Kolose 1:10 - Mbeti ti Nzapa - Tënë so amu fini

¹⁰ Tongaso, fade dutingo ti ala ayeke lingbi na ti so be ti *Kota Gbia aye si ala sara ye so anzere na be ti lo. Ye ti peko ni ayeke so ala yeke sara mara ti anzoni ye nde nde si hingango so ala hinga na Nzapa ayeke gue lakue na nduzu.

Kolose 1:10 ပူးပေါင်းရင်းမြစ်များ

Amato 16:7

Tongana KOTA GBIA ayeda na lege ti sarango ye ti mbeni zo, ataa awato ti zo ni, lo yeke leke songo na popo ti lo na ala.

Ésaïe 53:11

Ndali ti pasi so lo baa, fade lo yeke baa lumiere; ndali ti hingango ye ti lo, lo yeke te gigi aninga. Zo ti kua ti mbi so ayeke zo ti mbirimbiri ayeke sara ande si gba ti azo aga azo ti mbirimbiri, ngbanga ti so lo yo sioni ti ala.

Daniel 12:4

‘Me ti mo Daniel, mo honde tënë so hondengo. Kozo si lango ti ndani alingbi, tënë so a su na ya ti mbeti so, mo fa ni na gigi pepe. Fade gba ti azo ayeke diko mbeti ni si hingango ndo ti ala ayeke kono.’ ”

Mishe 4:5

Amara oko oko ayeke sara ye gi na iri ti anzapa ti ala; me ti e, e yeke sara ye gi na iri ti KOTA GBIA, Nzapa ti e kpu na kpu.

Habakuk 2:14

Biani, fade azo ayeke hinga gonda ti KOTA GBIA si gonda ni ayeke si singo na ndö ti sese tongana ti so ngu asi singo na ya ti kota ngu-ingo.

Jean 15:16

Ala laa asoro mbi pepe, me mbi laa mbi soro ala; mbi zia ala titene ala gue ti le mingi si lengo ti ala angba lakue. Tongaso, fade Babâ ayeke mu na ala ye so kue ala hunda na lo na iri ti mbi.

Jean 15:8

Fade Babâ ti mbi ayeke wara gonda na lege so: tongana ala le mingi, so afa atene, ala yeke adisiple ti mbi.

Jean 17:3

Fini so angba lakue lakue ayeke titene azo ahinga mo, mo so mo yeke oko taa Nzapa si ala hinga nga Jésus Christ, lo so mo tokua lo.

Rome 1:13

A-ita, mbi ye si ala hinga so fani mingi, mbi leke be ti mbi ti gue ti baa ala, me lege akanga na mbi ngbii asi laso. Mbi yeke na nzara ti si kâ titene mbi sara kua si mbi wara lengo ni tongana ti so mbi wara na popo ti azo ti amara nde.

Rome 4:12

Lo yeke nga babâ ti azo so kue afâ ganza awe, so ti tene ala so azia be ti ala gi na ndö ti fango ganza pepe, me ala yeke sara ye na lege ti mabe tongana babâ ti e Abraham: lo ma na be na Nzapa kozoni si lo fâ ganza.

Rome 6:4

Tongaso, na lege ti bateme, a lu e legeoko na Christ si e ga oko na lo na lege ti kuâ so lo kui; me Christ azingo na kuâ na lege ti ngangu ti Babâ titene e nga, e sara si dutingo ti e aga nde.

2 Korente 2:14

E mu singila na Nzapa, ngbanga ti so na lege ti gango so e ga oko na Christ, lo yeke zia e lakue na ya ti molongo ti azo so atambula na peko ti Christ so aso benda awe. Tongaso, Nzapa ayeke sara titene azo ahinga Christ na ndo kue ndali ti e; ye ni ayeke tongana fion ti yombo so amu ndo kue.

