Kolose 1:4 - Mbeti ti Nzapa - Tënë so amu fini

⁴ Biani, e ma tënë ti mabe ti ala so ala yeke na ni na Jésus Christ nga na yengo so ala ye na azo ti Nzapa kue.

Kolose 1:4 ပူးပေါင်းရင်းမြစ်များ

2 Korente 7:7

Be ti e ade gi ndali ti gango ti lo oko pepe, me be ti e ade nga ndali ti so ala mu ngangu na be ti lo. Lo tene na e, lo tene, ala yeke na nzara mingi ti baa mbi, ala yeke toto mbi mingi, ala yeke na nzara ti gbu koko ti mbi. So mbi ma tënë ni, be ti mbi akiri asi na ngia ahon ndoni.

Galasii 3:26

Biani, ala kue aga amolenge ti Nzapa na lege so ala ma na be na Jésus Christ.

Galasii 3:28

Tongaso, zuife wala zo ti amara nde ayeke daa mbeni pepe, ngbaa wala zo so ayeke ngbaa pepe ayeke daa mbeni pepe, koli wala wali ayeke daa mbeni pepe. Biani, ala kue ayeke oko, ngbanga ti so ala ga oko na Jésus Christ awe.

Galasii 5:6

Biani, tongana zo aga oko na Jésus Christ, ataa zo ni afâ ganza wala lo fâ ganza pepe, so kota ye ni laa pepe! Kota ye ni ayeke titene zo aduti na mabe so ayeke sara titene lo ye amba ti lo.

Efeze 1:15

Mbi ma tënë ti mabe ti ala na ndö ti *Kota Gbia Jésus nga na tënë ti ndoye ti ala ndali ti azo ti Nzapa kue. Ndani laa, ti londo na ndembe so mbi ma atënë so,

Efeze 6:18

Na ya ti aye so kue, ala sambela Nzapa titene lo mu na ala maboko; ala sambela na ngoi kue na lege ti Yingo. Ndani laa, le ti ala akpengba, ala sambela ndali ti azo ti Nzapa kue, ala ngba daa lakue.

Kolose 1:9

Ndani laa, ti londo na lango so e ma tënë so, e nga, e ngba ti sambela lakue ndali ti ala. E yeke hunda na Nzapa titene lo sara si ala hinga tënë ti be ti lo kue kue kue si ala wara ndara kue na hingango ye so Yingo ti lo ayeke mu na azo.

1 Tesalonike 1:3

Na le ti Nzapa Babâ ti e, e yeke dabe ti e lakue na kua so ala yeke sara na lege ti mabe; e yeke dabe ti e na ndoye so ayeke sara titene ala sara kua ngangu nga na be ti ala so ala zia ti ku *Kota Gbia ti e Jésus Christ.

1 Tesalonike 3:6

Me fadeso, Timothée alondo na ndo ti ala kâ, lo kiri na e awe. Lo tene na e nzoni tënë na ndö ti mabe ti ala nga na ndö ti ndoye ti ala. Lo tene nga na e, lo tene, ala yeke dabe ti ala na e lakue si ala yeke na nzara ti kiri ti baa e tongana ti so e nga, e yeke na nzara ti kiri ti baa ala.

2 Tesalonike 1:3

A-ita, alingbi e ngba ti mu singila lakue na Nzapa ndali ti ala. So ayeke na legeni, ngbanga ti so mabe ti ala ayeke gue lakue na nduzu si yengo so ala ye tere na popo ti ala ayeke mai lakue.

Philémon 1:5

Biani, mbi ma tënë ti yengo so mo ye na azo ti Nzapa nga na tënë ti mabe ti mo na ndö ti *Kota Gbia Jésus.

Ahebro 6:10

Biani, Nzapa ayeke kirikiri pepe. Yengo so ala ye ando lo na ni nga na sarango nzoni so ala yeke sara na a-ita ti ala, azo ti Nzapa si ala ngba daa laso so, fade Nzapa ayeke girisa ni pepe.

1 Jean 3:14

Ti e, e hinga, e tene, e sigigi na gbe ti ngangu ti kuâ awe si e yeke na fini; e hinga ni, ngbanga ti so e ye a-ita ti e. Zo so aye ita ti lo pepe, andaa lo ngba na gbe ti ngangu ti kuâ.

1 Jean 3:23

Ndia ti lo ayeke so: e ma na be na iri ti Molenge ti lo Jésus Christ si e ye nga tere na popo ti e alingbi na yanga so Christ amu na e.

1 Jean 4:16

Ti e, e hinga so Nzapa aye e, nilaa e zia be ti e daa. Nzapa ayeke ndoye. Zo so angba na lege ti ndoye, lo na Nzapa angba ti duti oko biani.