Mbai 29:3

Âdu ti anzoni ye ti mbi wani so ayeke na lôro na wen ti nginza, mbi mu ni ndali ti kota da ti Nzapa ti mbi. Mbi zia aye ni so na ndö ti aye so mbi leke awe ndali ti kota da ti Nzapa so mbi ye ni mingi.

Abia (Psaumes) 62:10

Biani, akete zo ayeke gi pupu senge; akota zo ayeke tene gi mvene senge. Tongana a zia ala kue na ndö ti kilo, fade nengo ti pupu ayeke hon nengo ti ala.

Abia (Psaumes) 91:14

KOTA GBIA atene: “Ndali ti so lo mu tere ti lo kue na mbi, fade mbi yeke soo lo na kuâ, mbi yeke bata lo, ngbanga ti so lo hinga mbi.

Amato 23:5

Gi so le ti mo ayeke ti na ndö ti mosoro ni tongaso, lo hon ti lo awe. Biani, nginza aleke *akpangi ti lo wani so lo yeke huru na ni na le ti nduzu ti hon tongana *ngoalo.

Zo ti bongbingo azo 7:14

Na lango so ye ti mo atambula nzoni, ayeke nzoni mo duti na ngia. Na lango so ye ti vundu asi na mo, ayeke nzoni mo gbu li ti mo, mo tene: “Nzapa asara alango use so kue legeoko, tongaso si zo alingbi ti hinga ye so ayeke ga ande na peko pepe.”

Matthieu 16:23

Me Jésus abaa ndo na peko si lo tene na Pierre: “Satan, hon kâ na tere ti mbi! Mo yeke gi ti kinda mbi, ngbanga ti so bango ndo ti mo ayeke tongana ti Nzapa pepe, me ayeke tongana ti zo.”

Matthieu 6:19

“Ala bongbi mosoro na ndö ti dunia so pepe! Na ndö ti dunia so, akangi na *soko ayeke buba ni, azo ti nzi ayeke kungbi yanga ti da ti nzi ni.

Nzoni Tënë so Luc asu na mbeti 12:15

Na pekoni, Jésus atene na ala: “Ala sara hange! Ala sara si kota nzara ti warango aye asara ala pepe, ngbanga ti so tongana zo ayeke na aye mingi, aye ti lo ni laa alingbi ti bata fini ti lo pepe.”

Nzoni Tënë so Luc asu na mbeti 16:11

Tongana ala hinga ti sara ye na legeni pepe na nginza so ala wara na lege ti ye ti kirikiri, zo wa laa ayeke mu na ala taa ye ti nzoni titene ala bata ni?

Filipe 1:23

Be ti mbi ayeke use use: mbi yeke na nzara ti gue ti duti na tere ti Christ, so laa ayeke nzoni ahon ye kue.

Kolose 3:1

So ala na Christ azingo na kuâ awe, ala gi lege ti wara aye so ayeke na yayu, ndo so Christ aduti na tere ti Nzapa na mbage ti maboko ti lo ti koli.

Kolose 3:5

Tongaso, ala zi anzara ti sarango asioni ye ti dunia so na be ti ala: sarango ye ti ndumba, sarango ye ti kamene, nzara ti tere, nzara ti sarango asioni ye nga na kota nzara ti warango ye; so ayeke mbeni lege ti vorongo anzapa nde.