Kolose 1:29 - Mbeti ti Nzapa - Tënë so amu fini

²⁹ Ndali ni, mbi yeke sara kua si mbi yeke tiri ti hunzi kua ni na ngangu so Christ amu na mbi, ngangu so asara si mbi kpengba na ya ti kua ni.

Kolose 1:29 ပူးပေါင်းရင်းမြစ်များ

Nzoni Tënë so Luc asu na mbeti 13:24

“Ala sara ngangu ti li na kete yanga ti da ni! Biani, mbi tene na ala, fade azo mingi ayeke gi lege ti li daa, me ala yeke sara gbaa.

Rome 15:20

Tënë so agbu be ti mbi si mbi ye mingi ti sara ni ayeke ti fa Nzoni Tënë ni gi na ndo so ambeni zo ade ti di iri ti Christ daa pepe. Mbi sara tongaso si mbi sara da pepe na ndö ti gere ti da so mbeni zo aleke kozoni awe.

Rome 15:30

A-ita, na iri ti *Kota Gbia ti e Jésus Christ nga na lege ti ndoye so Yingo ayeke mu na e: mbi hunda na ala mingi ti bongbi oko na mbi ti tiri bira na lege ti sambelango Nzapa ndali ti mbi.

1 Korente 12:11

Me gi oko Yingo so laa ayeke sara aye so kue; lo laa lo yeke kangbi amatabisi so kue na azo tongana ti so be ti lo aye.

1 Korente 12:6

Akua ayeke nde nde, me gi oko Nzapa so laa ayeke mu ngangu na azo kue ti sara akua ni kue.

1 Korente 15:10

Me ndali ti nzoni be ti Nzapa, mbi ga zo so ala yeke baa lo laso so; nzoni be so Nzapa asara na mbi, peko ni angba senge pepe. Mbi sara kua ahon atanga ti awatokua kue, andaa mbi laa mbi sara kua ni pepe, me Nzapa so ayeke na mbi laa asara kua ni na lege ti nzoni be ti lo.

2 Korente 11:23

Ala yeke azo ti kua ti Christ? So nzoni, me mbi hon ala! – Mbi yeke tene tënë so tongana zo so mbeni ye asara li ti lo –. Mbi sara kua mbi hon ala kue, mbi sara kanga, mbi hon ala kue, azo apika mbi, mara ni use pepe, lege mingi, mbi kui kue.

2 Korente 13:3

ngbanga ti so ala ye ti baa mbeni ye so afa atene, Christ laa ayeke tene tënë na lege ti mbi. Tongana Christ ayeke baa lege ti ala, lo yeke woko pepe, me lo yeke fa ngangu ti lo na popo ti ala.

2 Korente 5:9

Me taa ye so e ye ayeke titene dutingo ti e azia ngia na be ti lo, ataa e ngba na ya ti tere so wala e sigigi na ya ni.

2 Korente 6:5

azo apika e, ala bi e na da ti kanga, ala tomboka na tere ti e, e woko na peko ti sarango kua, e lango pepe, e duti na nzara.

Efeze 1:19

ala hinga nga so lo yeke ngangu mingi, ngangu ti lo ayeke sara ye mingi na ya ti fini ti e, azo ti lo. Gi na ngangu so laa

Efeze 3:20

Nzapa alingbi ti sara na e ye ahon ye so kue e yeke hunda na lo wala ye so kue e yeke gbu li ti e daa! Lo yeke sara ni na lege ti ngangu ti lo wani so ayeke na ya ti e.

Efeze 3:7

Na lege ti nzoni be ti Nzapa, lo sara si mbi ga zo ti kua ti fango Nzoni Tënë. Nzapa asara ye so na lege ti ngangu ti lo.

Filipe 1:27

Gi ye oko, ayeke nzoni lege ti dutingo ti ala alingbi na ti so Nzoni Tënë ti Christ afa. Tongaso, ataa mbi ga, mbi baa ala, ataa mbi ga pepe, me mbi ma atënë ti ala, fade mbi yeke hinga, mbi tene, ala ngba ti luti nganganga, tënë ti be ti ala kue ayeke gi oko si ala bongbi oko ti tiri ndali ti mabe so aga na lege ti Nzoni Tënë.

Filipe 1:30

Ala nga atiri gi mara ti bira so ala baa ando mbi na tiringo ni si ala ma a tene, mbi ngba ti tiri ni so.

Filipe 2:13

Biani, Nzapa laa ayeke zia nzara ti sarango ye na be ti ala si lo yeke mu na ala lege ti sarango ni alingbi na ye so lo leke na be ti lo.

Filipe 2:16

Ala laa ayeke fa tënë so ayeke mu fini na zo. Tongaso, na lango ti kiringo ti Christ, fade tere ti mbi ayeke nzere ndali ti ala, ngbanga ti so akua ti mbi na pasi ti mbi, peko ni ayeke senge pepe!

Kolose 2:1

Biani, mbi ye titene ala hinga tënë ti ngangu bira so mbi yeke tiri ndali ti ala, ndali ti azo ti Laodise nga ndali ti azo so kue ade ti baa le ti mbi laoko pepe.

Kolose 2:12

So ala wara bateme, a lu ala na Christ awe si a zingo ala na kuâ legeoko na lo, ngbanga ti so ala ma na be na ngangu ti Nzapa so azingo lo na kuâ.

Kolose 4:12

Epafras so ayeke mbeni zo ti ala abara ala; lo yeke zo ti kua ti Jésus Christ, lo ngba ti tiri bira na lege ti sambela ndali ti ala. Lo yeke hunda na Nzapa titene ala luti ngangu, ala ga kangba na lege ti Yingo si ala yeke lakue nduru ti sara ye so kue be ti Nzapa aye.

1 Tesalonike 2:9

A-ita, ala dabe ti ala na akua so lani e sara nga na ngangu so ahunzi na e. Na ndembe so e fa Nzoni Tënë na ala, e sara kua bi na lâ titene e ga kungba na ndö ti mbeni zo na popo ti ala pepe.

2 Tesalonike 3:8

Kobe so e te, e hunda ni na mbeni zo pepe ti mu na e senge senge. Me bi na lâ, e sara kua ngangu, na gbiki ti li ti e si e ga kungba na ndö ti mbeni zo oko na popo ti ala pepe.

2 Timothée 2:10

Ndani laa mbi yeke kanga be ti mbi na ya ti aye so kue ngbanga ti azo so Nzapa asoro ala. Tongaso, ala nga, fade ala yeke wara lege ti soo kuâ na lege ti gango so ala ga oko na Jésus Christ si ala yeke wara gonda so ayeke ngba lakue lakue.

Ahebro 12:4

Bira so ala yeke tiri na siokpari so, ala de ti gbu le ni ngbii mene ti ala atuku ndali ni pepe.

Ahebro 13:21

Ayeke nzoni Nzapa asara si ala ga azo so alingbi ti sara ye so kue ayeke nzoni nga na ye so be ti lo aye! Ayeke nzoni, na lege ti Jésus Christ, Nzapa asara si e sara ye so anzere na be ti lo! Gonda ayeke ti lo kpu na kpu! Amen.

Aye so Nzapa afa 2:3

Mo kanga be ti mo: mo baa pasi ndali ti mbi, be ti mo awoko pepe.