Kolose 1:15 - Mbeti ti Nzapa - Tënë so amu fini

¹⁵ Christ ayeke limo ti Nzapa so zo ade ti baa lo pepe; lo yeke kozo Molenge, lo yeke na li ti aye so kue Nzapa asara.

Kolose 1:15 ပူးပေါင်းရင်းမြစ်များ

Abia (Psaumes) 89:27

Lo yeke iri mbi: ‘Babâ ti mbi, Nzapa ti mbi, kota têne so mbi luti na ndö ni ti soo kuâ!’

Sigingo 24:10

Ala baa Nzapa ti Israel. Mbeni ye so ayeke tongana kpangbara têne so iri ni safir si ayeke za zango tongana ti le ti nduzu, ayeke na gbe ti gere ti lo.

Wungo ti azo 12:8

Mbi yeke tene tënë na lo le na le, na hondengo ni pepe. Mbi yeke fa tere ti mbi na lo si lo yeke baa limo ti mbi. Ngbanga ti nyen laa ala kasa Moïse, zo ti kua ti mbi so?”

Jean 1:1

Na tongo nda ni, Tënë ayeke daa; Tënë ni ayeke na tere ti Nzapa si Tënë ni ayeke Nzapa.

Jean 1:14

Tënë ni aga zo si lo duti na popo ti e, nzoni be na taa-tënë ti lo ahon ndoni. E baa gonda ti lo, gonda so Babâ amu na oko Molenge ti lo.

Jean 1:18

Zo ade ti baa Nzapa laoko pepe; me gi oko Molenge ni so ayeke Nzapa si lo yeke nduru na tere ti Nzapa Babâ, lo laa lo fa Nzapa na azo titene ala hinga lo.

Jean 14:9

Jésus akiri tënë, atene: “Aninga mingi so mbi yeke na popo ti ala. Philippe, ade mo hinga mbi pepe? Zo so abaa mbi, andaa lo baa Babâ awe. Ngbanga ti nyen laa mo kiri mo hunda mbi, mo tene: ‘Fa na e Babâ’ so?

Jean 15:24

Aye so zo asara laoko pepe, mbi sara ni na popo ti azo ti dunia. Tongana mbi sara ni fade pepe, ka siokpari ayeke na li ti ala pepe. Fadeso, ala baa aye so kue mbi sara, me ala ngba ti ke mbi nga na Babâ ti mbi.

Jean 3:16

Biani, Nzapa aye azo ti dunia so mingi si lo mu gi oko Molenge ti lo titene zo so ama na be na lo alingbi ti kui pepe, me lo yeke na fini so angba lakue lakue.

Rome 8:29

Biani, azo so Nzapa asoro ala kozoni, lo leke na be ti lo kozoni ti sara si ala ga tongana Molenge ti lo, tongaso si Molenge ni aga yaya ti a-ita mingi.

2 Korente 4:4

azo so ake ti ma na be. Sioni nzapa ti sese so akanga lege ti hingango ndo ti ala titene ala baa zango ti Nzoni Tënë pepe. Andaa Nzoni Tënë ni ayeke fa gonda ti Christ, lo so lo yeke limo ti Nzapa.

2 Korente 4:6

Nzapa so atene ando, atene: “Ayeke nzoni lumiere aza na ya ti vukongo ndo”, lo wani laa lo za na be ti e titene le ti e azi si e hinga gonda ti lo so ayeke za na ndö ti le ti Christ.

Filipe 2:6

Lo so lo yeke lakue lakue legeoko na Nzapa, na le ti lo, dutingo legeoko na Nzapa ayeke mbeni ye ti gbu na ngangu pepe.

Kolose 1:13

Nzapa azi e na gbe ti ngangu ti makonzi ti vukongo ndo si lo zia e na ndo so Molenge ti lo so lo ye lo mingi ayeke gbia daa.

1 Timothée 1:17

Ayeke nzoni azo ane Kota Gbia, ala gonda lo lakue lakue, lo yeke oko Nzapa, zo abaa lo pepe, lo yeke na fini lakue lakue, lo yeke Kota Gbia kpu na kpu! Amen.

1 Timothée 6:16

Lo yeke gi oko Nzapa so ayeke na fini lakue lakue, lo yeke duti na ndo so aza zango, zo alingbi ti si na ndo ni so pepe. Mbeni zo ade ti baa lo pepe, zo alingbi ti baa nga lo pepe. Gonda na ngangu so ayeke ngba kpu na kpu ayeke ti lo! Amen.

Ahebro 1:3

Gonda ti Nzapa ayeke za na lege ti Molenge ni. Lo yeke taa tongana ti so Nzapa ayeke, lo yeke bata dunia so na ngangu ti tënë ti yanga ti lo. So lo sukula asiokpari ti azo awe, lo gue, lo duti na yayu, na tere ti Nzapa so ngangu ti lo ahon ndoni, na mbage ti maboko ti lo ti koli.

Ahebro 1:6

Me na ndembe so Nzapa aye ti tokua kozo molenge ti lo na ndö ti dunia so, lo tene: “Alingbi a-ange ti Nzapa kue avoro lo.”

Ahebro 11:27

Na lege ti mabe, Moïse alondo na kodro ti Ezipte ti hon; mbeto ti ngonzo ti gbia asara lo pepe. Lo ka yingo, mo baa mo tene, Nzapa so zo ayeke baa lo pepe so, lo yeke baa lo.

Aye so Nzapa afa 3:14

“Su mbeti so, mo tokua na *ange so ayeke na li ti *Eglize ti gbata ti Laodise: “Lo so iri ti lo ayeke Amen, lo so lo yeke taa zo ti fango peko ti tënë na legeni mbirimbiri si lo yeke na tongo nda ti ye so kue Nzapa asara, lo tene: