Kolose 1:12 - Mbeti ti Nzapa - Tënë so amu fini

¹² Na ngia na be, ala mu singila na Nzapa Babâ so asara si ala lingbi ti wara anzoni ye so lo leke ndali ti azo ti lo na ya ti lumiere.

Kolose 1:12 ပူးပေါင်းရင်းမြစ်များ

1 Agbia 6:7

A sara kota da ti Nzapa ni na atêne so a leke ni kozoni na ndo so a yeke suru ka atêne daa. Nilaa, na ngoi ti sarango kota da ni, zo oko ama go ti wen ti surungo na ya ti atêne pepe, wala martoo wala mbeni wen nde pepe.

1 Mbai 29:20

Na pekoni, David atene na bongbi ti azo ni: “Ala mu singila na KOTA GBIA, Nzapa ti ala.” Tongaso, azo ni kue amu singila na KOTA GBIA, Nzapa ti akotara ti ala. Ala kuku akpo li ti ala na sese na dawa ti KOTA GBIA nga na dawa ti gbia.

Abia (Psaumes) 116:7

Ayeke nzoni be ti mbi akiri aduti na siriri, ngbanga ti so KOTA GBIA asara anzoni ye mingi na mbi awe.

Abia (Psaumes) 36:9

Anzoni kobe asi singo na ya ti da ti mo, azo ayeke te ni ya ti ala asi; anzerengo ye ti mo ayeke tongana ngu ti *bale, azo ayeke nyon na ngia.

Abia (Psaumes) 79:13

Me ti e so e yeke azo ti mo, e so mo yeke bata e tongana ataba ti mo, fade e yeke mu singila na mo lakue. Fade e yeke he bia ti gonda na mo ngu na ngu.

Abia (Psaumes) 97:11

Fade lumiere ayeke za na ndö ti zo ti mbirimbiri si azo ti vurungo be ayeke wara ngia.

Amato 16:1

Azo ayeke leke apialo, me tanga ti tënë ni kue ayeke na yanga ti KOTA GBIA.

Amato 4:18

Lege ti dutingo ti azo ti mbirimbiri ayeke tongana lumiere ti ndaperere, lo yeke su ngbii lo su ngangu ngangu na bekombite.

Daniel 2:23

Mo, Nzapa ti akotara ti mbi, mbi mu singila na mo, mbi gonda mo! Mo mu na mbi ndara na ngangu. Biani, mo fa na mbi nda ti ye so e hunda na mo. Mo fa na e tënë ti ye so aso be ti gbia so.”

Matthieu 25:34

Tongaso, fade Gbia ni ayeke tene na azo so ayeke na mbage ti maboko ti lo ti koli: ‘Ala ga, ala so Babâ ti mbi asara tufa na ndö ti ala; ala ga awa ti *Kodro-gbia ti yayu so lo leke ni ndali ti ala ando, ngbene ye so dunia abaa gigi.

Jean 14:6

Jésus akiri tënë na lo: “Mbi yeke lege ni, taa-tënë na fini. Zo oko alingbi ti gue na Babâ na mbeni lege nde pepe, gi na lege ti mbi.

Jean 20:17

Jésus atene na lo: “Zia ti gbu mbi, ngbanga ti so mbi de ti gue na Babâ pepe. Me mo gue, mo baa a-ita ti mbi, mo tene na ala, mo tene: ‘Mbi yeke gue na Babâ ti mbi so ayeke nga Babâ ti ala; lo yeke Nzapa ti mbi na Nzapa ti ala nga.’ ”

Jean 4:23

Me mbeni ngbonga ayeke ga si ngbonga ni alingbi awe so taa zo ti vorongo Babâ ayeke voro lo na lege ti Yingo nga na lege ti taa-tënë. Amara ti azo ti vorongo Nzapa tongaso laa Babâ ayeke gi ala.

Awatokua 20:32

“Fadeso, mbi zia ala na maboko ti Nzapa, mbi zia nga ala titene tënë ti nzoni be ti lo abata ala. Nzapa ayeke na ngangu ti kpengba ala, ti mu na ala anzoni ye so kue lo bata ni ndali ti azo ti lo.

