Kolose 1:28 - Mbeti ti Nzapa - Tënë so amu fini

²⁸ Tënë ti lo laa e yeke fa na azo. E yeke mu wango na azo kue si e yeke fa na ala ye na lege ti ndara kue, tongaso si zo oko oko na lege ti gango so lo ga oko na Christ aga kangba na lege ti Yingo.

Kolose 1:28 ပူးပေါင်းရင်းမြစ်များ

Esdras 7:25

“Ti mo Esdras, na lege ti ndara so Ndia ti Nzapa amu na mo si mbeti ni ayeke na maboko ti mo so, ayeke nzoni mo soro ambeni makonzi na ambeni wafango-ngbanga so fade kua ti ala ayeke ti fâ ngbanga ti azo so kue ahinga andia ti Nzapa ti mo; so ti tene azo so kue ayeke na sese ti mbage ti Do ti ngu ti Efrate. Ala yeke fa nga andia ni na azo so ahinga ni pepe.

Amato 8:5

Ala azo so le ti ala ahan pepe so, ala gi lege ti hinga ye. Ala so ahinga ndo pepe so, ala manda lege ti duti na hingango ndo.

Zo ti bongbingo azo 12:9

Ye so zo ti bongbingo azo asara ayeke so: lo kiri lo fa hingango ye na azo. Lo ma *amato mingi, lo gi nda ni si lo leke ni na legeni.

Jérémie 3:15

Fade mbi yeke mu na ala azo ti li ni so be ti mbi aye. Na lege ti nzoni hingango ndo na ndara, fade azo ni ayeke bata ala nzoni.

Jérémie 6:10

Zo wa laa mbi yeke tene tënë na lo, zo wa? Zo wa laa mbi yeke gboto mê ti lo si lo ma mbi? A fâ mê ti ala na *ganza pepe, ala lingbi ti zia mê ti ala kpoo pepe. KOTA GBIA, ala yeke he tënë ti mo na ngia, tënë ti mo anzere na ala pepe.

Ezekiel 7:10

“Baa, lango ti fango ngbanga laa! Ngoi ti ala alingbi awe! Sarango ngangu na zo ayeke gue guengo na nduzu, sarango baba ayeke mai maingo.

Matthieu 28:20

ala fa na ala ti bata lege ti aye so kue mbi mu yanga na ala. Baa, mbi yeke na ala lakue ngbii asi na ngoi ti ndani.”

Matthieu 3:7

So Jean abaa gba ti *afarizien na *asadusien ayeke ga na tere ti lo titene ala wara bateme, lo tene na ala: “Ala, asioni mara ti ngbo! Zo wa laa afa na ala lege ti kpe ngonzo ti Nzapa so ayeke ga so?

Matthieu 5:48

Alingbi ala ga azo so ayeke nzoni kue tongana ti so Babâ ti ala so ayeke na yayu ayeke nzoni kue.

Marc 6:34

So Jésus asigigi na ya ti ngo ni, lo baa gba ti azo; mawa ti ala agbu lo, ngbanga ti so ala yeke tongana ataba so zo ti batango ala ayeke daa pepe. Tongaso lo fa aye mingi na ala.

Nzoni Tënë so Luc asu na mbeti 21:15

Biani, fade mbi wani, mbi yeke mu na ala tënë ti tenengo ni na ndara so awato ti ala alingbi pepe ti dekite na ni wala ti ke ni.

Awatokua 10:36

Nzapa atokua tënë ti lo na azo ti Israel: tënë ni ayeke Nzoni Tënë so amu siriri na zo na lege ti Jésus Christ, lo so lo yeke *Kota Gbia ti azo kue.

Awatokua 11:20

Ti ambeni so ayeke azo ti Shipre na ti Sirene, ala gue na Antioshe si ala fa nga na agreke Nzoni Tënë ti *Kota Gbia Jésus.

Awatokua 13:38

A-ita, ayeke nzoni ala hinga ye so: na lege ti Jésus laa Nzapa afa na ala tënë ti zingo siokpari na li ti zo; siokpari so *Ndia ti Moïse alingbi ti zi ni oko pepe.

Awatokua 17:18

Ambeni wafango-ye so ayeke a-epikurien na astoisien ato nda ti tene tënë na lo. Ambeni atene: “Tënë ti nyen laa sakpa-tënë so ayeke tene so?” Ambeni atene: “Lo kpa zo ti fango tënë ti anzapa nde.” Ala tene tongaso, ngbanga ti so Paul ayeke tene tënë ti Jésus na tënë ti zingongo ti akuâ.

