Jude 1:8 - Mbeti ti Nzapa - Tënë so amu fini

⁸ Azo so asi na popo ti ala so, ala nga ayeke sara ye tongaso: ambeni ye aga na li ti ala tongana bango-li, apusu ala ti sara siokpari na tere ti ala wani; ala baa komandema ti Nzapa tongana buba ye na le ti ala si ala yeke zonga ayingo ti yayu so ayeke na gonda.

Jude 1:8 ပူးပေါင်းရင်းမြစ်များ

Tongo nda ti aye 3:5

Me Nzapa ahinga atene, na lango so ala yeke te ni, fade le ti ala ayeke zi si ala yeke ga tongana Nzapa ti hinga ye so ayeke nzoni na ye so ayeke sioni.”

Sigingo 22:28

“Ale ti kobe ti ala na ale ti vinye ti ala, ti mbi mbage ni, ala ku kungo pepe ti ga na ni na mbi. “Fade ala zia nde ndali ti mbi kozo molenge ti ala ti koli.

Amato 30:11

“Ambeni zo ayeke daa so ayeke deba babâ ti ala si ala yeke tene nzoni tënë na ndö ti mama ti ala pepe.

Amato 30:17

Zo so ahe babâ ti lo si lo ke ti ma yanga ti mama ti lo, fade *akpakpo ti tere ti ngu ayeke koro le ti lo si *angoalo ayeke te lo.

Zo ti bongbingo azo 10:20

Mo kasa gbia na ya ti be ti mo pepe. Mo kasa zo ti mosoro pepe, ataa na ya ti kubu ti mo, ngbanga ti ndeke amu tënë ni ti hon na ni si lo fa peko ni na zo.

Wungo ti azo 16:3

Ala kue atomboka na tere ti Moïse na Aaron si ala tene: “Ye ni afun sen awe! Azo ti Israel kue ayeke azo so *KOTA GBIA azia ala nde ndali ti lo; KOTA GBIA ayeke nga na popo ti e kue. Ngbanga ti nyen si ala mu tere ti ala tongana azo so ayeke na ndö ti bongbi ti azo ti KOTA GBIA kue so?”

Nzoni Tënë so Luc asu na mbeti 11:25

So lo kiri lo si, lo wara da ni, andaa a balee ya ni, a leke ni kue nzoni awe.

Nzoni Tënë so Luc asu na mbeti 12:11

Tongana a mu ala ti gue na ala na ngbanga na ya ti ada ti sambelango Nzapa, wala na gbe ti azo ti fango ngbanga, wala na gbe ti akota zo ti kodro, ala gi be ti ala pepe, atene: ‘Tënë ti nyen laa e yeke kiri ande na ni ti zi tënë na li ti e?’

Nzoni Tënë so Luc asu na mbeti 19:14

Me amba ti lo azo ti kodro ni aye tënë ti lo pepe. Nilaa ala tokua ambeni zo na peko ti lo titene ala gue, atene: ‘E ye si koli so ale-gbia na ndö ti e pepe.’

Awatokua 23:5

Paul akiri tënë, atene: “A-ita, mbi hinga fade pepe, mbi tene, lo yeke kota wayango-sandaga. Biani, Mbeti ti Nzapa atene: ‘Mo tene sioni tënë na tere ti makonzi ti mara ti mo pepe.’ ”

Awatokua 7:27

Me lo so ayeke sara pasi na mba ti lo so apusu Moïse si atene na lo: ‘Zo wa laa azia mo makonzi ti fâ ngbanga na popo ti e?

Awatokua 7:39

Me akotara ti e ake ti ma yanga ti lo, ala ke lo si ala ye ti kiri na Ezipte.

1 Korente 3:17

Tongana mbeni zo abuba da ti Nzapa, fade Nzapa ayeke buba lo. Biani, da ti Nzapa ayeke nde si ayeke nzoni kue, ala laa ayeke da ti Nzapa ni.

1 Tesalonike 4:8

Ndani laa, zo so ake ti sara ye alingbi na atënë so, zo laa lo ke lo pepe, me lo ke Nzapa so ayeke mu Yingo-Vuru ti lo na ala.

1 Timothée 1:10

azo ti gingo wali wala gingo koli kirikiri, akoli so ayeke lango na amba ti ala akoli, azo so ayeke ka amba ti ala na ngbaa, azo ti mvene, azo so ayeke deba na tënë ti mvene, ala na azo so ayeke sara ye so ayeke nde na fango ye so ayeke mbirimbiri.

Ahebro 13:17

Ala ma yanga ti azo ti li ti Eglize, ala sara ye so azo ni ahunda na ala. Azo ni ayeke baa ndo na ndö ti ala, ngbanga ti so fade Nzapa ayeke hunda ala ndali ni. Tongana ala yeke ma yanga ti azo ti li ti Eglize, fade azo ni ayeke sara kua ti Nzapa na nzerengo be si ala dema tere ti ala pepe. Me tongana azo ni adema tere, fade ala a-ita, ala yeke baa nzoni pepe.

1 Pierre 2:17

Ala ne azo kue, ala ye a-ita ti ala, ala kpe mbeto ti Nzapa, ala ne kota gbia.