Awatokua 26:18

Mbi tokua mo ti zi le ti ala, ti mu ala na ya ti vukongo ndo ti sigigi na ala na ya ti lumiere; mo yeke zi ala na gbe ti ngangu ti Satan ti gue na ala na Nzapa. Tongana ala ma na be na mbi, fade a yeke zi siokpari na li ti ala si ala yeke wara ndo na popo ti azo ti Nzapa.’ ”

Rome 11:17

Azo ti Israel ayeke tongana keke ti olive ti yaka so a fâ ambeni maboko ni. Ti mo, mo yeke tongana maboko ti keke ti olive ti ngonda; a mu mo si a gerefe mo na popo ti amaboko so angba na ndö ti keke ti yaka ni. Fadeso mo lingbi nga ti baa nzoni legeoko na amaboko ti keke ti yaka ni ndali ti ngu so alondo na ya ti gunda ni.

Rome 15:27

Ala wani aleke na be ti ala ti sara ye ni, ye so alingbi titene ala sara ni fade laa. So azo ti amara nde awara nzoni ye ti Nzapa na lege ti azuife, ayeke nzoni titene azo ti amara nde amu nga mbage ti ye so ala yeke na ni na azuife so ayeke na ya ti mawa.

Rome 8:17

So e yeke amolenge ti Nzapa, e yeke wara nga anzoni ye ti lo so lo mu zendo ni na azo ti lo; e na Christ laa e yeke wara anzoni ye ni. Biani, so e na Christ e yeke baa pasi legeoko so, fade e na lo nga, e yeke duti na ya ti gonda ti lo.

Rome 9:23

tongaso si lo fa kota gonda ti lo na azo so lo baa mawa ti ala; azo ni ayeke azo so lo leke ala kozoni ndali ti gonda ni.

1 Korente 8:6

Ti e, Nzapa ayeke gi oko, lo yeke Babâ so ye kue alondo na lo si e yeke na fini ndali ti lo. E yeke nga gi na *Kota Gbia oko, Jésus Christ so na lege ti lo, ye kue abaa gigi si e yeke na fini na lege ti lo.

1 Korente 9:23

Mbi yeke sara ye so kue ndali ti Nzoni Tënë titene mbi wara anzoni ye so Nzoni Tënë ayeke mu.

2 Korente 11:14

So ayeke mbeni fini ye pepe: Satan wani ayeke sara tere ti lo tongana *ange ti lumiere.

2 Korente 5:5

Nzapa wani laa asara e ndali ti fini so; lo mu nga na e Yingo ti lo ti fa atene, anzoni ye so lo bata ndali ti e, fade lo yeke mu ni kue na e.

Efeze 1:11

Na lege ti gango so e ga oko na Christ, Nzapa asoro e kozoni titene e ga azo ti lo alingbi na ye so lo leke na be ti lo, lo sara ye so kue tongana ti so be ti lo aye.

Efeze 1:18

Mbi hunda nga titene lumiere ti Nzapa aza na ya ti hingango ndo ti ala, tongaso si ala lingbi ti hinga ye so lo iri ala ngbanga ni si lo yeke leke ti ku na ala so. Tongaso, fade ala hinga atene, aye so lo bata ndali ti azo ti lo ayeke anzoni ye ahon ndoni,

Efeze 2:18

Biani, ndali ti lo si e, azuife, na ala azo ti amara nde, e ga nduru na Nzapa Babâ, na lege ti oko Yingo-Vuru.

Efeze 3:6

Tënë ni ayeke so: na lege ti Nzoni Tënë, azo ti amara nde awara anzoni ye ti Nzapa legeoko na azuife; ala na azuife ayeke na ya ti tere oko. Na lege ti gango so ala ga oko na Jésus Christ, ala kue ayeke ku oko ye so Nzapa amu zendo ni.

Efeze 4:6

Nzapa ayeke gi oko, lo yeke Babâ ti azo kue, lo yeke gbia na ndö ti azo kue, lo yeke sara kua na lege ti azo kue, lo yeke duti na ya ti azo kue.

Efeze 5:11

Aye so azo ayeke sara na ya ti vukongo ndo ayeke sara nzoni na zo oko pepe. Ala azo ti Nzapa, ala yoro tere ti ala na ya ni pepe, me ala sigigi na nda ti aye ni.

