Jude 1:9 - Mbeti ti Nzapa - Tënë so amu fini

⁹ Ataa Michel, makonzi ti a-ange asara mara ti ye so laoko pepe. Ando, tënë alondo na popo ti lo na Zabolo si ala yeke papa ndali ti mungo kuâ ti Moïse. Me titene lo fâ ngbanga ti sioni na li ti Zabolo, Michel abaa tere ti lo tongana zo so akpa pepe. Gi tënë so lo tene na Zabolo ayeke so: “Ayeke nzoni Kota Gbia afâ ngbanga na li ti mo!”

Jude 1:9 ပူးပေါင်းရင်းမြစ်များ

1 Mbai 12:17

Ambeni zo ti mara ti Benjamin na ambeni zo ti mara ti Juda amu peko ti David na ndo so lo honde tere ti lo daa.

Sigingo 22:28

“Ale ti kobe ti ala na ale ti vinye ti ala, ti mbi mbage ni, ala ku kungo pepe ti ga na ni na mbi. “Fade ala zia nde ndali ti mbi kozo molenge ti ala ti koli.

Daniel 10:13

Me *ange so ayeke bata kodro ti Perse agbanzi lege na mbi na ya ti lango baleuse na oko. Na pekoni, Michel, oko ti akota makonzi ti a-ange aga ti mu maboko na mbi. Tongaso mbi ngba kâ na tere ti agbia ti Perse.

Daniel 10:21

Me mbi yeke fa na mo ye so a su na ya ti mbeti ti taa-tënë. Zo oko ti mu maboko na mbi titene mbi tiri na awato so ayeke daa pepe, gi Michel oko so ayeke ange so ayeke bata azo ti Israel.

Daniel 12:1

“*Ange ni akiri atene na mbi: ‘Na ngoi ni kâ, Michel, kota makonzi ti a-ange so ayeke bata azo ti mara ti mo ayeke si. Fade ngoi ni ayeke duti ngoi ti ngangu. Ti londo na ngoi so amara nde abaa gigi ngbii asi na lâ ni kâ, mara ti ngoi so ade ti duti daa laoko pepe. Na ngoi ni so, fade azo ti mara ti mo, ala so a su iri ti ala na mbeti ti fini, ayeke soo kuâ.

Zakarii 3:2

Ange ti KOTA GBIA atene na Satan: “Satan, ayeke nzoni KOTA GBIA akanga yanga ti mo! Biani, ayeke nzoni KOTA GBIA akanga yanga ti mo; lo so lo soro Jérusalem so. Ti Yeshua, lo yeke tongana mbeni nduru keke ti wâ so a gboto ni na le ti wâ asigigi na ni awe pepe?”

Marc 15:29

Azo so ayeke hon na lege ayeke yingi li ti ala si ala yeke zonga lo, atene: “He! Mo so mo ye lani ti kungbi kota da ti Nzapa ti kiri ti leke ni na ya ti lango ota so,

Ndia ti fani use ni 34:6

KOTA GBIA wani alu lo na popo-hoto ti sese ti Moab, na ndo so abaa le na Bet-Peor. Ti londo na ngoi ni so ngbii asi laso, zo oko ade ti baa ndo so du ti kuâ ti lo ayeke da pepe.

1 Tesalonike 4:16

Fade Nzapa ayeke mu yanga na kota go, azo ayeke ma go ti makonzi ti *a-ange nga na tatalita ti Nzapa. Tongaso, Kota Gbia wani ayeke londo na yayu ti zu. Azo so ama na be na Christ si akui so, ala laa ayeke zingo na kuâ kozo.

1 Pierre 3:9

Ala kiri sioni ndali ti sioni pepe, ala kiri zonga ndali ti zonga pepe. Me ala sara tufa na ndö ti azo, ngbanga ti so Nzapa airi ala ndali ni, tongaso si fade Nzapa ayeke sara tufa na ndö ti ala.

2 Pierre 2:11

Ataa a-ange so ngangu ti ala ahon ti awafango-ye ti mvene so, laoko ala bi tënë ti zongango ndo na li ti ayingo ti yayu ni na le ti Kota Gbia pepe.

Aye so Nzapa afa 12:7

Na yayu kâ, mbeni kota bira alondo. Michel na a-ange ti lo atiri na sioni nyama ni. Sioni nyama ni nga amu *a-ange ti lo na tere ti lo ti tiri na bira ni.