Awatokua 17:3

lo fa nda ni na ala si lo fa nga na azo ni, lo tene: “Alingbi *Mesii abaa pasi, lo zingo na kuâ. Jésus so mbi yeke fa tënë ti lo so, lo laa lo yeke Mesii ni.”

Awatokua 20:31

Le ti ala akpengba, ala dabe ti ala so na ya ti ngu ota, bi na lâ, na ngu ti le, mbi zia ti mu wango na zo oko oko na popo ti ala pepe.

Awatokua 3:20

Tongaso fade *Kota Gbia ayeke mu na ala mbeni ngoi titene yingo ti ala awara ngangu. Lo yeke tokua Jésus na ala, lo so lo yeke Christ so a soro lo kozoni ndali ti ala.

Awatokua 5:42

Na ya ti lango oko oko, na ya ti kota da ti Nzapa nga na ya ti ada ti azo, ala yeke fa ye na azo, ala yeke fa Nzoni Tënë ti Jésus so ayeke *Mesii.

Awatokua 8:35

Philippe amu tënë; na ndö ti kamba ti mbeti ti Ésaïe so, lo to nda ti fa Nzoni Tënë ti Jésus na lo.

Awatokua 8:5

Philippe ague na ya ti mbeni gbata ti Samarii si lo fa tënë ti Christ kâ.

Awatokua 9:20

Gi hio na pekoni, lo gue na ya ti ada ti sambelango Nzapa si lo to nda ti fa tënë atene, Jésus ayeke Molenge ti Nzapa.

Rome 16:25

Ayeke nzoni e gonda Nzapa! Lo yeke na ngangu ti sara si ala kpengba na lege ti mabe so alingbi gi na Nzoni Tënë ti Jésus Christ so mbi yeke fa. Nzoni Tënë ni ayeke tënë so Nzapa ahonde ando ngu na ngu si lo fa ni na e fadeso.

1 Korente 1:23

Me ti e, e yeke fa tënë ti Christ so a fâ lo na ndö ti keke ti kroa. Na le ti azuife, tënë ni ayeke tongana mbeni ye so azo ayeke pika gere ti ala daa ti ti, na le ti agreke, tënë ni ayeke buba tënë.

1 Korente 1:30

Me Nzapa asara si ala, a-ita, ala ga oko na Jésus Christ si lo sara titene Christ aga ndara ti e. Na lege ti Christ, Nzapa asara si e ga mbirimbiri na le ti lo, e ga azo so ayeke duti nde ndali ti so lo laa lo zi e na ya ti siokpari.

1 Korente 12:8

Yingo ayeke mu na mbeni zo tënë ti ndara si na mbeni zo, lo yeke mu tënë ti hingango ye;

1 Korente 15:12

So e yeke fa tënë, e tene, Christ azingo na kuâ awe so, asara tongana nyen si ambeni zo na popo ti ala ayeke tene akuâ ayeke zingo ande pepe so?

1 Korente 2:15

Zo so ayeke na Yingo ti Nzapa alingbi ti hinga nda ti aye kue, me mbeni zo ti hinga nda ti lo ayeke daa pepe.

1 Korente 2:6

Andaa, tënë ti mbi ayeke tënë ti ndara so mbi yeke fa ni na azo ti Christ so aga kangba na lege ti mabe awe. Ndara ni ayeke ndara ti azo ti dunia so pepe wala ndara ti ala so ayeke na komandema na ndö ti dunia so. Ti azo ni, fade a yeke hunzi ala kue kue kue.

1 Korente 4:14

Mbi su mbeti so na ala ti zia kamene na le ti ala pepe, me ti mu wango na ala tongana ti so zo ayeke sara na amolenge ti lo so lo ye ala mingi.

2 Korente 10:14

E yeke sara kua ni ti hon ndo so a fa na e so pepe. Tongana e si fade na popo ti ala pepe, ka e sara ye ahon so e lingbi ti sara so. Taa-tënë, e laa e gue na Nzoni Tënë ti Christ kozoni na ala.

2 Korente 11:2

Mbi ye ala mingi, nilaa mbi yeke sara mbanda ti ala; yengo so mbi ye na ala so alondo na Nzapa. Biani, ala yeke tongana maseka-wali so ade ti hinga koli pepe; mbi mu zendo ti mu ala gi na koli oko, koli ni ayeke Christ.

2 Korente 4:5

Biani, tënë so e yeke fa, e yeke fa ni na ndö ti e wani pepe, me na ndö ti Jésus Christ, lo so lo yeke *Kota Gbia. Ti e, e yeke fa na ala so, e yeke azo ti kua ti ala ndali ti Jésus.