Efeze 5:20

Ala mu singila lakue na Nzapa Babâ ndali ti aye kue, na iri ti Kota Gbia ti e Jésus Christ.

Efeze 5:4

Asioni tënë, abuba tënë na atënë na ndö ti sarango ye ti kamene asigigi na yanga ti ala pepe. Me ala mu gi singila na Nzapa.

Efeze 5:8

Ando, ala yeke na ya ti vukongo ndo. Ndali ti so ala ga oko na *Kota Gbia, fadeso ala yeke na ya ti lumiere. Ayeke nzoni sarango ye ti ala ayeke tongana ti azo so ayeke na ya ti lumiere.

Kolose 2:2

Mbi ye titene be ti ala awara ngangu, ala ga oko na lege ti yengo tere si ala wara lege ti mango ya ti tënë nzoni kue. Tongaso, fade ala yeke hinga nda ti tënë ti Nzapa so angba fade na hondengo ni: tënë ni ayeke Christ.

Kolose 3:15

Ayeke nzoni siriri so alondo na Christ afa lege na ala na ya ti atënë ti be ti ala! Ndali ti siriri so laa Nzapa airi ala kue ti ga tere oko. Ala mu singila na Nzapa.

Kolose 3:17

Atënë so kue ala yeke tene, wala aye so kue ala yeke sara, ala sara ni na iri ti *Kota Gbia Jésus, ala mu singila na Nzapa Babâ na lege ti lo.

Tite 2:14

Lo ka ando tere ti lo na kuâ ndali ti e, ti zi e na ya ti aye ti sioni kue, ti sukula e si e ga azo ti lo wani, titene e mu ngangu ti e kue ti sara anzoni ye.

Ahebro 12:23

A-ita, ala ga nduru na bongbi ti akozo molenge ti Nzapa awe, ala so a su iri ti ala na mbeti kâ na yayu. Ala ga nduru na Nzapa awe, lo so lo yeke fâ ngbanga ti azo kue. Ala ga nduru awe na ayingo ti azo ti mbirimbiri so aga nzoni kue so.

Ahebro 3:1

Tongaso, a-ita azo ti Nzapa, ala so lo iri ala ti ga azo ti lo, ayeke nzoni ala baa ndo na Jésus, lo so Nzapa atokua lo titene lo ga kota wayango-sandaga ti mabe so e yeke fa tënë ni.

Ahebro 3:14

Fadeso, e na Christ e yeke sara kua legeoko gi tongana kozo ye so e zia be ti e daa, e gbu ni ngangu ngbii asi na ndani.

Jacques 3:9

Na menga ti e si e yeke sepela *Kota Gbia, Babâ ti e. Gi na oko menga so, e yeke deba azo so Nzapa asara ala si ala kpa lo so.

1 Pierre 5:1

Fadeso mbi yeke mu wango na *akangba ti *Eglize so ayeke na popo ti ala. Mbi nga, mbi yeke kangba tongana ala. Mbi baa na le ti mbi pasi so Christ abaa ando; legeoko na ala, fade mbi yeke li na ya ti gonda so ayeke si.

1 Jean 1:3

Ye so e baa si e ma tënë ni, e yeke tene tënë ni na ala titene ala nga, ala yeke na beoko na e. Beoko so e yeke na ni na Babâ nga na Molenge ti lo Jésus Christ laa.

Aye so Nzapa afa 21:23

Gbata ni aku titene lâ wala nze asu na ya ni pepe, ngbanga ti so gonda ti Nzapa ayeke su na ya ni si Molenge ti Taba ayeke sara titene ndo ni avuru.

Aye so Nzapa afa 22:14

Ti ala nzoni, ala so asukula bongo ti ala avuru, tongaso si ala wara lege ti te lengo ti keke so ayeke mu fini na zo si ala wara nga lege ti li na ayanga ti gbagba ni ti gue na ya ti gbata ni.

Aye so Nzapa afa 22:5

Ndo ayeke kiri ti vuko na ndo ni so pepe, azo ayeke ku zango ti lamba wala sungo ti lâ ti baa ndo na ni pepe, ngbanga ti so *Kota Gbia Nzapa ayeke su na ndö ti ala. Ala yeke le-gbia kpu na kpu.