2 Korente 4:6

Nzapa so atene ando, atene: “Ayeke nzoni lumiere aza na ya ti vukongo ndo”, lo wani laa lo za na be ti e titene le ti e azi si e hinga gonda ti lo so ayeke za na ndö ti le ti Christ.

2 Korente 5:9

Me taa ye so e ye ayeke titene dutingo ti e azia ngia na be ti lo, ataa e ngba na ya ti tere so wala e sigigi na ya ni.

2 Korente 9:8

Nzapa ayeke na ngangu ti mu na ala mara ti anzoni ye kue ahon ndoni. Tongaso, ala yeke na ye lakue so alingbi na ala si ala yeke nga na mbeni na ndö ni ti sara na anzoni kua kue.

Efeze 1:17

Mbi hunda na Nzapa ti Kota Gbia ti e Jésus Christ, Babâ so ayeke na gonda, titene lo mu na ala Yingo ti ndara. Fade Yingo ni ayeke fa Nzapa na ala, tongaso si ala hinga lo nzoni.

Efeze 2:10

Taa-tënë, Nzapa laa asara e; na gango so e ga oko na Jésus Christ, Nzapa aleke e titene e mu tere ti e kue ti sara anzoni ye so lo leke kozoni titene e sara.

Efeze 4:1

Tongaso, mbi so mbi yeke na da ti kanga ndali ti kua ti *Kota Gbia, mbi hunda na ala mingi titene sarango ye ti ala alingbi na iringo so lani Nzapa airi ala.

Efeze 4:13

ngbii e kue, e ga oko na lege ti mabe nga na lege ti hingango Molenge ti Nzapa. Tongaso, fade e yeke ga akangba na lege ti mabe si fini ti e kue ayeke ga tongana ti Christ.

Efeze 5:10

Ala gi lege ti hinga ye so anzere na be ti Kota Gbia.

Efeze 5:15

Ala sara hange na lege ti dutingo ti ala. Ala duti tongana abuba zo pepe, me tongana azo ti ndara.

Efeze 5:2

Ala sara ye na lege ti yengo tere tongana ti so Christ aye e si lo mu tere ti lo wani na Nzapa ndali ti e tongana *sandaga so fion ni afun nzoni si anzere na be ti Nzapa.

Filipe 1:11

Fade sarango ye ti mbirimbiri so alondo na Jésus Christ ayeke si singo na ya ti fini ti ala; na lege so laa ala yeke gonda Nzapa si ala yeke sepela lo.

Filipe 1:27

Gi ye oko, ayeke nzoni lege ti dutingo ti ala alingbi na ti so Nzoni Tënë ti Christ afa. Tongaso, ataa mbi ga, mbi baa ala, ataa mbi ga pepe, me mbi ma atënë ti ala, fade mbi yeke hinga, mbi tene, ala ngba ti luti nganganga, tënë ti be ti ala kue ayeke gi oko si ala bongbi oko ti tiri ndali ti mabe so aga na lege ti Nzoni Tënë.

Filipe 4:18

Na ndembe so, mbi wara aye so alingbi na mbi awe; mbi kiri mbi wara ahon ndoni. Mbi yeke na ye mingi na peko ti so Epafrodite aga na aye so ala tokua na mbi so. Aye so ala tokua so ayeke tongana yombo so afun nzoni, ayeke nga tongana *sandaga so Nzapa aye tënë ni si anzere na be ti lo.

Kolose 2:19

Azo tongaso angba na tere ti Christ pepe so lo yeke tongana li ti zo. Ndali ti li laa tere kue ayeke wara ye so kue alingbi na lo; ndali ti lo laa ando so abio atengbi daa nga na akamba ti tere abongbi, aga oko si amai nzoni tongana ti so Nzapa aye.

Kolose 2:6

So ala yeda titene Jésus Christ aga *Kota Gbia ti ala awe, ayeke nzoni ala sara ye tongana azo so aga oko na lo.

Kolose 3:20

Amolenge, ala ma yanga ti ababâ na amama ti ala na ya ti aye kue; ye so anzere na be ti Kota Gbia laa.