Efeze 3:8

Na popo ti azo ti Nzapa kue, mbi laa mbi yeke kete zo ahon atanga ni kue, me Nzapa amu na mbi lege ti fa Nzoni Tënë na azo ti amara nde, so ti tene gba ti anzoni ye ti Christ so zo agi li ti lo na nda ni gbaa.

Efeze 5:27

ngbanga ti so lo ye si Eglize ni aluti na le ti lo, pendere, sarate ayeke daa pepe, le ti lo akpa ti mbakoro pepe, mbeni sioni ye oko ayeke daa pepe. Lo ye si Eglize ni aduti nde si aduti nzoni kue, tënë ayeke na li ti lo pepe.

Ndia ti fani use ni 4:5

Ala baa, mbi fa na ala aye so ndia afa nga na atënë ti ndia alingbi na yanga so KOTA GBIA Nzapa ti mbi amu na mbi. Na ndembe so ala yeke si ande na ya ti kodro so ala yeke mu ni titene aga ti ala, fade ala yeke sara ye alingbi na ni.

Kolose 1:22

Me fadeso, na lege ti Molenge ti lo so amu tere ti zo si akui, songo akiri na popo ti ala na Nzapa. Tongaso, ala lingbi ti luti na le ti Nzapa tongana azo so ayeke nde si ayeke nzoni kue, azo so tënë ayeke na li ti ala pepe, azo so mbeni ye ti sioni ayeke na tere ti ala pepe.

Kolose 2:10

Na lege ti Christ so ayeke na li ti ayingo so kue ayeke na komandema, ala wara fini so ye oko atia na ya ni pepe.

Kolose 2:3

Nzapa ahonde amosoro kue ti ndara na ti hingango ndo na ya ti Christ.

Kolose 3:16

Ayeke nzoni tënë ti Christ so anzoni ye asi singo daa aduti na ya ti fini ti ala. Ala fa ye si ala mu wango na amba ti ala na popo ti ala na lege ti ndara kue. Ala he abia na Nzapa na be ti ala kue ti mu singila na lo, ala he abia ti Mbeti ti Nzapa, abia ti vorongo Nzapa na abia so Yingo ayeke mu na ala.

Kolose 4:12

Epafras so ayeke mbeni zo ti ala abara ala; lo yeke zo ti kua ti Jésus Christ, lo ngba ti tiri bira na lege ti sambela ndali ti ala. Lo yeke hunda na Nzapa titene ala luti ngangu, ala ga kangba na lege ti Yingo si ala yeke lakue nduru ti sara ye so kue be ti Nzapa aye.

1 Tesalonike 4:6

Na ya ti tënë so, ayeke nzoni zo oko asara mbeni ye ti songo be wala ye ti kirikiri na mba ti lo pepe. E tene tënë so na ala awe, e gboto mê ti ala na ndö ni awe: azo so asara mara ti asioni ye tongaso, fade Kota Gbia ayeke zia peko ni angba senge pepe.

1 Timothée 3:16

Biani, tënë ti mabe so a sigigi na nda ni awe ayeke kota tënë mingi, tënë ni ayeke so: Christ amu tere ti zo si lo fa tere ti lo na azo, Yingo-Vuru afa atene, lo yeke zo ti mbirimbiri, *a-ange abaa lo. A fa tënë ti lo na azo ti amara nde, azo ti dunia ama na be na lo si lo gue na yayu na ya ti gonda.

1 Timothée 3:2

Alingbi zo ti li ti Eglize ayeke zo so tënë ayeke na li ti lo pepe, lo yeke gi na wali oko, lo yeke sara ye ahon ndoni pepe, me na legeni, lo yeke tene tënë na legeni, lo yeke sara ye na lege ti nengo tere, lo yeke yamba azo nzoni na da ti lo, lo hinga lege ti fango ye na azo;

Ahebro 10:14

Na lege ti oko sandaga so lo mu, Christ asara si azo so lo *sukula sioni ti ala, ala ga nzoni kue kpu na kpu.

Ahebro 13:21

Ayeke nzoni Nzapa asara si ala ga azo so alingbi ti sara ye so kue ayeke nzoni nga na ye so be ti lo aye! Ayeke nzoni, na lege ti Jésus Christ, Nzapa asara si e sara ye so anzere na be ti lo! Gonda ayeke ti lo kpu na kpu! Amen.

2 Pierre 3:15

Ala hinga atene, tongana Kota Gbia angba ti kanga be ti lo ti ku ngbii, andaa lo yeke zia na ala ngoi titene ala soo kuâ. Ita ti e Paul so e ye lo mingi, asu nga na ala tënë so na mbeti na lege ti ndara so Nzapa amu na lo.