Kolose 3:19 - Mbeti ti Nzapa - Tënë so amu fini

¹⁹ Akoli, ala ye awali ti ala; ala sara ye na sioni be na tere ti awali ti ala pepe.

Kolose 3:19 ပူးပေါင်းရင်းမြစ်များ

Tongo nda ti aye 24:67

Isaac ague na Rébecca na ya ti da ti bongo ti mama ti lo Sara. Lo mu Rébecca ti ga wali ti lo. Isaac aye lo si be ti lo ade na peko ti kuâ ti mama ti lo.

Zo ti bongbingo azo 9:9

Na ya ti akete lango so ayeke gi senge senge, sara ngia na wali ti mo so mo ye lo; ye so Nzapa amu na mo na ndö ti sese so na ya ti alango so ayeke gi senge senge laa. Ye so aga ti mo na popo ti akua so mo baa pasi na sarango ni na ndö ti sese so laa.

Nzoni Tënë so Luc asu na mbeti 14:26

“Tongana zo aga na mbi, alingbi lo ye mbi ahon babâ ti lo, mama ti lo, wali ti lo, amolenge ti lo, a-ita ti lo ti koli na ti wali nga na tere ti lo wani si lo duti disiple ti mbi.

Rome 3:14

Atënë ti yanga ti ala asi singo na tënë ti dengo ba nga na tënë ti songo be.

Efeze 4:31

Batango zo na be, songo be, ngonzo, dekongo na li ti zo, zongango zo, sarango sioni na zo, alingbi aye tongaso ayeke na popo ti ala mbeni pepe.

Efeze 5:25

Akoli, ala ye awali ti ala tongana ti so Christ aye Eglize si lo ka tere ti lo ndali ti Eglize ni.

Efeze 5:33

me tënë ni ayeke nga ti ala azo ti Nzapa: ayeke nzoni koli oko oko aye wali ti lo tongana ti so lo ye tere ti lo wani si wali oko oko akpe koli ti lo.

Kolose 3:21

Ababâ, ala sara ye ti songo be na amolenge ti ala pepe, ngbanga ti be ti amolenge ni awoko.

Jacques 3:14

Me tongana ala yeke sara sioni kota be ti gbugburungo na kota ndo, ala pika kate ti ala ndali ti ndara ti ala ni pepe. Tongana ala yeke sara ye tongaso, andaa ala yeke tene mvene ti buba lege ti taa-tënë.

1 Pierre 3:7

Akoli, ala nga, na dutingo so ala na awali ti ala ayeke duti, ayeke nzoni ala hinga so, awali ti ala ayeke tongana ta so akpengba pepe. Ala ne ala, ngbanga ti so ala, na awali ti ala kue laa ayeke wara nzoni ye so Nzapa ayeke mu na zo; nzoni ye ni ayeke dutingo na fini. Ala sara tongaso si mbeni ye akanga lege na sambela ti ala pepe.