Kolose 4:5

Ala duti na ndara na popo ti azo so ahinga Nzapa pepe; ala zia ngoi ti ala ahon senge senge pepe.

1 Tesalonike 2:12

E mu na ala wango, e sara titene be ti ala akpengba, e hunda na ala mingi titene lege ti dutingo ti ala alingbi na ti so be ti Nzapa aye, lo so lo iri ala ti li na ya ti Kodro-gbia ti lo nga na ya ti gonda ti lo.

1 Tesalonike 4:1

Ti hunzi na ni, a-ita, e fa na ala lani lege ti dutingo so ala lingbi ti duti na ni si anzere na be ti Nzapa. Biani, ala duti tongaso awe. Me fadeso, e yeke hunda na ala si e voro ala na iri ti *Kota Gbia Jésus titene lege ti dutingo ti ala akiri aga nzoni ahon ti kozoni.

2 Timothée 2:4

Zo so ali na kua ti turugu, tongana lo ye titene kota zo ti lo agonda lo, lo yeke zia be ti lo pepe na akua ti asenge zo.

Tite 3:1

Mo kiri mo tene na azo kue: alingbi ala ma yanga ti azo ti komandema na ti azo so ayeke na li ti kodro; alingbi ala sara ye so azo ni ahunda na ala, ala duti nduru ti sara nzoni ye lakue.

Tite 3:14

Alingbi azo ti e nga amanda lege ti mu tere ti ala kue ti sara anzoni ye. Tongaso, tongana mbeni ye atia, ala lingbi ti mu maboko ndali ni, ala duti gi senge pepe.

Ahebro 11:5

Na lege ti mabe, a mu Henok na yayu titene lo kui pepe. Mbeni zo akiri abaa lo pepe, ngbanga ti so Nzapa amu lo awe. Mbeti ti Nzapa atene: kozo titene Nzapa amu lo, Henok aga nzoni na le ti lo.

Ahebro 13:16

Ala girisa ti sara nzoni be na azo pepe, ala girisa ti mu maboko na amba ti ala na popo ti ala pepe; amara ti asandaga tongaso laa anzere na be ti Nzapa.

Ahebro 13:21

Ayeke nzoni Nzapa asara si ala ga azo so alingbi ti sara ye so kue ayeke nzoni nga na ye so be ti lo aye! Ayeke nzoni, na lege ti Jésus Christ, Nzapa asara si e sara ye so anzere na be ti lo! Gonda ayeke ti lo kpu na kpu! Amen.

2 Pierre 1:8

So ayeke anzoni ye so ala lingbi ti duti na ni laa. Tongana ala yeke na ni gbani gbani, fade ayeke sara si ala duti senge senge pepe si hingango so ala hinga na *Kota Gbia ti e Jésus Christ ayeke gue lakue gi na nduzu.

2 Pierre 3:18

Me alingbi nzoni be ti Kota Gbia Jésus Christ, Wasongo e angba ti mai na be ti ala si ala ngba ti mai na lege ti hingango lo. Gonda ayeke ti lo fadeso si angba ti lo kpu na kpu! Amen.

1 Jean 3:22

Ye so kue e hunda na lo, e yeke wara ni, ngbanga ti so e yeke sara ye alingbi na andia ti lo si e yeke sara ye so anzere na be ti lo.

1 Jean 5:20

E hinga so, Molenge ti Nzapa aga awe, lo mu na e lege ti hingango ndo si e hinga taa Nzapa. E na taa Nzapa, e ga oko na lege ti Molenge ti lo Jésus Christ. Lo laa lo yeke taa Nzapa, lo yeke fini so angba lakue lakue.

3 Jean 1:6

Ala fa na *Eglize ge tënë ti ndoye ti mo. Ayeke nzoni mo ngba ti mu maboko na ala na ya ti tambula ti ala tongana ti so be ti Nzapa aye.